Ke Aloha Aina, Volume VIII, Number 37, 13 September 1902 — Page 1

KE ALOHA AINA

 

BUKE VIII.  HONOLULU, POAONA, SEPATEMABA 13, 1902.  HELU 37

 

1000 OLA I LILO HOU AKU LA I MOEPUU NA KA PELE

 

            Gu@d@loupe, Sept 2  O ka mokuahi Canada i kipa mai la i anei i keia la mai Martinque mai, ua lawe hou mai la oia i ka lono o ka luku weliweli ia ana o Morne Rouge Carbet a me Ajoupa Bouillon a me Grand Riviere e ka luai pele mai luna mai o Mauna Pelee ma ka hora 9 o ka po Poaono. O ka nui o na make i hoikeia mai ma kahi no ia o 1000, a he nui a lehulehu pu hoi na poe i hoeha ia, no ia kumu ua hoolilo ia ae ka halepule Saint Louis, ma Fort de France i hauki pi@a no ka manawa no ka malama ana i keia poe poina.

            He nui na ohana i loaa aku ua hoopilikia ia e ka poloii a ka ai maloko ponoi o ko lakou mau home, aole lakou i nele maoli i ka ai, aka, he makau loa lakou i ka hele ana aku e hoomakaukau. Iloko o kekahi mau hale ua loaa aku na kane a me na wahine e kukuli ana maluna o ko lakou mau kuli a e kali ana no ka hoea mai o ka haailono o ka make i ko lakou mau ipuka hale, oiai, ua maopopo loa ia lakou aole he alahele no lakou e loaa ai no hoopakele ia ana.

            Aia maluna aku o 1000 poe pilikia e malama ia aia ma Fort de France, a ke hopohopo ia nei he @uku wale no na poe e palekana mai ana. E a ke hopohopo pu ia nei ka mokukaua i holo aku no ka aoao akau, kona wahi i hoouna ia aku ai no ka hoopakele ana i na kanaka.  O keia pahu hope ana a ka pele he oi loa ae kona ikaika i na pahu @ a i kaua ia mamua aku nei.

 

HALA OJ. KANUI.

 

            Ma ke kakahiaka nui onehinei, i hookuu mai ai o J Kanui i keia ola kekahi o na aloha aina oiaio i ikeia mai kinohi mai. Ua nalo no oia ma ia la.  Aloha no.

 

            @ hoomaikai ka Mr. a me Mrs. J. L. Kukahi, i loaa mai i ko makou keena nei, aka, no ka loaa ole o kahi k@wa kauwale ua hookaulua ia a keia pule aku.

 

 

KE NOHO NEI NA KOMISINA AMERIKA

Aia ke Koi a Liliuokalani Imua o Lakou

 

            Ma ka hora 10 o ke kakahiaka Poakahi nei i noho ai @a Aha Niele a na Komisina Amerika i hoea mai nei no ka noii a hakilo pono ana i na kulana hoopono pono aupuni a me na pilikia o Hawaii nei, e like me ke kauoha a ka Ahaolelo o Amerika Huipuia, oia hoi na Senatoa Mitchell Lunahoomalu, Senatoa Burton a me Senatoa Foster.

            He nui na memoriala i hoea aku imua o na Komisina ma ia la i hoouna ia aku e na hui like ole, o kekahi o ia mau memoria la he noi na ka hui banako @o Bihopa, e noonooia ka mea e pili ana i ke dala Hawaii, a na na hui kalepa e hoike ana i na kulana pilikia Kuw@ho a Kuloko o keia Teritori, mai na ma’i ahulau mai na aina e mai, na hoolilo koikoi a ka waihona aupuni e auamo nei, ka kulana limahana a me na hana pili kalaiaina; na loaa na hoolilo o na oihana kalepa, a pela aku. Ua hoea pu ae malaila o Komisina Aina Boe, ua waihoia aku e na Komisina na ninau e pili ana i na Aina Aupuni a me na kanawai e hoomalu ana ia la kou. Ua kue aku o Boe i ka ae ia ana o na kanawai noi aina hou, no ka mea, he alahele ia e lilo aku ai ia mau aina i kaupalenaia iloko o ka poe kaka@kahi, a no hoike aku oia imua o na Komisina, o ka @la kanawai ana i waiho aku ai imua o ka Aha olelo oia maoli ka bila kupono ana i manao ai oia ke hookoia no Hawaii nei. Ua kauoha hou ia mai o Boe e hoea hou aku i kekahi la ae me kana mau hoike a pau. Ua koonoo pokole ia ke noi a ka Hui Wai o Kohala, ma o A. B. Geler ala, a na hoopapee ia no kekahi manawa okoa aku. Ma ka noho auina la ua kipa aku o Dole a me Kakuolelo Kupa e ike i ka hana a na Komisina, a na holo makaikai aku ia lakou no ka pa hoomalu ma@ ma Kahakaaulana. Ma ka noho ana a na Komisina ma ka Poalua, ua helu heluia ka leta a Kia@ Dole, e haawi mai ana i na komisina i kona manao hauoli no ka hoouna ana mai o ka Ahaolelo Amerika i mau komite no ka huli pono ana i na makemake o Hawaii nei, a o kekahi mau mea e pono e noonoo ia e keia komite oia @e dala Hawii, ka Bila Wai o Kehala, ka uku ana i na koi Poha Pauahi, ka lawa ole o ke aupuni me e dala e hoonee aku ai i na hana no ka pono o ka lehulehu, ka pono o ke kukulu ana i ke keena

