Ke Aloha Aina, Volume VIII, Number 41, 11 October 1902 — Page 3

This text was transcribed by:	Kate Motoyama
This work is dedicated to:	in memory of michiko and hiro kubota, kure, japan

KE ALOHA AINA

KE ALOHA AINA, POAONO, OKATOBA 11, 1902. 3

EIA AE KA MOKU HOOMOE

UWEA O HAWAII

NEI.

Kapalakiko, Sept 26. Oiai, o ka alahele mai anei aku no Honoiulu he 2100 wale no mile, o ka hoohui ana have ia Amerika Hui pule me Hawaii me ka uwea telegarapa e hoohana ia ana ma kahi he 2,413 mile uwea, telegarapa e hoohana ia ana ma kahi he 2,413 mile uwea, nona ke kaumaha ma kahi he 10,000 tona, a nona ka manoanoa o ka uwea mai ke hookahi a ka ekolu iniha. O keia mau hoike na loaa mai ia mai Ladana mai, kahi e haha ia ala o ka uwea telegarapa no ka hoohui ana ia nei me Manila a me Kina. Ua haalele aku la mokuahi Silverton ma kela Poaono aku nei me ka uwea moana e hoohui ana ia Kapalakiko nei me Hawaii, ua upu ia iloko o Novemaba a i ole i na la mua o Dekemaba e hoea mai ai oia i anei a hoomaka i kana hana, a ma ka la mua o ka makahiki hou e kukai olelo ai o Kapalakiko me Hawaii maloko o ka uwea moe moana.

INO KA LAAU TUATUA.

Ma kahuli a imi pono ana a Kauka Shorey o ka Papa Ola i ka laau tuatua ua loaa iho la iaia o ka hua o keia ano laau he make aia iloko on a, a na manao ia o ke kumu ia i hoea mai ai o kekahi mau hiona ano e maluna o ka poe e ai ana o ekolu popoki me ke kahi mau kulu liilii o ka aila tuatua i loaa ai kona hua mai ua make koke keia mau popoki i ka wa pokole, he hoike hoi e hai maopopo mai ana he laau make oia.

O ka sila tuatua i hana ia mailoko mai o kona ili me ke komo ole o ka hua ua ikeia aole he mau loli ana o ke kualana o ka mea e ai ana, aka, i ka wa nae e komo pu ai o kona hua na ike ia na loli he nui. O ko Kauka Shorey manao aole no keia he laau ola no ka ma'i lepera, a na hiki hoi iaia ke hooiaio mamuli o ka loli ole o ke kulana o na ma'i o Molokai e ai nei i keia laau, a no ia ola ole ke haalele ala kekahi mau ma'i i ka ai ana i keia laau ma ke kahua ma'i.

E HOI HOU AKU ANA NO WA-

SINETONA.

E hoi hou aku ana ka Moiwahine Liliuokalani ma ka la 11 o Novemaba ae nei no Wasinetona maluna aku o ka mokuahi Venetura. E ukali ia ana o Kalani e kona mau hoaloha opio Miss Myra Heleluhe a me John Aimoku. E hoomaha iki ana ka huakai alii ma ke kulanakauhale o Kapalakiko, mailaila aku no Loko Paakai, alaila, kamoe loa aku ka lakou huakai i ka Hikina.

NA ANOAI O WAILUKU.

MR ED LIKE.

Aloha oe; I ke ahiahi Poaono nei ka wehe mua loa ia ana o na haiolelo a ke "Aloha Aina Demokalaka" ma ko lakou Keena Hooko, ma ke alanui Makeke o Wailuku, maluna ae o ka hale rama "Aloha Saloon." Ua piha ae ke alanui me na hoa aloha aina oiaio i hele mai e hoolohe i na haiolelo a ka aoao Aloha Aina Demokalaka, ua hiki aku ka heluna i akoako ae in a kahi o 300 haneri a oi, no Waikapu, Waihee, a me Wailuku nei no hoi, i ke au ia Lukela, e wanana ana ka piha a o ka in a no hoi keia, ua weheia na haiolelo ma ka hora elima. Oiai e kali ana ke anaina iwaho o ke ala nui, a o na haiolelo maluna ae o ka lanai o Aloha Saloon, na D. Mahuka i wehe mua ka haiolelo, nui no ka hauoli o ke anaina, pau ia o Lunamakaainana Adam Forsyth, pau ia o ka Pukuniahi mai o Wailuku, me ke ohohia nui ia, na hana maluhia. O na poe kanikani alamihi o lakou no ke keukeu ka poe i hoauau ia i ke Kai Ula.

