Ke Aloha Aina, Volume VIII, Number 48, 29 November 1902 — Page 3

KE ALOHA AINA

 

POAONO, NOVEMAA 29, 1902

 

PILIKIA HE NAU KEIKI HI MENI HAWAII

 

            Wiainet na, Nov. 3.  He mau keiki opio Hawaiii hoea mai i Amerika Huipuia, me ka manao a loaa ana ia lakou kekahi pomaikai ma ka himeni ana i ko lakou mele Hawaii maloko o na Ahamele.  Ua halawai lakou me ka pilikia maanei i keia wa o ke kau anu e nee mai nei me ka aahu kupono oia no ia wa, a me ka nele i ke dala e hiki ai ke uku i ko lakou alahele huli hoi.  E haawiia ka mahalo i kekahi wahine puuwai aloha ma o kana hooikaika ana he luna hoohana no na keaku like ole i kuleana i kekahi mau hale keaka a me na hale mele, ua ae aku oia e hana keia mau keiki i ko lakou alahele no Kapalakiko ma na wehi a pau o kou hale keaka e ku ana ma kela a me keia po, me ka nee mau ana i ke Komohana a hoea loa aku i Kapalakiko.  A ua manaolana ia ma ko lakou wa a hoea aku ai i Kapalakiko e loaa ana ia lakou he mau dala, no ka uku ana i ko lakou uku moku no Honolulu.

 

HOOKUUIA O DANIEL YOWELL.

 

            Imua o Lunakanawai Robikana i lawela mai ai ka hihia kipu o Daniel Yowell e hoolohe, ke kanaka opio nana ka poka i kinai aku i ke ola o David Kanewanui, ka Lunahooponopono o ke Kuakoa.  Ma na ike i lawe ia aku imua oia ana, ua ikeia he mau hoaloha makai keia mau opio, a aole hoi o laua wa i enemi ai kahi i kahi.  A o kela kipu i lawelawela aole ia mea i komo mua iloko o Yowell mamua o kona ki ana ia Kanewnui, a aole no hoi oia i ike ua piha ka pu i ka poka.  I ka pau ana o na hoike i ka hoike i ka lakou ike imua o ka Lunakanawai Robikana a me na kiure.  Ua haawi ia ka olelo hoo holo e na kiure e hookuu ana i ka mea i hoopii ia ai no ka hewa lawe ola.

 

HE HIONA KUPAIANAHA I IKEIA MA MELBOURNE.

 

            Ladana, Nov., 15.  E like me na lono i loaa mai nei i Daily Mail, mai Sidane a me Auseteralia mai, ua ikeia he hiona kupaianaha oia na lehu lepo ula i uhi iho ma Victoria a me Nu Wale Hema.  Ua hoopouiha ke kulanakauhale o Melbourne ma ke awakea o ka la ma nehinei, a ua haule nui mai na popoahi maluna o kekahi mau hale a holapu ae la ke ahi.  He nui ka makau a me ka uioloke o na kanaku me ko lakpu manao kuhihewa ana ua hoea mai ka hopena o ke ao nei.  He ao i piha me ka lepo ula kai haakokohi iho maluna o ke kulanakauhale o Sid ne a me kakahi taona e ae ma ka ia inehinei.

 

HE KEIKI PUSIEI ONA.

 

            Mauka o Pauoa, ua hopuia iho ia a makai kaulio Hook he keiki Puki ki ona nona na makahiki he 12; E komo ana keia keiki he lole wawae pokole, aka, o na hiona nae o ke kanaka i komohia iloko o kekahi ana kulipelipo oia ke e ikeia ana maluna o keia opio; I ka wa?i hora aku ai o ke kea makai e uwa a e himeni ana oia, ma ka hoao pu ana hoi e hakaka me ka makai e paa ana iaia.

