Ke Aloha Aina, Volume VIII, Number 37, 13 September 1902 — Page 3

KE ALOHA AINA

 

 

KE ALOHA AINA, POAONO, SEPATEMABA 13, 1902.

 

NA LEALEA HEIHEI WAAPA.

 

            Ona lealea heihei waapa i hoomakaukau ia e ke komite heihei no keia Poaono e hiki mai ana maloko o ke awa ae nei, oia iho keia.

 

1. Heihei waapa eono hoe, Matala me Healani.

2. Heihei waapa kiki eono hoe.

3. Heihei waapa eono hoe, Matala me Healani.

4. Heihei moku kiakahi, papa ekahi.

5. Heihei moku kiakahi papa elua.

6. Heihei moku kiakahi papa ekolu.

7. Heihei moku kiakahi papa eha.

8. Heihei moku kiakahi papa elima.

9. Hukihuki waapa Kepani.

10. Heihei waapa eono hoe, Matala.

11. Heihei waapa Kepani eono hoe.

12. Heihei waapa huelopoti eono hoe.

13. Heihei waapa eono hou.

14. Heihei waapa eono hoe, Matala Healani.

15. Heihei waapa mokuahi.

16. Heihei waa pe'a.

17. Heihei waapa Geremania.

18. Heihei waapa uwapo elua hoe.

 

Ke koho wale ia nei he mau hoololi kekahi e hana ia aku ana ma kekahi mau heihei, aka, aole nae he nui loa. O ke kahua o na lunakanawai ma ko lakou wahi mau no ia makai aku o ka uapo o ka Hui mokuahi Holo Piliaina. O na noho o ka lehulehu e loaa no ia ma kela a ma keia uwapo. E hoea pu ae ka Bana Aupuni makai o ka uwapo no ka hoonanea ana i ka lehulehu.

 

E HOOPAA HOU I KOU INOA

 

            Ua lohe ia aku ka leo hoopalaleha o kahi mau Hawaii e olelo ana. Heaha ka waiwai e hele hou aku ai e hoopaa inoa, no ka mea, ua paa no ko makou inoa i kela hoopaa inoa mua ana aku nei, a aole no hoi makou i hele aku ma kekahi apana okoa e noho ai. E na Hawaii mai kuhihewa o ka paa ana o kou inoa i kela makahiki aku nei e loaa ana ia oe ka mana koho i keia kau koho balota e hookokoke mai nei. Ua kauoha ke kanawai me ka moakaka, o ka poe i hoopaa ole i ko lakou inoa i keia kau hoopaa inoa, ua hoole loa ia ka loaa ana o ka mana koho balota ia lakou. Nolaila, ke paipai aku nei makou i na Hawaii apau mai hoopalaleha i ka hele ana ae e hoopaa i ko oukou mau inoa i loaa ai ia oukou ka pono koho me ke ke'ake'a ole ia. O kou hoopaa ana i kou inoa i kela makahiki aku nei i hala no ia manawa aku la no ia, a aole loa ia i mana no keia kau koho balota e nee mai nei. E hoolohe i keia leo uwalo o nele auanei oukou ma keia pono.

 

            I keia Poaono e holo hou aku ai ka mokuahi Helene me ka piha ohua makaikai i Kaluaopele.

 

KAPA IA HE PAKE.

 

            Loko Paakai, Uta, Aug 28. I keia la i hoole ai o Kakauolelo Apana James i ka haawi ana i kekahi palapala mare no kekahi kanaka Hawaii koko piha no ka mare ana me kekahi kaikamahine ili keokeo. Ua hoea aku keia paa mare imua ona ma ka la inehinei; o ka wahine he 16 ka nui o kona mau makahiki, a ua ukali ia mai oia e kona makuakane no ka hoike ana aku i kona ae. Ua hoole ke kakauolelo apana i ka hoopuka ana i ka palapala mare a hiki i ka wa a ka loio apana e haawi mai ai i kona manao ma ke kanawai.

            I keia la i hoike aku ai keia luna aupuni i ke kakauolelo e a'o aku ana, o kona manao aole e hoopuka ia kekahi palapala mare. Wahi ana, e like me ka olelo hooholo a ka Aha Kiekie o Uta, o ke kanaka Hawaii he lala oia no ka lahui Mongolian (lahui Pake), a oiai ua hookapu ia ka mare ana o ka pake me kekahi ili keokeo ma keia mokuaina, aole loa e hiki i ke kakauolelo ke hoopuka i kekahi palapala mare no keia paa mare.

 

HOPU IA MA KE ANO HOOHUOI.