Kekahiaka La Polenei i Kula, hui aku me ia mau hoa luhi Home Rula o na la i hala, ua haiolelo mua o Forsyth, Clark, D. Mahuka, hauoli ao ka manao ka ike aku i ke kupaa haiolelo hou o J. K. Kamakele, Senatoa Home Rula wahi ana, D. H. Aukai Lunamakaainana Home Rula nui ka hoi ua mea he Home Rula o kana nei.

D. MAHUKA.

UA LAWE IA MAI LA I HO-

NOLULU NEI.

Maluna o ka mokuahi Mikahala i hoea mai ia ma ke kakahiaka La Pule nei i lawe ia mai ai o Walter R. Wright, ka Hope Luna Auhau o ka mokupuni o Kauai, no ka hoopaa ia ana ma Kawa no ke kali ana i ka wa e hoolohe ia ai o kona hihia apuka i ka waihone o ka lehulehu. Ma kela pule aku nei ua hoouna ia aku o Hope Loio Kuhina Douthitt e huli pono i ka oiaio o na dala pokole i hoike ia mai i ke aupuni, ma kana huli a noii pono ana na ike ia iho la na pokole lo oia ma kahi o $2,850, a he $630 i hoouna ia mai ia Puuku Wright.

O ka $630 wale no ka mea i manao ia e nalowale loa ana, aka, no ka huina dala maluna ae ua hiki no la ke hoihoi ia mai e ke kanaka e noho bona nei no Wright. Imua o ka Loio Kuhina ua ae aku oia ua lawe ia eia keia mau dala i haohao. Nolaila, aohe hana pono e ae a ka aoao o ke aupuni o ka hopu wale no a lawe mai iaia e hoopaa maanei no ke kali ana no ka hoolohe ia o kona hihia i ka wa e noho hou ai ka Aha Kaapuni i ka mahina o Maraki o keia makahiki ae. O ka bona a ke aupuni i hookau aku nona he $6,000.

KUAI HOPAU NUI O NA LIHI.

LIHI PALE PAKU

O ka makou m@ waiwai lihilihi piku na hoea mai ko lakou wa o hiki ole ai ia makou ke ana hou iho. Nolaila, eia mai ke kuai ia aku la me ka makepono nui.

E hoomanaoia no hookahi pule no keia kuai. E hoomakona i keia Poakahi a pau i Poaono.

$1.50 Lihilihi Nottingham no ke . . . $ 1 05

$1 75 " " " " $ 1 25

$2 25 " " " " $1 60

$2 50 " " " " $1 75

$3 00 " " " " $2 10

$2 00 " Babbinett " " $1 40

$2 50 " " " " $1 75

$5 00 " " " " $3 60

$6 00 " Point De Paris no ke . . $4 25

$9 00 " " " " $6 80

$18 50 " " " " $9 45

$20 00 " " " " $14 00

$ 4 50 " Irish Point no ke . . . $ 3 15

$ 7 50 " " " " $ 5 45

$12 00 " " " " $ 8 40

$ 6 00 " Arabian no ke . . . $ 4 20

$ 7 00 " " " " $ 4 90

$15 00 " " " " $10 00

Whitney & Marsh, Ltd.

Honolulu, Alanui Papu

N. S. SACHS DRY GOODS CO.

Halekuai Hou me na Waiwai Hou.

