Ke Aloha Aina, Volume VIII, Number 28, 12 July 1902 — Page 3
| This text was transcribed by: | Shawna Alapa'i |
| This work is dedicated to: | William and Marie Makuakane, na makua o ku'u hoaloha, Patrick Keaniniulaokalani Makuakane |
KE ALOHA AINA
POAONO, IULAI 12, 1902
HOPUIA HE IAPANA ME KA MANAO PUNI KOKO
Ma ka hoara 9:30 o ka po La Pula nei, ua hoea aku la kekahi Pake nona ka inoa o Ah Tong i ka halewai a hoike akula eia kona ola iloko o ke kulana kupilikii ma o na hooweliweli ana a kekahi Iapana e hou i ka pahe.
O kahi a keia Pake e noho ana ma kekahi hale hoolimalima no ia e ku nei ma ke alanui Maunakea, a o ka Iapana nana keia mau hana hooweliweli e noho ana oia ma ka rumi e pili pu ana me ko keia pake.
No ka imi ana i ka oiaio na hoouna ia ku la o Kane he makai me ka Pake, a ua ukali pu aku he mea kakau o ka nupepa namu Avalataisa, i ko lakou hiki ana i ka hale o Ah Tong e noho ana ua pii aku la lakou ma ke alapii no kona rumi. Ina wawae o ka makai a me ka Pake a me ka mea kakau o ka nupepa Avalataisa e pii aku ana me ka halulu iluna o ke alanui pii ua ike ai aku la kekahi Iapana i ka oili ana mai. Ua wehe koke ae la o Kane i kona papale a huna iho la i kona pihi makai. I kona mau hoa i hala e aku ai mamua oia no kona wa i ike aku ai i ke Iapana i ka hele ana mai imua ona. Ma kekahi lima e paa ana oia he pahi, me ka hookaula ole na paa aku la ka lima o ka Iapana ia Kane, i ka wa a ka Iapana e hoao ana e pahu mai i ua pahi la imua. Malalo o na kokua ana a ka mea kakau nupepa ia Kane, ua lilo mai la ka pahi a ka Iapana, ua lawe ia aku oia no lalo, aka, aole no nae iloko o ka maalahi. Ua malama ia na aumeume ana mawaena o laua a hiki i ka hoea ana i ka honua paa. Ma ka halewai ua hoike aku ka Iapana o Sisimaga kona inoa, aole he manao iloke ona e hoopoino i ke ola o kekahimea, aka, e okioki ana oia i ka alualu o ka apala a kekahi bebe. Aole i hoolohe ia kana mau kumu pale.
UA HOOPAU WALE IA KA PAIO
Ua hoopuka aku makou i ka hoolaha papa lealea a D.A. Mahuka ia J. Kalana makai o ka makeke huai i’a ma kela auina la Poaono aku nei. He mea oiaio, mamua o ka hiki ana mai o ka manawa i hoolaha ia ai, ua hoea aku o Mahuka makai o ka makeke a kali no J. Kalana, aka, aole nae oia i hiea ae i ka wa i kauoha ia ai a mahope loa iho, o ka pane a Kalana aole ona manao paio. Nolaila, ua lilo ka lanakila ia Mahuka, a ke haawi nei KE ALOHA AINA i kona mau hoomaikai no ka moho lanakila.
HALAWAI A KA AOAO DEMOKALAKA
Ua malama ia ae ma ke ahiahi Poakahi nei ka halawai a ke Komite Kowaena o ka aoao Demokalaka, ma ko lakou hale halawai ma Waverly Block no ka noonoo ana i ke noi a C,J. Makate, ka lunahoomalu oia komite, e hookuu aku iaia mai kona noho hou ana ma ia kulana oiai, oia na piha kona manawa me kana mau hana ponoi iho. Ua hoole na lala o keia komite i ka haawi ana aku i ko lakou ae no ka manao o ko lakou lunahoomalu, mo ka mea oia na la o ka paio koho balota ke hookokoke ami nei, mahope o ke kuka akahele ana ua ae aku ia o Makate e hoihoi hou aku i kana noi. Ma ia halawai pu hoi ua hooholoia ma keia po Poakahi aku, e kaheaia na lala a pau o ka aoao Demokalaka e akoakoa ae ma ka halepohaku Waverley Block e ku nei ma ke kihi o alahui Betela a me Hotele no ka noonoo ana i na hana ano nui e holomua ai ko lakou aoao kalaiaina. Nolaila, mai poina i keia halawai e na Demokalaka aloha aina a pau.
