Ke Aloha Aina, Volume VIII, Number 40, 4 October 1902 — Page 1

KE ALOHA AINA

 

KUE KA MOI I KANA KAIKAMAHINE.

 

            Spa, Belegiuma, Sept. 21. He anaina haipule ke malamalaia ana ma ka la apopo maluna o ke kino make o ka Moiwahine o Belegiuma, na ka Bihopa o Liege e malama, na ka bihopa o Liege e malama ana na hana haipule. E hooholoia ana he mau kaa kuikawa no ka halihali ana mai i na ohana alii mai brussels mai, a ukali aku i ke kino make no ke Kapitala. Ua hoea mai ka Moi Leopold la nei i keia la.

            I ka wa o ka moi i hoea mai ai na kue oia i ka ike ana aku i ke Kamaʻii wahine Stephanie me ke kauoha aku iaia e haalele koke iho i ka Halealii. Ua haalele awiwi iho ke Kamʻliiwahine ia Spa a holo aku la no kahi hoolulu kaaaho maluna o kekahi kaa hoolimalima iwaena o ka leo aloha o na makaainana e haawi mai ana nona me ka huli hoi pololei aku no brussels.

            He nui na mea i kamailio ia e pili ana no keia mokuahana mawaena o ka Moi Leopold a me ke Kamaʻliiwahine Stephanie, kana kaikamahine. Maloko ke Kamaaliiwahine o ke keena make o kona makuahine alii e waiho ana i ka wa i hoea aku ai ka moi i ka halealii. Ua hoole loa oia i kekomo ana aku a hiki i ka wa a kana kaikamahine e haalele iho ai i ka rumi. Nolaila, ua komo aku la ke Kamaʻliiwahine Clementine, ke kaikamahine ekolu a ka moi, a lawe mai la i kona hanau mua iwaho, alaila, komo aku la ka moi a pule iho la no iwakalua-kumamamlima minute ma ka aoao o ka pahu.

            O ke Kamaʻliiwahine Stephanie, oia ke kaikamahine elua a ka Moiwahine Marie Heneriata i make iho la a me ka Moi Leopold. I ka 1881, ua mare iho la oia me ke keiki hookahi wale no a ka Emepera o Auseturia a i make i ka 1889, I ka 1900, ua mare hou iho la oia no ka elua o ka manawa ia Elmer, Kauna o Lonyay. O keia mare ana ua kue aku ia i ka makemake o ka moi a hoole loa iho la aole ia i ku i ke kanawai. Ua kue loa oia i ka ike hou ana aku i kana kaikamahine pela me kona aloalii apau o Belegiuma.

 

AOLE E HIKI KE HO- LO BALOTA.

 

             O L.K. Kenewela, kekahi o na moho a ka aoao Home Rula i wae ai no keia kau koho balota e hiki mai ana no ka Apana Koho Eha, ua haalele mai la oia i kona kulana holo moho, no ka mea, aole i piha pono iaia na makahiki a ke kanawai o ke teritori nei i kauoha ai no kona lilo a@@ i kupa Amerika, he elua wale no hoi mahina i koe a loaa keia pono iaia, aka, ua hala e iho la nae ka wa koho. Ua manaoia e hoole ia ana ka mana koho balota i haawi ia nona e ka papa hoopaa ioa. Ke lohe ia mai nei o Sam. Kamakaia ke pani aku ana ma kona makalua.

 

AOLE NO I LOAA KA WELAU.

 

            Portland, Maine, Sept. 25. I keial la i hoea mai ai o Lutanela Peary, ke kanaka huli welau akua i anei, a me na launa kamailio ana na hoike mai oia penei:

            Aole au e hoi hou aku ana e huli i ka welau akau. Ua hana au i ka hana, aka, i keia wa e hoi hou aku ana au iloko o ka oihana kaua moana. Ua hiki no ke loaa ka welau me ka nui nae o ke dala me ka lako pu i na pono kaahele. Ina i hoea loa aku kuu moku i ka akau loa e like me kaʻu i manao ai ina me keia ua loaa iaʻu ka welelar akau.

            O ka mamao o ka welau mai iaʻu aku i koʻu wa i hoopau ai i koʻu nee hou ana aku imua he 350 mile. Ma ka hoomaopopo ana i ka welelau akau, me he la, aia ia iluna o ka moana aole hoi iluna o ka aina maloo. Aia me ka nui o ke dala e hiki ai ke hooko ia, aole miliona, aka, ma kahi o elua tausani dala; me keia uina dala ua hiki iaʻu ke lawe i kekahi huakai no umi makahiki me ka nee malie ana no ka welau akau.

            Ma ka manaoio o ka hoomana Moramona he aina paa ka welau akau aia hoi mailaila e noho nei no ohana o ka lahui Isaraela i nalowale, a e kali ana no ko lakou hoopakele ia ae.

 

EIA HOU NO KEIA HANA POHOLALO.

 

            Ua hala aku la maluna o ka mokuahi Mikahala ma ka Poaha nei, he makai no ka hopu ana ia Walter A. wright, ka Hope Luna Auhau o waimea, Kauai. He $2, 848.40 ka nui o na dala i pokole maloko o kana buke, a o kahi o keia mau dala i nalowale ai, aole he mea i maopopo, he mau dala hoi i loaa iaia mai na poe ukuauhau mai. O keia Walter Wright, he hoahanau oia no Puuku Wright, a ua olelo ia ae na ike no o Puuku Wright i keia mau hana kolohe a kona hoahanau mamua o kona mahuka ana, aka, ua @@o no nae oia e uhiuhi a hiki i kona kaawale ana kau la, akahi no ke aupuni a hooko i ke kanawai maluna o keia luna aupuni o Kauai.

