Ke Aloha Aina, Volume VIII, Number 42, 18 October 1902 — Page 8

KE ALOHA AINA

8 KE ALOHA AINA, POAONO, OKATOBA 18, 1902.

MOOLELO HOONI PUUWAI NO

Kuu Aloha i na Pua, Kuu Ipo o na Launahele!

Ka Makakiu Kupaianaha!

MOKUNA XLV.

KE TELEGARAPA PALE KAUOHA--K HAALELE OIHANA PALE HULA.

Mao Mose Hemolele ala e ike au ia oe e Beleinahama e pono ai, aka, i keia minute o kou haalele oihana aia la oe ihea? A! Aige nao, ke Kaunawahine o Danekota ka mea ninau mai ma ke telegarapa nou, a ua hoike aku au iaia no kau wahi o ka hooko oihana, alaila, ke manao lana kuhihewa ole nei au aia oe ilaila. Welewele e hiki au ilaila e pono ai. Alaila, me keia mau olelo o ke poo o ka Oihana Makai Kiu, hookani ae la ia i ka bele, a komo aku la kekahi o na alii o ka wati a haawi i ke aloha saluta me ka hoolohe pu no na olelo e hoopuka ia mai ana e na lehelehe o ko lakou poo. Wahi a ke poo; Oiai au e kaawale ana aia ka mana hooponopono o ke keena nei malalo o kau makaala ana, a hiki i ko ʻ u huli hoi ana mai. Na kahea oihana e loaa mai ana e haawi aku i na pane me ka moakaka, a e hoopaaia hoi ia mau kahea maloko o ko kakou papa hoomanao e hoomanao pu ia aole he hooko oi hana e ae ia mailoko aku o keia keena oiai au e kaawale ana, koe wale no na itamu i (O K) ia maloko o ke kiko la malalo o ke poo na hana i pau ole. Mai keia mau olelo a'o mai a ke poo o ka oihana Kiu, ua huli ae la ia maluna o kona mau kapuai a haalele mai la i ke keena, a maluna o kekahi kaa lio kau aku la oia a haawi i ke kauoha no ka lawe awiwi ana iaia no ke Kakela Danekota alaila, he poha ana no ka huipa, he niniu ana o ka huila me ka ikaika e puahiohio ai ka makani ma ka aoao o ke kaa, aia ke kalaiwa e hoomalo ana i na laina kaohi i ole e moku moku i ka holo ino a ka lio, a i ka alu ana no o ka laina aia ke kaa e ku ana ma ka puka pa o ke Kakela, a lele iho la ka ohua hanohano me ke kauoha ana no ke kali ana o ua kaa ala iaia, alaila, huli ae la ia komo no loko o ka pa. O na hora poniponi keia o ka wanaao a ke poo o ke keena o ka oihana maikaikiu i komo aku la iloko o ka pa o ke kakela, a ua hoopahaohaoia ua poo ala o ke keena o ka oihana makaikiu iaia i ike aku ai ua hoomalamalama ia na paia o ke kakela me na kukui, a e maaloalo ana he mau kino kanaka lehulehu ma kela a me keia keena, a oia kana i nalu iho ai me ka ninau ana a a iho me ke ano haohao, heaha keia o ke kakela e hoomalamalama ia nei kona mau paia e na kukui, a me kela me keia mau kino kanaka a maaloalo ala. O keia ninau o ka haohao e niele nei iloko o na noonoo o ke poo o ka oihana kiu, ua loaa mai iaia ka haina i kona wa i hoea aku ai ma ke kakela, oia hoi ua hoikeia mai la iaia ka lohe, ua kipoka ia ka Haku Denekota e kekahi limakoko i ike ole ia ma ke kahua o ka hale keaka Opera o Ladana, Kahi a ua Haku @oo ala me kana Lede i haele aku ai no ka hoohala manawa ana maloko o ua hale Opera ala ma ia ahiahi, oiai laua e makeukau ana e haalele iho i ke kahua o ka hale Opera, a i ka haku i pii aku ai iluna o ke kaa a noho iho, ua kipu kokeia mai la oia iloko o ka pouli, a iloko o ia pouli i hui pu ia me ke kulana