HAALELE HOU IA REPUBALIKA
Ua loaa mai ia makou he lono ua waiho aku la o W,J. Coelho i kona noho ana he hoa no ke Komite Kuwaena a me ke Komite Mana Hooko o ka aoao Repubalika. Aole he maopopo o kona kumu w waiho aku la i ka aoao ana i kakoo ai i na kau i hala ae nei, aka, he hookahi wale no paha kumu oia ke kulike ole o kona mau manao me na alakai ana a ka hapanui a ia aoao. I keia po Poaono e noonoo ai na Repubalika i ke noi a W.J. Coelho. Ea, heaha mai nei hoi keia o na Repubalike, malia paha ke ike e aku nei keia mau keonimana i kekahi poino nui namua o ke alahele o ko lakou moku kalai aina oia paha ko lakou kumu e haalele e nei i ko lakou moku i ola honua. He hauoli nui makou i na kanaka opio Hawaii naauao i haalele aku la i ka aoao Repubalika a lakou i kakoo iho nei, no ka mea, o ka aoao no ia e e hooikaika nei e kaili hou aku i ka mana koho balota i loaa i na kanaka Hawaii ilihune.
KAKAUOLELO DAVID KALAUOKALANI
Ma ka mokuahi Sonoma o ke kakahiaka Poakolu nei i huli hoi mai ai o David Kalauokalani Opio, ke Kakauolel pilikino a Elele Wilikoki, mai ke Kapitala mai o Wasinetona, mahipe o ka hookuu ana mai la o ka Ahaolelo
Aohe aha elele nui o ka uluaoa e like ala me ka na Home Rula e malamaia nei a aneane hoolei puupuu no ma kekahi manawa.
MA KE KAUOHA
KOMISINA MAHIAI A ME ULULAAU, TERITORI O HAWAII
O ka hoikeike hookuku o na hua ai, na mea ai ulu a me na mea ulu no na makana dala a me na palapala hoohanohano.
Poakahi a me Poalua, Iulai 28 a me Iulai 29, 1902, maloko o ka Hela Paikau Honolulu.
Ona hoikeike ua konoia iloko o keia mau mahele like ole i hoonohonohoia e like me keia papa kuhikuhi malalo iho nei.
MAHELE I.
Manaki – Umikumamalua ano, elua makana
Pea – Eono ano, elua makana.
Hala Kahiki – Eha ano, elua makana.
Piku – Umikumamalua ano, elua makana.
Ipu Haole – Eha ano, elua makana.
Alani – Umikumamalua ano, elua makana.
Lemi – Umikumamalua ano, elua makana.
Lemona – Umikumamalua ano, elua makana.
Papaia – Eono ano, elua makan
Waina – Eono huhui, elua makana.
Kuawa – Umikumamalua ano, elua makana.
Pike – Umikumamalua ano, elua makana.
na.
Poha = Hookahi kuata, elua makana.
Ohia Kuahiwi – Umikumamalua ano, elua makana.
Maia – Ahui maikai loa, elua makana
Ohelo – Hookahi kuata, elua makana.
Maia – Hawaii ahui maikai loa, elua makana.
Maia = Hua ohaha maikai, elua makana.
Niu – Eha ano, elua makana.
Maikai o na hua ai hoikeike elua makana.
MAHELE II
Uwala – Kahiki, umi ano, elua makana.
Uwala – Hawaii: umi ano, elua makana.
Uhi – Wono ano, elua makan
Kapiki – Ekolu puu Kapiki, elua makana.
Kapiki – Cauliflower, ekolu puu, elua makana.
Kapiki – celery, ekolu ano, elua makan.
Kulina – Umikumamalua ano, elua makana
Papapa – Hihi; elua paona, elua makana.
Papapa – Iwi; elua paona, elua makana.
Beets – Eono ano, elua makana.
Ohia= Kahiki eono ano, elua makana.
Karote – Eono ano, elua makana.
Kapiki – Lettuce, eha puu, elua makana.
Tunipa – Eono ano, elua makana.
Radis – Elua huhui, elua makana.
Akaakai – Eono ano, elua makana.
Nioi – Hookahi paona, elua makana.
Kalo Kanu Maloo – Eono ano, elua makana.
Kalo Kanu Wai – Eono ano, elua makana.
Pu – Eha ano, elua makana.
