Ke Aloha Aina, Volume VIII, Number 52, 27 December 1902 — Page 1

KE ALOHA AINA

BUKE VIII. HONOLULU, POAONO DEKEMABA 27, 1902

 

LAWELAWE OOLEA NA MANA NUI.

 

La Gosyra, Venezuela, Dec 15

Na ka Dainamita a me ke ahi i hoopau loa aku i ke koena o na papu kiai kahakai o ke awa o Puerto Cabella, mahope o ka wawahiia ana e na poka pukuniahi o ka mokukaua Geremania Vineta a me ka mokukaua Pelekane Charybdis. Mahope o ka hoomaha ana o na kipoka ua hoolele ia aku la na koa iuka o ka aina mai luna aku o ka mokukaua Chaybdis, i ka wa i laweia aku ai o na waiwai i koe iho ina poka pahu mai ka papu Solano me ke Kakela Libertad, ua hookomoia aku la na poka dainamite malalo o ke kakela, a nana i hoolilo iho i ua kakela aia i puulehu, alaila, puhi ia aku la ke kakela ka papu, a me ne hale pili kokoe i ke ahi, mahope o ka meomeo ana o ka papu a me ke kakela ua hoi aku ia na koa no luna o ka moku me ka haalele iho i ke ahi e a ana no.

            I ka wa a na koa e puhi ahi ana ina papu he nui ka pioo i ikeia iwaena o na Venezuela, a ua makaukau lakou e lele kue aku, aka, i ka wa i hoohuli pono ia mai ai ka waha o na pukuniahi iluna o ke kulanakauhale, ua hiki ole ia lakou ke hana hou aku.

            Ladana, Dec 16. O na hoike i loaa mai la mai Willemstad, Caraco, aia ka hae o Beritania ke pulelo ala maluna o ha papu o Purto Cabello, a ua huikala aku o Persidena Castro ina alakai kipi Hernandez Parades a me kahi mau alakai a ae.

            Caracas, Dec. 15. Eia na Luna Aupuni o Venezuela ke noho nei me ka maopopo ole o ka lakou mea e hana aku ai, a ke kau aku nei ko lakou mau manaolana no ka Amerika mau kokua ana mai ia lakou. Eia kekahi mau loio ke makemake nei e noi aku ia Peresidena Castro, e waiho oia i kona kulana.

            Ua hoea mai la na poe kalepa o La Guavra i anei i ka po nei, mamuli o ko lakou hopohopo i ke ki poka ia oia kulanakauhale i ka la apoapo.

 

UA KU MAI KA MOKU HOOMOE UWEA SILVERTOWN

 

            Ma ke awakea onehip i hoea mai ai ka moku hoomoe uwea moana Silvertown mai Kapalakiko. Ua haalele aku oia i ka hoomoe ana i ka uwea i ka hora 5:30 oia kakahiaka i ka wa o ka moku he 35 mile wale no ka mamao ma ka hikina aku o Makapuu, a holomai la i anei no ka hoopiha nanahu ana. I ka Poakahi e huli hoi hou aku ai ka Silvertown no kahi ana i haalele i ka uwea no ka hoomoe ana mai i ka pauku hope loa. O ka hohonu o kahi o ka uwea e waiho ala ilalo o ka papaku o ka moana i ka wa i hooki ia ai ka hoomoe hou ana he 450 anana me ka hoolana ia o kekahi hoe maluna pono o ha uwea i wahi nona e nalowale ole ai.

            I ka wa o ka moku hoomoe uwea Silvertown e hookomo mai ana i ka nuku, ua hoea aku na mokuahi Keauhou, Eled a me Fearless a apo pumehana akula i ka lakou malihini me na leo kani palalu o ko lakou mau oeoe, na leo huro o na kanaka a me ka hana aupuni. I ka hora 12:30 i pii mai ai oia i ka uwapo. He nui na poe makaikai i hiki aku i ka uwapo no ke ake ana e lohe ala la ihea ka uwea kahi i waiho ai, no ka mea, he nui na wa olelo mamua iho na ka halawai o ka moku me ka ulia poino, aka, i ka pili ana mai o ka moku i ka uwapo ua ike ia iho la he nele nanahu kona pilikia.

 

 

HOPU IA NO KE PUHI AHI

 

            Mamuli o ka hoohuoi ia ana na Lau See i puhi i kona halekuai i ke ahi ma ka wanaao Poakahi nei eia oia ke paa nei ma ka halewai no ke kali ana i kona hihia no ka hoolohe ia ana. I kela wanaao i hoike ia ae nei ua ike ia he ahi iloko o ka hale kela lole o Lau See ma ke alanui Beritania kokoe i ka alanui Moi. He elua wahi a ke ahi e a ana maloko o ke keena kela lole, ua haawi ko ke ia na kinai ana i ke ahi me ka hoike pu ia aku o ka lohe i ka oihana kinai ahi, a mamua o ka hiki ana mai o na kaawai ua pio iho la ke ahi.

            Mahope o ka nana akahele ana o ka luna nui o ka oihana kinai ahi na komo iho la na manao hoohuoi iloko ona aole keia he ahi ulia, aka, he ahi puhikolohe ia keia, nolaila, ua huli koke ia o Lau See, ka ona hale, no ka mea aole oia pu kekahi iloko o na hoao ana e hoopio i ke ahi.

            O kahoike a Lau See  ua ike oia i ke ahi @ na mamua o kona halekuai ua holo oia iwaho me kona pahu lole me ka laka ana i ka puka ma!