 

            O kela pauahi nui ma kai o Kakaako i ka wanaao Poaono nei nana i hoolilo i ka hale inu rama Elite i puu lehu, ua manao ia aole ia he ahi uila, aka, he ahi no ia i hoea mai malalo o kekahi mau hana kolohe i lawelawe ia. Nolaila, mamuli o ia mau hoohuoi ana ua hopu ia iho la ka ona o ua hale inu rama ala, no ka mea, ua hoomaopopo ia, ua inisua ia na waiwai o loko o keia hale inu rama, a oiai, ua kokoke mai ka hopena o na la o kona wehe hamama ia ana, ua manao iho la paha keia ona hale inu rama o ke alahele wale no ia e loaa ai iaia o kela puu dala ana i inisua ai. Aka, ua kuhihewa loa nae ia mau lia ana, oiai, o ke kino aku la ka luahi o kana mau kuko hewa i hoolala ai.

 

NA MOHO HOLO BALOTA.

 

            He 30 la mamua ae o ka hoea ana mai o ka la koho e hoouna mai ai kela a me keia moho i kona inoa i ke kakauolelo o ke Teritori, H.E. Kupa. Aole ka Mokupuni o Oahu nei iloko o keia kaupalena ana a ke kanawai, aka, no na mokupuni no ia mawaho aku nei, i wahi e hiki ai i ke aupuni ke ike i ka nui o na moho o kela a me keia wahi mamua o ke pa'i ia ana o na balota.

 

            E loaa no na waina Claret mai kai loa ma ka halekuai rama o Camara no ke 50 keneta o ke galani.

 

MA KE KAUOHA

HOOLAHA HOOPAA INOA

 

            E halawai ana ka PAPA HOOPAA INOA o ka Mokupuni o Oahu nei ma na wahi a ma na manawa i hoakakaia malalo iho nei, no ka uleulele ana i ka poe noi e lilo i poe koho balota ma ke kau koho e hiki mai ana, me ka hooholo ana i ko i kou kupono:

            POAKAHI, SEPT 15, 1902

Wahi Hoolulu Kaaahi Puuloa - 7:45 a 9:15 am

Wahi Hoolulu Kaaahi Aiea - 9:45 a 11:15 am

Hale Hookolokolo Manana - 4 a 7 pm

            POALUA, SEPT 16, 1902

Mahiko Waipahu - 8:15 a 10:15

Mahiko Ewa - 1 a 3 pm

Hale Hookolokolo Waianae - 5 a 7 pm

            POAKOLU, SEPT 17, 1902

Wahi Hoolulu Kaaahi Makua - 10 a 11 am

Hale Hookolokolo Waialua - 1 a 3 pm 5 a 7 pm

            POAHA, SEPT 18, 1902

Mahiko Kahuku - 2 a 4 pm

Laie Hall - 6 a 8 pm

            POALIMA, SEPT 19, 1902

Hale Hookolokolo Hauula - 8 a 9 am

Halepule Waikane - 11 a 12 awakea

Hale Hookolokolo Kaneohe - 6 a 10 pm

            POAONO, SEPT 20, 1902

Kailua (8am B@@) - 8 a 9 am

Keena Mahiko Waimanalo - 10 a 11 am

Mai ka la 22 aku o Sept, e noho hou ai ka Papa ma Honolulu Hale mai ka hora 7 a 10 am, a hora 4 a 7 pm, ma na la apau, koe na Poaono, ma ia mau la e noho ana mai ka hora 7 a 9 am, a hora 12 a 4 pm.

            LORRIN ANDREW,

                        Lunahoomalu.

            M.A. GONSALVES,

            W.J. COELHO.

 

HOOLAHA HOOKO MORAKI.

 

HOOLAHA KUAI A KA MEA PAA MORAKI.

 

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana ia ma ka la 28 o Novemaba, 1900, e Yick Lung Wai Company, he hui i hoala ia no ka lawelawe ana i ka oihana mahi raiki ma Laie, Apana o Koolauloa, mokupuni o Oahu, Teritori o Hawaii, ma ke ano mea moraki, ia Lam Yate a me Yong Kong Hoon no Honolulu nei laua no ke Teritori i olelo ia, mea paa moraki, a i hoopaa ia ma ke Keena Kope Aupuni buke 215, ma na aoao 289 a ka 295, a i hoolilo ia aku ia Sing Loy ua moraki ala i oleloia ke manao nei oia e paa i ka moraki i oleloia no ka hahaki ia o ka aelike oia ka uku ole ia o ke kumupaa a me ka ukupanee i ko laua wa uku; ka uku oleia o ka auhau; ka uku oleia o ka hoolimalima ma o kekahi aelike i hanaia ma ka la 2 o Okatoba, 1900, mawaena o Lorenzo Snow, kahu malama waiwai, ma ke ano mea hoolimalima, a o ka mea moraki ma ke ano mea paa hoolimalima, ka mahi oleia a me ka haalele ia o ka mahi raiki i hoakaka ia ma loko o ka moraki i oleloia.

