Ke Aloha Aina, Volume VIII, Number 40, 4 October 1902 — Page 8

8                      KE ALOHA AINA, POAONO, OKATOBA 4, 1902.

MOOLELO HOONI PUUWAI

---:  NO  :---

 

Kuu Aloha i na Pua, Kuu Ipo o na Launahele !

 

Ka Makaikiu Kupaianaha!

MOKUNA XLVI.

KA HIHIA APUKA BONA AUPUNI--KE KANAKA KAAHELE KUPAIANAHA.

            Ae-----he mea pahaohao io no keia a o ka mea i oi loa ae ai oia no ka nui hewahewa o kana dala, ua lu iho oia ma ko'u hale nei ma na mea hoolilo like ole iloko o na hora pokole i hala ae nei aneane e piha ka eha tausani, a he puuhuahelu mahuahua hoi i loaa ia'u iloko oia mau hora pokole, pela no hoi me oe ua lu iho la oe i keia minute hooka hi he aneane he iwakalua dala au i uku mai nei ia'u me keia kikoo, a ina pela mau iho la e loaa ai ia'u i kela a me keia minute alaila, iloko o na hora e like me ka'u i hai mua iho nei, e like ana kau puuhuahelu e uku mai ai ia'u me ka ua kanaka ala.  Alaila, aole anei keia he mea pahaohao ma ka like ana o ko olua mau inoa a me ko olua kulana ma ka waiwai.  Aole i maopopo ia'u no ka lahui hea la ia, mawaho ae o kona inoa i hai mai ai, a me ka nui hewahewa o kana dala a'u ike maka iho ai.  Maloko o kana buke ili pakeke he pua pe@a dala aupuni wale no, a'u i koho wale iho ai he mau miliona ko lakou waiwaiio.

            Gale!  Alaila, he milinea maoli no ia mai na mokua'na mai o ka poepoe komohana e like me Vanafila, Gaulo, Rokafela a me kahi mau ona miliona e ae he lehulehu.  He kanaka Amerika ka paha oia?  Aka, e Mr---e pa wai hou kakou.  E ka hea aku i na hoaloha, a mamua ae o keia e oluolu anei oe e hoikeike mai ia'u i kekahi o na kikoo dala aupu ni i uku ia mai ai ia oe e kuu hoa hanau ma ka inoa, a enemi hoi ma na minute o ko maua halawai pu hou ana aku he alo he alo?

            Me ka piha eleu a hoihoi o ka ona hale, aia ka makemake o kahi kana ka kaahele ua hookoia, a o kana pane mahalo i haawi aku ai--kani kiu wele maki--alaila, he nakeke ana no na kiaha a ka bakika me kona mau keiki lawelawe, "ia lakou e hoonee ana ma o a maanei o ke pakaukau," he kali kohakona ana no na pani umoki, aia ka lokomai kai o kahi kanaka kaahela ua samo ka ia ae la apau iloko o ka opu o na hoa inu.  No ka wa hope loa o na inu ana no ka hauoli o kahi ka aka, ua noi aku oia i ka oluolu o ka mea hale, e ae ia mai oia e hoaumoe ma ia po ma kekahi o na keena o ka Apolo.  Alaila, he guda naita ana i na mea apau, aia ke kanaka @ @ahele e noho ana mahope o kona keena me kona puka i lak@ ia a we he i kona wahi paiki.  He elima minute i haia ae e ku ana he kaia ka opio ma kahi o ke kanaka kaa hele kupaianaha, a o na hiohiona a me na mea apau e pili ana nona, ua nalohia no ia mau mea.

            He aahu pilipono ko ua kanaka opio ala, a he papale laulau nui ma kona poo a ma kona puhaka e paa ana kana kahei poka me na ilio bulu elua e kiai ana, a i makaukau hoi e nahu i kela a me keia mea e hoao aku ana e hoopa a i ole lawe lawe oolea maluna o ke kino o ko laua haku.