( E nana ma ka aoao 5.)

 

NA HANA NIHO

O KEIA AU HOU

He Nui ke Emi

 

            Ina he makemake oe e hana i kou niho e hele ae i ha Kuaka Kaulana i ka Hana Niho ma ka Arlington Block, 215 Alanui Hotele ma kai aku nei o ke Alanui Uniona. He eleu a mikioi laua ma keia oihana a ua lawelawe ia e laua no kekahi mau makahiki loihi. O ka @ana ana aole he uku. He Lede Hawaii kekahi e kokua nei ia laua.

 

Papa Niho Gula...............

Papa Niho Dala............... } $5

Papa Niho Maoli.............

 

Hoopiha me ke Gula............   $1 a pii aku

Hoopiha me ke Dala............   50 keneta

No ka Huki Ana...................   50 keneta

 

O ka maua mau lako paahana niho no keia au hou  O na poe a pau e hana ia ana ko lakou u au niho e maua ua hiki ia maua ke hoo a o he paa loa no ia.

 

 

PAKELE KE OLA O KA PERESIDANA RUSEVELA.

 

            Pittsfield (Mass). Sept. 3. – Ua pakele mahunehune mai ke ola o Peresidena Rosevela i keia la iaia e hola ana mai keia kula nakauhale aku no Lennox.

            Ua hookui aku ke kea a ka Peresidena e holo ana me kekahi @aa@nwila e holo paukiki ana. Ua owala ia mai ke kaa a o ka poe a pau e noho ana iluna o na kaa ala na pau i ke kiola ia ae ilalo. Ua pakele mai ka Peresidena me kekahi mau alina maluna ona, aka, o William Craig, Kona Agena Keil Malu, kai make koke loa, a o David Pratt, kona kalaiwa kaa na loaa ae i ka poino kukonukonu loa.

            O Kakauolelo Cortelyou, e noho ana oia ma ka aoao o ka Peresidena, ua loaa no iaia he mau palapu. O Kiaaina Crane, e noho ana ma ka aoao o ke Kakau olelo, oia ka mea i loaa i kekahi alina. Ua nahaha liilii ae ke kaa a o ka lio e pili ana ma ka aoao o ke kaa-u wila, ua make loa iho ia. Aohe he mea i poino o luna o ke kaa-u wila.

            I ke wa i hookui ai ke kaa ua kiola ia aku o Craig a me Pratt mamua. Ua lele pololi aku o Craig, maluna o ke alahao a mamua o ka hiki ana iaia ke oni ae na paa aku la oia malalo o ke kaa a make loa.  O Pratt hoi, ua lele aku no oia no ke alahao ak@, ua kauo koke ia aku oia e ka lio a hookahi ka lilo pu ana me ka lio i make. O ka Peresidena hoi a ma kona hoa, ua kiola ia aka no imua a waiho ana i ke alaniu.

            Ua moku ka lehelehe o ka Peresidena, a e kahe ana ke koko. O kona pono kino ua haukae i ke koko a e waiho kikoola ana no hoi.  Ua loaa ae he eha m@ ke poo o ke Kakauolelo Cortelyou, a e kahi ana no hoi ke koao. Ua hooponopono iha la lakou nei ekolu a hoi aku la no kahi o Mr. Charler R. Steven e ku kekoke ana ma kahi i loaa ai keia ulia.