Pu – (Palaai) Eha ano, elua makana.
Maikai o na mea ai ulu hoikeike, elua makana.
MAHELE III
Kope – Maikai o ka hoikeike, elua makana.
Paddy – Elua paona, elua makana.
Raiki – Elua paona, elua makana.
Ko – Umi pauku ko, elua makana.
MAHELE IV.
Mauu Maloo = hookahi pu’a, elua makana.
Mauu – Sorghum hookahi pu’a, elua makana.
Mauu Guinea - Hookahi pu’a, elua makana.
Mauu Buffalo – Hookahi pu’a, elua makana.
Mauu Alfalfa – Hookahi pu’a, elua makana.
Mauu Clover = Hookahi pu’a, elua makana.
Mauu Panicum – Hookahi pu’a, elua makana.
MAHELE V.
`Pma Poho – Mea maikai loa elua makana
Pama Hawaii – Loulu lelo, maikai loa, elua makana.
Na Palapalai maikai loa (12) eono ano like ole moakaka loa.
MAHELE VI.
Pua Akoia – Mea maikai loa; elua makana.
Rose – Mea maikai loa, elua makana.
Ponomoi – Mea maikai loa, elua makan.
Pua Koniaka Asters – Mea maikai loa, elua makana.
Orchids – Mea Maikai loa, elua makana.
MAHELE VII
Lei Ilima – Na mea maikai loa ekolu, elua makana.
Lei Ponomoi – Na mea maikai loa ekolu, elua makana.
Lei Maile – Na mea maikai loa ekolu, elua makana.
Lei Pomelia = Ma mea maikai loa ekolu, elua makana.
Ona wahi e hoahu ia ai na mea hoikeike e hoolako ia ana ia me ke kupono loa e ko Komisina Mahiai ame Ululaau, a ke noi aku nei ina mea a pau e makemake ana e komo iloko o keia hoikeike e hoouna mai i ka lakou mau hoike ma ke kakau ana mai, i ka Pahu Leta Helu 532, Honolulu. E hamama ana ka hoikeike i ka hora 10 a.m., Poakahi Iulai 28. Ona mea hoikeike a pau e waiho ia lakou ma kahi hoikeike he hora mamua ae o ka wehe ana, a i ole aole lakou e ae ia e komo aku iloko o na hookuku ana no na makana. No ka haawi ana aku ina poe ma na mokupuni mawaho aku nei i wa mo lakou e maikaikai ai i keia hoikeike nui o na mea ulu, ua hoemi iho na Hui Mokuahi i ka uku moku a hapalua like o ka auhau e uku mau ia nei e na ohua, me ka ae pu ana e lawe mai i na mea hoikeike me ka hahau ole no na mea i koe e ninau ia.
WRAY TAYLOR,
Komisina Mahiai ame Ululaau.
Palapala Hooia Hoahu E like me ia i Hoopukaia e ka
HUI HAWAIIAN REALTY A ME MATURITY KAUPALENA@
Hoahu Maraki 20, 1901
Huina Waiwai $50,000
5,000 MAHELE: $10.00 Pakahi:
Uku Pau ia
Heaha na Kumu?
1. Aole makou e koi aku ana ia oe e uhaai i kau dala.
2. E haawi ana makou i kekahi ala hele palekana e hiki ai ke hoopukapuka a loaa ke dala mamuli o ka hoohui i na huina liilii i kela a me keia mahina, a mamuli o ia mea, e koe ana he huina dala mai ka hookilo ia ma kekahi ano e ae, a e loaa ole ana ia le kekahi wahi pomaikai mai loko mai oia mea.
3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, mo ka mea, ua hiki i na kane, ne wahine a me na keiki ke lilo i poe hoahu.
Hooia Hoahu
4. Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia o $50 pakahi i hoopilipuia, oka averika no ka puunaua iloko 19 mahina, a e ohi ana makou $150 a e loaa ana ia oe $200. O kou puka $33.33 no kela a me keia dala pakahi i hoahu ia e loaa ana ia oe he 33-1-3 keneta puka.
5. No ka mea ao’e oihana hoopukapuka i ikeia i ou aku ka pomaikai mamua o keia. Ekakau mai i na hoa kake piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.
HUI HAWAII REALTY A ME MATURITY KAUPALENAIA.
MaIntyre Hale kihi o na Alanui Papa a me Moi. Rumi 3 a me 4. Pahu Leta 262
I.K. KENEWELA,
Peresidena