            Ona huaolelo a ua kanaka opio ala i kamailio ae ai, Hiusi Polopeka oia au mahope o kou meheu a hiki i kou lele kuwalawala ana iloko o ka lewa.  O oe ke pookela o na lae paa akamai loa ma ke apuka bona aupuni.  Aka, aole e haalele na ma ka o Heneri Beleinahama ia oe a hiki i ka hopena awahia, ua kolohe a apuka oe i ke keena bona aupuni he mau hora lehulehu ae nei i hala a he mau hora pokole wale ae nei no i pau ua apuka a kolohe hou iho oe i ka ona o keia hale ma kou uku ana me kau kikoo aupuni waiwai ole.

            Me keia mau olelo a ke kanaka opio a makai kiu hoi "no ka mea o Heneri Beleinahama no ia," haalele iho la ia i kona keena a oloio aku la no waho o ka lanai, a oiai he ka naka o Heneri Beleinahama i lehia ma na hana hooikaika kino, nolaila, na liio ia i mea hoohakalia ole nona ka imi a me ka huli ana i alanui nona o hoea maalahi ai i ka honua lepo mai ka lanai mai o ka papa hele elua o ka hale, a na kona komo ana aku iloko o ke keena inu rama o ka Apolo Holo i hoike mai, ua hoea io aku oia i ka honua lepo me ka maalahi.

            O na hoaloha no ana i haalele iho ai ina minute i hala, o ia no keia e akoakoa nei, a mai kekahi mea ae o ua poe ala ua lohe aku ka makai kiu iaia e olelo ana, no ka nui o kona mahalo no kona hoaloha nana i hookipa ia lakou me kona loko maikai.  A oiai he hana nui kana e lawelawe a e hooko nei, nolaila, ua hiki ole iaia ke olelo ae o ua--ka naka kupaianaha ala--owau nei no ia o Heneri Beleinahama, ka Makai kiu Kupaianaha o ko Ladana Keena Oihana Makaikiu.  Ua kauoha aku oia i wahi kiaha waikeka nona i hoohuihui ia, alaila haalele koke iho no i ke keena ba mahope o ka inu ana i kona kiaha waikeke,.

            O na palena apau o Apolo Holo ua puniia ia Heneri Beleinehama no na manawa he iwakalua, a o ka waiwai i loaa mai he neo a me ka make o na manaoiana hoihoi.  O kana mau kuko ana e hui kino ana oia me Hiusi Polopeka ma ia po, ua halawai mai la oia me ka hoonauki uki o ke kuaki nui, a hoi no kona keena no ka hoemaha iki ana ina maluhiluhi o keia po lawaia paoa, oiai o ka hora eha ia o ka wanaao.

            I ka manawa mau o ke ala ana aia na kiu nei iloko o kona aahu o kulana kanaka kaahele kupaianaha, a e ku ana hoi oia ma ke alo o ke pakaukau o ka ona hale, a hoike no kona makaukau e haalele iho ia la ila a nee aku no kekahi wahi o ke kulanakauhale.  E like me ke ano kupaianaha o ko ua makaikiu ala kulana, pela no hoi me kana mau hana, a iloko o kekahi o na hale pelapela loa e ku ana ma kekahi kuono pouliuli loa mai na maka hia a mai o ko Beleinahama mau olohe "kanawai," e ikeia no ua makaikiu nei me kahi lole pelapela, a e paa ana ma kona lima kana wahi paiki hookalakupua.  Alaila, heaha iho ia ka hana a ua makaikiu nei ma keia wahi kuono pelapela?  Aia anei he mau hooia ana iaia ua loaa ka meheu oiaio o kana lawehala.