            I ka hoea ana aku o ke keiki ona i ka halewai, ua huliia na mea o loko o kona poli, a loaa aku ia iloko o kekahi o kona mau pakeke he pepaa pakanau, ua koi ikaika aku ia ke keiki e haawiia mai ia mea iaia no ka mea, aole e hiki iaia ke ola ke hele oia ma ka paka, aole i hoolohe aku ka wiliki i kana olelo, aka, ua lawe kokeia oia no lalo o ka rumi hoopaa i ka poe ona i hoohala ai i kekahi minute ma ka himeni ana, aiaila haule aku ia oia iloko o keka hi hiamoe kulipolipo.  Ua hookuu ia mai malalo o ka bona ia ana me eono dala, eia nae ka mea apiki aole oia i hoea aku e hookolokoloia imua o Lunakanawai Wilikoki, nola ila, ua lawe wale ia kana mau dala hone.  E na opio Hawaii, mai hoohalike ia oukou me keia keiki Pu kiki, oiai.  he alahele ia no ka poino a me ka popilikia o ko oukou ola ane.

 

MAKE I ALOHA NUIIA.

 

            Ma ka la 16 o Nov., 1902, ua oluoia i ka mea Mana Loa ka lawe ana aku i ka hanu ola o Ekekela Keliaa me Kakaako, Honolulu, T. H.  Ua loaa oia i ka ma'i kauhola, pela oia i hikiwawe ai, me ke ola kiho maikai oia mamua iho.  A ma ka manawa o ke Kauka i hiki mai ai ua hooia iho oia he ma'i puuwai.  Ua haneuia oia me Honuaula, Maui mai ka puhaka mai o D. Keliaa me Mrs. Kaeiehiwa Keliaa, i ka 1861, he kaikamahine papa oia no Maui.  Ua hookahua oia i kona noho ana ma Honolulu nei i ka 1881, ua ka maaina ka hapanui o ko Honolulu poe nei iaia, nolaila, e na makama ka na hoaloha, ua hala ua nalo i ke ala hoi ole mai ko oukou maka maka wahine.  Ko iho la ka mea i palapalaia.  Nana no i haawi mai a nana no i lawe aku, e hoonanila ke Akua.

            Me ke aloha nui i na keiki o ka papapa'i.

            Ko oukou hoaloha.

                        D. H. K.

Kakaako, Honolulu, Nov. 21, 1902.

 

            Ma ka Poaha nei ka la ai pele hu o na Amerika e malamaia ai ka ahaaina a na Repubalika i kukala ae ai he mau pule i hala ae nei, no ka haawi ana ma ke ano hauoli no ka lenakila ana oia aoao.  O kahi i haawiia ai keia ahaaina aole ia ma ke kahua o ke kapitala, aka, maikai o ka uwapo o Hakapila ma.

 

O....

Keia ka wa

NO KA

HOAHU ANA.

 

HUI HAWAIIAN REALTY A ME MATURITY KAOPALENA IA HONOLULU.

 

            He papa keia a hoolauna aku ana i ka Hui Hawaiian Realty a me Maturity, e hoikeike aku ana i na hoa i ka pomaikai e ala mai ana mahope o ko lakou komo ana i keia hui.  He hui keia ua kaupalenaia no ka poe ilihune me ka poe waiwai e makemake ana e houlouio i ka lakou kenikeni no ka noho ana o keia mua aku.  Ua like pu loa keia hui me ka Banako e hookomo ana keia ame keia $2.50 no ka mahina mua a $2.00 mahope ako i na mahina apau a hiki i ka piha ana o na mahina he 75. alaila hoihoiia mai ia mau dala i houluuluia ai a kela me keia me $50.00 mawaho ae, ka puka o ke dala o ka mahele hookahi, huina pau loa $200.00.  He nui no na mea maikai o keia hui, a pomaikai no hoi.  I ka lawe ana o ke kanaka i hookahi mahele, e uku ana oia he $2.50 ka wai wai io elua dala, a ua hookauia kela hapalua no ke pooleta o ka palapala hookuleana, e haawi ana i kela ame keia e lawe ana i mahele i mea hoo kaa no ka lakou dala a e paa lakou i keia palapala a hiki i ka piha ana o kela mau mahina i kauohaia ai.  Ina paha e ma'i ana kekahi kanaka i komo i ka hui a nawaliwali a hiki ole iaia ke imi i ola nona, i ka wa ona e hai ai i ka hui, e hoihoiia ana na dala ana i hookomo mai ai i ka hui me 1-4 hou aku.

