Ke Aloha Aina, Volume IX, Number 2, 10 January 1903 — NA NUHOU O KA AHAOLELO I LOAA MAI MA KA UWEA OLELO. [ARTICLE]

NA NUHOU O KA AHAOLELO I LOAA MAI MA KA UWEA OLELO.

Maloko o ka uwe telegarapa i loaa mai ai na hoke mai Wasinetona mai, e olelo ana, ma ka Poalua iho la, Ianuari 6, i waiho aku ai ke Komisina Senate oia o Senatoa Mitchell, Burton a me Foster, i hiki iho nei i Honolulu nei, i ka lakou hoike piha i ka Ahaolelo e pili ana no na bila kupono e loaa i ke Teritori o Hawaii nei penei: E hooholoia ka bila Wai o Kohala. E ukuia na Koi Poho Ahi. E noho hoomalu o Amerika Huipuia maluna o na aina Aupuni o Hawaii me na keena poo ma Honolulu a me Hilo. E hooliloia na aina o Puowa

ioa a me ko Kapiolani i na poe e hoolimalima nei i keia wa. E hoomaluia na poe maʻi lepera a pau e ke Keena Waiwai, e huipu ana me na maʻi lepera a pau o Amerika, ma Molokai. E ukuia eha keneka kaulele no na kope i hoouluia ma Hawaii. E hana houia ke awa, me ka hana ana i palewai ma Hilo. E hooponopono houia na kanawai. O na Hale Ipukukui a pau e hooliloia aku malalo o ka malu o Amerika. E huli ponoia na aina a me na ululaau E hoala kokeia ke Aupuni Kulanakauhale.