            Ae--a penei no ia; Ewalu mahi na i hala ae me ka loaa ole he me heu a he mau ike e pili ana ia Hiu ai Polopeka. iaia "kiu" e hanu ana me ka ikaika, a o na awa kumoku apau he hookahi no pane aole i ike ia kekahi kanaka o ia ano i haalele iho ina kapakai o Enelani.  Nolaila, ma kekahi po iaia i maalo ae ai ma waho o ka Aopolo Holo, mahope iho o kona huli hoi ana mai mai na wahi i hoike ia ae nei, aia hoi ua halawai koke mai la no me ka ike a na maka o ua kiu nei na helehelena o ke kanaka nana i hoohaahaa iaia me ka puupuu lima i ka hemo ana mai ka Apolo Holo mai, a kamoe awiwi na kapuai no kahi i hai ia ae nei e ku ana ka makaikiu iloko o kekahi aahu pelapela.  O ka wawae o na lima hoea nui aku la iakou ila ila, a na na kuono pouliuli o ia kalana i huna aku ka lawehala.

 

            Ua weheia ka halekuai hou o N S. Sachs ma ma ke alanui Beritania.

            E kipa hou mai ana ka mokukaua Oregona i anei ma koua alahele no na kai o Asia.

 

@[Advertisement below appears above columns 3 & 4]@

KUAI HOOPAU NUI KUIKAWA

--- O NA ---

KAMAA WAHINE HAAHAA a me LI OXFORD NANI.  LAIRD SCHO@ER & CO.

            He heluna uuku wale no i koe--Eia me makou na helu like ole o na ano i aneane e pau loa--Ina eia maanei kuu kamaa o ka wa kupono wale no keia e kuai ai i na kamaa haahaa a me li no ka hapalua o ko lakou mau kumukuai.  Ua hanaia lakou e na hale hana kaulana a no keia au hou.  O ko lakou kumukuai maoli mai ka $4 50 a ka $6 00.  E nana iho i ka makou mau kumukuai maalo iho nei.

            NA KAMAA LI OXFORD, LOUIS HEEL

                        Kuai kuikawa $2.00 a me $3.00.

            NA KAMAA HAAHAALI LOUIS HEEL

                        Kuai kuikawa $1.50 a me $2.00.

            NA KAMAA LI OXFORD

                        Haahaa o ka Hila $1.50, $2.00, $2.50.

            MANUFACTURES' SHOE CO., LTD.

                        1037 Alanui Papu.

 

NA POE I AE IA E KOMO AKU ILOKO O KE KAHUA MA'I

            Ma ka halawai ana a ka Papa Ola ma ka Poakolu nei, na haawi ia aku na palapala ae no na kahunapule Katolika ekolu e hoi ana no loko o ke kahua ma'i.  Ua ae ia he poe pena no ke komo ana aku e pena i ka halepule Mo ramona.  Ua ae pu ia o Mrs. Kaleo Holopinai e huipu aku me kana kane e noho mai la ma ke kahua ma'i ma ke ano kokua.

            He noi mai a Kauka Holland mai o Puna, e ae ia aku oia e kaha i kekahi wahine opio kumu kula ana i manao ai ua loaa oia i ka ma'i akepau.  Ua ae ia aku ke noi a Kauka Grace o Hilo e hookuu aku iaia no ka manawa, a ua hookohuia aku la o Kauka Stone ma ia kulana no ka manawa.  Na Kauka Thompson he hoike, aia he mau hale hoolima lima pelapela ma Hilo i kupono e hoomaemae ia, na waihoia keia hoike iloko o ka lima o kekahi komite.

 

AA HOU NO O LIPTON.

            Ladana, Sept. 20.  O ka aa neihei moku kiakahi hou a Sir Thomas Lipton no ke kiaha Amerika aole ia e lawe ia ana no Nu Ioka e ka mokuahi Etruria e haalele iho ana ia Livapulu i keia ia, e like me na mea i hoolaha ia, aka, e telegarapa maoli ia aku ana ia i Nu Ioka.

 

            Ma ka hoike a Cooke ke kalaiwa kaapio helu 60, ma ka hora 10 o ke kakahiaka Poakolu ua loaa iho ia iaia o Puuku Wright iloko o ke kule nakauhale, a lawe aku la iaia no kai o ka uwapo Pi liaina e pili pu ana me ka uwapo o ka Alameda, a me he la, oia ke kanaka hope loa i ike ai ia Wright mamua o kona nalowale ana.