pioo a pihoihoi o kanaka, ua hiki ole ke loaa ka Limakoko, a ua hiki pu ole no hoi ke hoomaopopo ia, mai ka aoao hea mai la kela keia kipu loko ino i paea ia mai ai, nolaila, o ke pono wale no o ka hoihoi awiwi mai iaia no ka hale, a waiho iaia malalo o na lawelawe ana o ko lakou kauka ohana. Ma ka aoao o ka moe o ka haku poino e ku ana o Kauka Kilipoda Remona, a haawi i kana mau hoomalielie ana no na ehaeha o ka mea poino, a mai a iaia mai i loaa mai ai i ke poo o ka oihana kiu no hoi ke oiaio e pili ana i ke kulana pili kia o ka haku e like me na ike i lono iaia ma kona kaha a wehe ana i ka poka, aka, he manaolana no nae kona ʻ kauka ʻ e oaa ana no ka palekana i ka mea poino, wahi a Kauka Kilifota Remona ma kana hoike, ua komo aku ka poka ma ka aoao aku o ka umauma, a ua holo pahia ae la a paa iloko o ka iwi hoe hoe akau, a ma kahi o ka puka a kela poka i kapoo aku ai e paa ana he apana pepa manoanoa i kakauia he mau kuaolelo, a aia hoi malalo o na kiai ana a ka Makaikiu Beleinahama. Beleinahama! I hooho ae ai ke poo o ka oihana makaikiu. Eia anei oia maanei i keia wa? Ae e kou hanohano me ka mahalo, ua hoea mai oia i anei aneane he hapaha hora i hala ae nei, a a aia oia malalo o kekahi kauoha paa, aole oia e hoopilikia waleia aku, a nana ponoi no ke hoike a pane no kana hoike. Aole ka nau oia i hoouna mai nei. Aole e ke kauka, o ka'u ike ua paa oia malalo o ka hookauwa ana a kekahi hihia aupuni koikoi, a oiai eia iloko o na minute hope o ka aneane e loaa ka lanakila aia hoi, he aneane elua hora ae nei paha i hala ua hoouna mai la oia ma ko makou keena oihana i kana hoike waiho mai i ka hana no ka wa mau loa. Aka, e ke Kauka, aole he kanaka e ae iloko o ka oihana i loaa ka'u mau hilinai piha ana o ka paulele e like me Heneri Beleinahama. E aho au e nele me na kanaka e ae a o ko'u keena, aka, no Beleinahama, Aole loa! Maloko o ka'u mau buke heomanaa ke paa nei kana mau hana kamahao o ke kaulana, a o kona moolelo o ke kupanaha o na kupaianaha, ua kahakahaia iho ia maloko o ka papa hoomano o kela a me kino kanaka. Alaila, e Kauka Kilifoda, ua makemake au e ike i ka makaikiu opio. Aole i keia wa aa; O kaua kauoha ua lilo ia i kanawai paa e rula ai ia makou, ke ole ua makaikiu opio ala e hoike maoli mai iaia iho. Na kauoha hookikina e kauoha ana ia makou e kue i na rula paa a ke kanaka opio ke kue a pale loa nei makou ia nea, ano e Sir Alii o ke poo oihana e kala mai ina ua like ole keia me kou manao, wahi a ke kauka. Alaila, auhea ke Kaunawhaine Danekota? Aia pu oia malalo o na olelo ae o ke kauoha a kela kanaka Kiu Opio, a ke Kauka me ka hoomauhou ana mai i ke kamailio. E ae mai iau e ke alii hanohano o ke keena oihana Kiu e hoolouna aku i ka Ela o Kaliwi ke keiki hanu kahi male iho no a ka Haku pono nei. Alaila, me na hanuunuu olelo malie ua hawai ae la ke poo o ka oihana makai kiu a me ka Ela opio kaliwi. Hale i na kunou aloha saluta ana a ko laua mau pono, me na huaolelo o ka hui kala ana ia laua iho oiwi keia ano launa a ike makamaka i hoohalawai ia ae la ma ka aoao o ka moe poino a pilikia o ka Haku Danekota.