            Ehie pu me keia, ina he umi dala i ukuia, e loaa aku ana he umi kumamalua me hapalua, a pela wale aku.  Ina a make wale ana, e hoihoi ia aku ana iaia na dala apau ana i hookomo ai me ka nui pu oia mau dala hou e like me keia.  Ina he $100.00 ana, e haawi ana iaia he $200.00.  Ina paha e makemake ana ke kahi kanaka o ka hui e ale, ua hiki no iaia ke ale i ka piha ana o ka makahiki ma ka hapa nae o kana mau kenikeni i hookomo ai i ka hui aka, e hoao oia e hoihoi hou mai ia mau dala ana i ale ai iloko o eono mahina a hookahi makahiki paha.  He hui keia e hopomaikai ana i na kanaka; o ka poe nae e makemake ana e hookuonoono ia lakou iho no kela mua aku.  He nui na dala a na kanaka e loaa nei, aka, aole nae lakou e noonoo ana no ko lakou pono o keia mau aku.  Loaa mai no kahi kenikeni, i o no ianei, pau ana a hala ae la keia pule, mahina, a hiki i ka hoea ana mai o ka makahiki hou, aole wahi dala i houluulu ia.  Ina no hoi e lawe ana oia i hookahi mahele, e uku ana ia elua dala o ka mahina hookahi; a ina e piha ka makahiki ua loaa iaia he $24.00, me ka puka pu oia mau dala.  Ina ia e hele mai i ka hale o ka hui a loaa ana iaia ka hapa o keia dala me ka puka pu, a he mea no hoi ia e kala ia ai o kahi pilikia.  E na kanaka, e pono kakou e noonoo pono a malama i na wahi kenikeni he aupuni Amerika keia, a ke hele mai nei ka poe o ka aina e a ke hao mai nei i na aina o kakou; nolaila e pono kakou e hookuonoono i hiki ia kakou pu ke pale aku ia lakou, a aohe hoi e hiki ia lakou ke hoonai kula mai, e like me ka maa mau houluulu kahi kenikeni no ka pono o na wahine me na keiki.  Ina aole e hiki i ka mea hookahi e uku liilii i na mahina apau, e uku mua mai he $10.00 paha elima paha, iwakalua kumamalima paha, aia no i ka mea e loaa ana i ke kapaka, kali aku a piha na mahina oia mau dala, ma ka elua dala o na mahina apau, alaila, uku hou.  Ina kakou e hana ana me keia, aole kakou e mihi ana i keia hana maikai a kuonoono pu he poe kuonoono na alakai o keia Hui, nolaila, mai minamina i na kenikeni, a ina aole oukou i komo i ka hui, e komo mai i keia wa.  Kakau mai i ka Hale hana o ka hui oia hoi ka Rumi 3 ame 4.  McIntyre Building.  Ina oukou e hopohopo ma kahi mea, a kakau mai a ua hiki ia makou ke hooakaaka aku i nai mea apau.  Ua hiki ke kanaka ke lawe e like me ka nui o kana mau kea (ahar?s) a makemake ai.  Ina ? e makemake ana e uku mua i $150.00 a $100.00 puha, ua hiki no e haawiia aku i? kiki paua no ia ma dala.  Ina ia no Hawali a Hilo pahe, a i ole, no kekahi aina e ae e hoouna aka i kana dala ma ka bila Hale Poo Leia a e loaa ana kane likiki.  Nolaila mai hopohopo i ke komo ana i keia hui maikai.