Eia makou ma ko makou halekuai hou ma ke kini o ke alanui Bertania a me Papu, maanei aku o ke Keena Kinaiahi, a i keia wa ua lako piha makou me na waiwai a ke lehulehu i anoi pu ai.

Emi ka makou kumukuai

Eia me makou he heluna nui o na Kinamu like ole o keia au hou.

Kinamu maikai kilokilo a me kahakaha . . . 14 ia i ke 1 00

Kinamu maikai i ka aahu o na ano like ole he nui . . . 10 ia i ke 1 00

Kalakoa nani a paa loa o na waihooluu . . . 20 ia i ke 1 00

Na Lako Keokeo Aahu

He nui na waiwai o keia ano e waiho nei ma ko makou halekuai.

Na Keokeo nani o na ano like ole . . . 10 ia i ke 1 00

Na Keokeo iloko o na kahakaha lawna nani . . . 8 ia i ke 1 00

Na Keokeo kahakaha a me kikokiko . . . 7 ia i ke 1 00

Na Vitoria Lawns 10 ia o ka apa hookahi, 75 keneta o ka apa.

Lihilihi me na Nani e ae

O ko makou halekuai ka oikelakela me ia mau lako ma ke kaona nei.

Na Lihilihi, Leki, na Hua Lei, ma na nani e ae no ka hoohiwahiwa ana.

Keena o na Lole Paa Mua

He keona hou keia no na wahine a me na onio a malaila e loaa ai na Palule paa mua, na Plekoki Huluhulu, Keokeo Pike, Kalakoa, na Koloke, a pela aku. Na aahu like ole o na opio, kuka, pakaua ailika a me Huluhulu. na Papale o na Wahine a me na Opio. E kipa mua mai i ko makou halekuai hou mamua o kou kuai ana. E hamama ana ka halekuai i na po Poaono a pau.

N. S. SACHS DRY GOODS CO.

Kihi Alanui Papu me Bertiania.

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME

MATURITY KAUPALENAII

Hoahu Maraki 30, 1901

Huina Waiwai $50,000

5,000 MAHELE; $10.00 PAKAHI;

UKU PAU IA

Heaha na Kumu?

1. Aole makou e koi aku ana ia oe e uhaai i kau dala.

2. E haawi ana makou i kekahi alahele palekana e hiki ai ke hoopuka puka a loaa ke dala mamuli o ka hoohui i na huina IiiIii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lili i poe hoahu.

Hooia Hoahu

4. Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia o $50 pakahi i hoopilipuia. oka averika no ka puunaue iloko 19 mahina, a e ohi ana makou $150, a e loaa ana ia oe $200. O kou puka $33.33 no kela a me keia dala pakahi i hoahu ia e loaa ana ia oe he 33-1-3 keneta puka.

5. No ka mea aole oihana hoopukapuka i ikeia i oi aku ka pomaikai ma mua o keia. E kakau mai i na hoe kaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

HUI HAWAIIAN REALTY A MF

MATURITY KAUPALENAIA.

McIntyre Hale kihi on a Alanui Papu a me Moi. Rumi 3 a me 4. Pahu Leta 262.

L. K. KENEWELA,

Peresidena

CAMARA & CO.,

Waina, bia me na Waiona

Kihi o Alanui Alakea me Moiwahine.

WAIN O LARET 50c . . . 1 Galani

WAINA SWEETS 75c . . 1 Galani

PRIMR BIA $2.00 o ke . . doz qts

Ua loea mai ia makou he heluna nui o na waiona like ole Waiona, Bia, Gini, W@sika ame Barani a ke kuai ia nei me ka emi loa.

Eia maanei o W. Rice, kekahi o na Hawaii i noho loihi me Frank Brown. Nana e hoikaeike ak ia oukou i keia mau waiwai.

IWAIWA KUAI!

Ma kahi noho o Mrs A. K. Hopkins ma ke alanui Young, ma o aku o ke alanui Punahou, a ma kai ae o kahi noho o B. F. Dilinahama.