WELIWELI KA HANA A KE OLAI.

Manila, Oct, 6. Ma ka hoea ana mai nei a ka mokuahi nanahu Amerika Austin i anei, ua lawe mai la oia he hoike no kekahi mau hoonaueue olai i ikeia ma Guam ma ka la 22 o Sepatemaba, a o ka hopena i ikeia i ka wa i pau ae ao o na hoonaueue olai o ka Pakoa ma Agana a me kekahi mau hale e ae ua hoohioloia, a he nui na poino e ae i hanaia. He elua mau ola i make, He 180 ka nui o na hoonaueue olai i ikeia maloko o 24 hora. Ua hooweliweliia na kanaka, a hoohala ia he mau hora mawaho o na kahua akea.

HOOPUIPUI HOU O IAPANA I KONA IKAIKA KAUA,

Iokohama, Oct. 7. Ua hoike ia ae maanei maloko o eono makahiki e kapili ana ke aupuni o Iapana he eha mokukaua hakaka, eono mokukaua holo mama o ka papa ekahi a me kekahi mau moku emi iki mai, ma ka lilo o $10,000,000 no eono makahiki. O na mokukaua hakaka e kapili ia ana, ma Enelani, na moku holomama e kapili ia ana kahi ma Enelani, Farani a me Geremania.

HE MOKUPUNI MAKENETI.

O na moolelo i hoopukaia ae no kekahi mokupuni i piha me ka makeneti, nana i liki he lehulehu wale o na moku ma ka hoolalau ana i ko lakou mau panana, ua ikeia he moolelo oiaio loa keia. O keia mokupuni ua kapaia kona inoa o Bosnholm, he Panalaau no Denemaka, a waiho ana iloko o ke kai Baltic e kokoke ana i na kapakai o Perusia. O keia mokupuni ua piha oia me ka makeneti, a ua hiki aku kona ikaika ume i kahi o 10 mile mawaho aku o ka moana.

IKE HOUIA NO KEKAHI MAU MANA EKAEKA.

Ma ka hoike a ka Luna Nui Kuikawa Kupa o na Hana Hou, ua huli pono oia i na mea apau e pili ana i ke Kena o na Hana Hou, a ua ike oia he mau hana ekaeka e ae no kekahi i hanaia, aka, aole nae i loaa iaia ka mana piha ma ke kanawai no ka hookau ana aku i ka ahewa maluna o ke kanaka ana e manao nei. Owai auanei ana la keia luna aupuni e hookomoia aku ana i ke pohui.

CAMARA & CO.,

Waina, Bia me na Waiona Kihi o Alanui Alakea me Moiwahine.

WAIN CLARET 50c...1 Galani

WAINA SWEETS 75c...1 Galani

PRIME BIA $2.00 o ke..goz qta

Ua loaa mai ia makou he heluna nui o na waiona like ola Waiona. Bia, Gini, Wisike a me Barani a ke kuai ia nei me ka emi loa.

EIa maanei o W. Rice, kekahi o na Hawaii i noho loihi me Frank Brown. Nana e hoikeike aku ia oukou i keia mau waiwai.

HAWAIIAN HARWARD CO.

Ua loaa mai ia makou heluna nui o na lako lawaia, na Upena, Makou, Aho, a pela aku. Pena a me na Aila Pena, Na Hulu Pena, Na Kapuahi Aila, Na Kapuahi Fisher, (ua hoemiia ke kumukuai) Na Palau na ano apau, Na Lako Mahiai, Ho, Oo, Kopala, Kipikua, Na Bakeke o na like ole, Na Ipuhao, Ipu Ti, Na Lako Aniani, E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau kumukuai. Hawaiian Hardware Co., Ld. (HUI LAKOHAO HAWAII, I FAUPALENAIA)

Allen me Robinson

He mau mea kuai Papa, Na Lako Kukulu Hale, Pena ame aila a pela pu no hoi me ka Nanahu.. Keena Hana ma Alanui Moiwahine.