            Ke hoolaha hou ia aku nei o na waiwai i paa malalo o ka moraki i olelia e hoolilo ia aku no ia ma ke kuai kudala ia ana ma ke keena ku dala o James F. Morgan, alanui Moiwahine, Honolulu, Poaono la 20 o Sepatemaba, 1902, ma ka hora 12 awakea.

            O na waiwai maloko o ka moraki i oleloia a e hoolilo ia aku ana oia keia.

            Ekahi. O kela aelike hoolimalima i hanaia ma ka la 2 o Okatoba, 1900, mawaena o Lorenzo Snow o Salt Lake City, Uta, Amerika Huipuia ma ke ano Kahuwaiwai no ka Halepule o Iesu Karisto o na La Hope, mea hoolimalima ma ka aoao mua, a me ka mea moraki ma ke ano mea paa hoolimalima ma ka aoao elua, ka nui o na makahiki i ae ia maloko o laila a me ke kuleana inoa a me pono aina o ka mea moraki maloko pakahi o lakou a me kela aina a me ke kuleana hookuu holoholona a me oki wahie i hoakaka ia a i lilo pu ma ka aelike o ka hoolimalima a i ole manao ia pela mena waiwai e ae a pau maluna ona.

            Elua. Ka raiki e ulu nei maluna o ka aina i hoakakaia ma ka hoolimalima a oleloia.

            Ekolu. O na luawai a pau, hale, lako mahiai, lio, bipi, kaa, kaa uka ae a me ili kaa e waiho ana maluna o ka aina i hoakaka ia maloko o ka aelike hoolimalima.

                                                SING LOY,

                                    Mea Paa Moraki i Hooliloia.

            Kiuke ke D@@: Ma ke Dala Gula Amerika, ua lilo o ka Palapala Kuai @ ka mea kuai.

            No na mea i koe e ninau ae ia Holmes e Stanley na loio no ka mea moraki i hooliloia.

            Hanaia ma Honolulu, Augate 28, 1902.

                        Aug 29, Sept. 5, 12, 19.

 

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME MTURITY KAUPALENAIA

Hoahu Maraki 30, 1901

                        Huina Waiwai $50,000

            5,000 MAHELE; $10.00 PAKAHI;

                        UKU PAU IA

 

Heaha na Kumu?

            1. Aole makau e koi aku ana ia oe e uhaai i kau dala.

            2. E haawi ana makou i kekahi alahele palekana e hiki ai ke hoopukapuka a loaa ke dala mamuli o ka hoohui i na huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

            3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

Hooia Hoahu

            4. Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia Hoko o 75 mahina, me eha (4) Palapala (Coupons) Hooia o $50 pakahi i hoopilipuia, oka averika no ka puunaue iloko 19 mahina, a e ohi ana makou $150, a e loaa ana ia oe $200. O kou puka $33.33 no kela a me keia dala pakahi i hoahu ia e loaa ana ia oe he 33-1-3 keneta puka.

            5. No ka mea aole oihana hoopukapuka i ikeia i oi aku ka pomaikai ma mua o keia. E kakau mai i na hoa kake piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

HUI HAWAIIAN REALTY A ME MATURITY KAUPALENAIA.

            McIntyre Hale kihi o na Alanui papu a me Moi. Rumi 3 a me 4. Pahu Leta 162,

                                                L.K. KENEWELA,

                                                            Peresidena

 

CAMARA & CO.

Waina, Bia me na Waiona

Kihi o Alanui Alakea me Moiwahine.

 

WAINA CLARET 50c …………. 1 Galani

WAINA SWEETS 75c ………… 1 Galani

PRIMR BIA $2.00 o ke ……… doz qts

 

            Ua loaa mai ia makou he heluna nui o na waiona like ole Waiona, Bia, Gini, Wisike ame Barani a ke kuai ia nei me ka emi loa.

 

            Eia maanei o W. Rice, kekahi o na Hawaii i noho loihi me Frank Brown. Nana e hoikeike aku ia oukou i keia mau waiwai.

 

OLELO HOOLAHA.

 

            Ke papa ia aku nei, na ano kanaka apau me na holoholona pu. Ua kapu na mea ulu ma kuu Apana Aina Helu 6 iloko o Kahulipale, ma Kaniahiku, Puna, Hawaii.

                                                                        J.A.K. OHIA.