HUI HAWAIIAN REALTY A ME MATURITY KAUPALENAIA.

McIntyre Hale kihi o na Alanui Papu a me Moi.  Rumi 3 a me 4. Pa? Loe ?62,

                        L, H. KENEWELA.

                                    Pereaidena

 

HOOLAHA NOOKO MORAKI.

HOOLAHA KUAI A KA MEA PAA MORAKI.

 

            Ke hoolaha ia aku nei ma keia no ka hooko ana aku i ka mana hoolilo o kakahi moraki i hana ia ma ka la 30 o Sepatemebe, 1901, e Tom Lum, Pang Lum Man Gem, Tom Mon, Sun Wo a me Chock Wa, no Honolulu, Mokupuni o Oahu, Teritori o Hawaii nei, lakou a pau, aoao mua ia Andrew Dempster o Lihue, mokupuni o Kauai, Teritori o Hawaii i oleloia, aoao elua, a i hoopaaia ma ke Keena Kope Aupuni, Oahu, buke 236, aoao 434-6, ke manao nei ka aoao elua a hooko i ua moiaki aia i oleloia no ka hahakiia o ka nelike, oia ka uku oia ia o ke kumupaa a me ka ukupanee i ko laua wa uku.

            Ke hoolaha hou ia aku nei ma keia o ka waiwai i hoakake, kuai, a hoolilo ia ma ua moraki ala e kuai kudala ia ana, ma ke keena kudala ia ana, ma ke keena kudala o James F Morgan.  Alanui Moiwahine, Honolulu, Poaono, la 29 o Novemaba, 1902, hora 12 awakea.

 

NA WAIWAI I HOAKAKA IA MA KA MORAKI.

 

            Oia kela aelike hoolimalima i hanaia ma ka la 1 o Mei, 1900, mawaena o Hattie K. Vivichases o Honolulu ma ke ano mea hoolimalima a me Tom Lum, Pang Lum, Man Gen, Sun Wo a me Chock Wa mea paa hoolimalima no ka manawa o 20 makahiki mai ka la 1 aku o Iune, 1900, ma ia e haawi ana i na pono inoa a me ke kuleana a pau o ka aina i na mea paa hoolimalima ma kela apana a i ole mahele o ka aina e waiho ana ma Kapalama, Honolulu i eleloaia, maloko oia ua hoakaka ia e hookuu pu ia me na wawai a pau.

            ANDREW DEMPSTER.

                        Mea Paa Moraki.

Kuike ke dala ma ke gula Amerika; lilo palapala kuai ma ka aoao o ka mea kuai.  No na mea i koi e ninau ia Holmes me Stanley, na loio o ka mea paa moraki.

            Honolulu, Okatoba 11, 1902

CAMARA & CO.,

Waina, Bia me na Waiona

Kihi o Alanui Alakea me Moiwahine.

W AIN CVLARET 60c....1 Galani

WAINA SWEETS 75c...1 Galani

PRIME BIA $2.00 o ke....doz qts

 

Ua loaa mai ia makou he heluna nui o na waiona like ole Waiona, Bia, Gini, Wisike ame Barani a ke kuai ia nei me ka emi loa.

 

Eia maanei o W. Rice, kekahi o na Hawaii i noho loihi me Frank Brown.  Nana e hoikeike aku ia oukou i keia mau waiwai.

 

Kauka L. F. Alvarez

 

KEENA ME KAHI NOHO HELU 1240, ALANUI EMMA.

 

NA HORA HANA:   8 a ka 10 a m

                                    3 a ka 5 p m

                                    7 a ka 8 p m

NA LA PULE:           8 a ka 10 a m

                                    7 a ka 3 p m

Telerona White 211.