Ke Aloha Aina, Volume VIII, Number 42, 18 October 1902 — Page 1

KE ALOHA AINA

 

3,000 DALA E HOOHUI IA NEI.

I HAAWI IA AKU IA KIMO BOE E KA HUI O DAVIS NO KEKAHI ALANUI O HILO

        He $3,000 o ke aupuni e ha ʻ oha ʻ oia nei kona wahi i nalowale ai.  O keia mau dala ua haawi ia aku ia Kimo Boe e ka Hui o Davis ma, e hoolilo aku no ka hoomaemae o keia alanui Bridge o Hilo.  Eia nae aole he wahi i hoomaemaeia o keia alanui e like me ka makemake o ke mea nana ke dala.

        Aole keia dala i hoihoi ia aku i ka Puuku o ke Aupuni, a aole no hoi he mau hoike no kona wahi i waiho ia ai.  Pela no maloko o ke Keena o na Hana Hou, aole no he wahi e hoike ana no keia mau dala a me kona wahi e waiho nei.

        O ka rekiki hookaa a Kimo Boe i hana aku ai no keia mau dala i loaa pono aku ai iaia ma ka la 24 o Aperila, 1902, eia ia ke paa ia nei e ka Hui o Davis ma.

        No laila, i ka wa e hoi mai ai o Kimo Boe e koi ia aku ana oia e ke aupuni e hoike mai i kahi o kela mau dala e waiho nei a i ole kona wahi paha i hooliloia aku ai.

        Ma ka mokuahi Sierra o ka Poakolu ae ne e huli hoi mai ai oia e like me kana mau hoike i loaa mau mai ma kela mau moku aku nei.  Ano ehaeha no keia hoike no ia kanaka i hilinai nui ia.

 

He Ao i ko Nei Mau Luna Aupuni.

        Ma keia mau mokuahi i hoea mai la mai Amerika Huipuia, ua loaa hou mai la i na Keena Aupuni Amerika maanei he mau kauoha oolea mai ko lakou mau keena mai Wasinetona mai, e a ʻ o mai ana i na poe paa oihana aupuni a pau, aole lakou e komo pu aku ma na hana pili kalaiaina, a iwaena o ia mau keena i loaa mai la ia mau kauoha o ka hale leta kekahi a penei na olelo:

        O na Luna Leta a i ole o na poe paa oihaa e ae ma keia ua papa a hookapu loa ia lakou mai ka hoohana ana i ko lakou mau keena i wahi hoonee no na hana kalaiaina, o hoohemahema lakou i ka lakou mau hana a i ole ulu mai paha na hana hoohihia i ka lehulehu ma o na hana pili kalaiaina.  He kuleana ko na mea a pau e koho ai e like me kana i ike ai he pono, a i ole e hoike malu ae i kona mau manao ma luna o na kumuhana kalaiaina, aka aole nae oia e komo kino aku iloko o na hana kalaiaina, a i ole hai olelo pili kalaiaina paha. Pilikia loa ka Repubalika.

 

NUI KA HAE O NA KANAKA INA REPUBALIKA.

        Ma ka halawai a na Repubalika i malamaia makai o Kakaako i ka po Poakahi nei ua nui ka hae o na kanaka ia lakou mamuli o ko lakou hoinoino i ka Elele a ka aoao Home Lula R. W. Wilikoki, ma kana mau hana i lawelawe ai ma Wasinetona. 

        Ua nui na hana hoohaunaele i hoikeia e na kanaka i akoakoa aku, a ua lohe ia kekahi mau lea e kahea ana e hailuku ia o Senatoa Aki i ka pohaku, e kopi ia i ke one a pela aku o ka nui o na poe i akoakoa ae ma ka halawai maluna aku ia o na haneri a mamua o ka hookuu ia ana o ka halawai aole i piha ka heneri i koe malaila.

 

NA MOHO A NA AOAO LAHUI

O KEIA IHO NA PAA BALOTA A KA AOAO HOME RULA A ME KA AOAO DEMOKALAKA NO KA LA 4 O NOV. 1908

Kuokoa HOme Rula

ELELE I WASINETONA.

R. W. Wilikoki.

NA SENATOA.

Joanner P. M@mi

Edgar Caypless

Charley Netley

NA LUNA MAKAAINANA

Apaha Eha

Samuel K. Kamakaia,

J. Kaona,

O. J. McCarthy (Makate),

J. D. Holt (Keoni Holt),

Joseph Aea,

D. L. Nauea,

Apana Elima.

D. M. Kupihea,

Ng Monwar,

J. K. Paele,

Damiana,

N. K. Kou,

S. K. Oili.

 

Demokalaka

ELELE I WASINETONA

R. W. Wilikoki

NA SENATOA

David Kawananakoa,

Jesse Makainei

Edgar Caypless.

NA LUNA MAKAAINANA

Apana Eha

O. J. McCarthy (Makate),

J. D. Holt (Keoni Holt),

G. Wilder (Waila),

Harry A. Juen (Hale,

D. Keone

Joseph Aea

Apana Elima.

F. R. Harvey (Hawe)

D. M. Kupihea

J. K. Paele,

Damiana,

N. K. Kou,

S. K. Oili.

 

NA HANA NIHO E KEIA AU HOU He Nui ke Emi

        Ina he makemake oe e hana i kou niho e hele ae i na Kauka Kaulana i ka Hana Niho ma ka Arlington Block, 215 Alanui Hotele ma kai aka nei o ke Alanui Uniona.  He eleu a mikoi laua ma keia oihana a ua lawelawe ia e laua no kekahi mau makahiki loihi. O ka nana ana aole he uku.  He Lede Hawaii kekahi e kokua nei ia laua.

Papa Niho Gula

Papa Niho Dala

Papa Niho Maoli

$5

Hoopiha me ke Gula $1 a pii aku

Hoopiha me ke Dala 50 keneta

No ka Huki Ano 50 keneta

        O ka maua mau lako paahana niho no keia au @.  O na poe a pau e hana ia ana ko lakou mau niho o nona ua oleloia mua ko kaoiaio he papa loa no ia.

 

Na Makahiki o KaIanianaole.

        He nui na huawai i pahola ae i keia mau la i hala iho la no ka piha ole o na makahiki o ke Keikialii Kalanianaole i ke 30, ka huina makahiki hou i ae ia e ke kanawai no ka holo moho elele ana, ma ka hoik a kekahi poe Hawaii kahiko, ua hanauia o Kalanianaole i ka makahiki 1873, aka, i ka huli pono ia apa aku o ka wa i hanau ai o ke Keikialii iloko ona buke hoomanao a kona mau makua alii, ua loaa aku iloko oka Buke Baibala aka Moiwahine Kapiolani, ma kahi i hookaa waleia no na hoomanao hanau, e hoike ana - Ua hanauia ke Keikialii Jonah Kuhio Kalanianaole i ka la 26 o Maraki, 1871, nolaila, ua piha iaia na makahiki he 30 a oi i keia wa, ua kupono hoi no ka holo moho elele ana.

 

        He haioleo ka na Home Rula ma ka hookuina alanui Beritania a me Moi ma ka po Poakolu nei a ua nui na poe makaikai i hiki ae malaila.

        E holo pololei ae ana ko mokuahi Korea mai Iapana mai no Kapalakoko me ka kipa ole mai i anei, pela na hoike i loaa mai, i wahi e loaa ai kona wa holo pololei maloko o ka papa kuhikuhi o na mokuahi.