 

MOKU KAUA GEREMANIA COMORAN.

 

            Ma ka auina ia Poaha nei i hoea mai ai ka mokukaua geremania comoran he ewalu me ka hapa la mai apia, Samoa mai. e noho ana oia ianei no kekahi mau pule mamua o kona holo loa ana aku no na paemoku o ka Hema. I ka wa o ka mokukaua ma apia, ua haawiia na hookipa pumehana ana i na ʻlii, a me na aliiwahine oia paemoku ma luna ona, a pela no hoi naʻlii i panai pu mai ai i ko lakou lokomaikai i na keiki aukai mauka o ka aina.

 

HE KAEAEA NO KE KAHUA KAUA.

 

            Maluna o ka mokuahi Vanetura i kipa mai la a hala aku la no na Panalaau o ka Hema, he koa Auseteralia, nona ka inoa o Shields e hoi ana no kona home ma Princeton, auseteralia. He kulana kopala kona maloko o ka puali kaualio vitoria o Auseteralia, i ka wa i hoea mai ai ke kahea mai ke aupuni makua mai o Beretania Nui no ke komo pu ana aku me ia na pualiko Panalaau e hoopio i na boa o Aferika Hema o k Shields puali kekahi i hoouna ia aku.

            O ke koa auseteralia mua loa keia i kipa mai ma kona alahele huli hoi no ka home, a ua lilo kona aahu koa e komo ana i mea makaikai nui ia e ko ke kulanakauhale nei. e kau ana ma kona poo he papale i hoopinanan ia kekahi aoao o ka laulau, a malauna o kona ipu e pulelo ana he mau hulu nioa eleele; ma kona aahu hoi e hee ana na molia kaula, a ma ka a-i o kona kuka e kau ana na hoailona o kona puali, ma ka nana aku me he aliikoa kiekie ala oia, aka, o ka oiaio maoli nae he wahi koa kopala wale no ia.

            He iki wale no keia wahi kaaka, aka, ua lalapa ia nae kona houpo o ka wiwo ole he elua ana mau hana kaulana i hoopaa ia iloko o ko Beritania moolelo kaua me na Boa. Ma ka la 20 o augate, 1901, ua hoouna ia aku oia me kona lutaina, ka @lana a me umikumamamlua kanaka no ka huli ana ia alakai Gobbler i manaoia aia oia ma kahi kokoke i Urecht. Ua loaa aku he kanalima Boa ia lakou maloko o kekahi hale hanai holoholona. Ua haawi koke ia aku ke kauoha ia Shields me ewalu kanaka no ka lele kaua ana aku maluna o na enemi e kona lutanela. O keia leo kauoha oia ka Shields i kooko aku ai me na kanaka ewalu, ua loaa koke mai lakou ina poka aku enemi, a he elima o na lio a me elua kanaka i hoihoi ia aku no lalo o ka honua. Ua lele koke iho na koa kaualio ilalo a pee mahope o na puu pohaku me ka nee ana aku no imua. Ua eha hou he ekolu kanaka a i ko lakou hiki ana ma kahi he kanakolu i-a, ua hoomaka aku la lakou e ki hoomau i na Boa a hiki i kolakou emi hope ana aku. No kekahi manawa lihi ko lakou hakaka ana mamua o ka loaa ana mai o na kukua, a no ia mau hana wiwo ole a Shields ua loaa mai iaia na mahaloia ana e kona kapena.

            Ma ka hakaka o ka la 4 o Ianuari, 1901, ua lele aku na koa Panalaau maluna o kekahi puali boa e kiai ana ina lako ukana. He kanaono kumamamlua ka nui o na poino i ike ia ma ko lakou aoao, ua make ka lio a Shields e kau ana i na poka a ua puka pu hoi ka lima o kona lole i ka poka, aka, ua loaa no nae ia lakou ka lanakila.

 

NAHANA NIHO O KEIA AU HOU HE NUI KE EMI

 

            Ina he makemake oe e hana i kou niho e hele ae i na Kauka kaulana i ka Hana Niho ma ka Arlington Block, 215 Alanui Hotele ma kai aku nei o ke Alanui Uniona. He eleu a mikioi laua ma keia oihana, a ua lawelawe ia e laua no kekahi mai makahiki loihi. O ka hana ana aole he uku. He Lede Hawaii kekahi e kokua nei ia lau.

Papa Niho Gula, Papa Niho Dala, Papa Niho Maoli = $5

Hoopiha me ke Gula= $1 a pii aku

Hoopiha me ke Dala - 50 keneta

@@@@@@@@= 50 keneta

 

O ka maua mau lako paa hana niho no keia au hou. O na poe a pau e hana ia ana ko lakou ma niho o @@@ ua hiki ia maua ko @@@ he paa loa no ia.

 

            Ma ka Poalua ae nei e holo hou aku ai ka Elele Wilikoki o ka mokupuni o Hawaii no ka hoikaika ana no ka pono o ka aoao Home Rula.