Ke Aloha Aina, Volume IX, Number 13, 28 March 1903 — AOLE HE PILI KOKO I KOE O KE ALII KUNUIAKEA. [ARTICLE]

AOLE HE PILI KOKO I KOE O KE ALII KUNUIAKEA.

Ua waiho ia aku la e Mrs. Mele K. Kunuiakea, ka wahine kanemake a ke Keikialii Kunuiakea he palapala noi i ka Aha Kaapuni e hookohu ia o Bruce Cartwright (Kakalaika) i Lunahooponopono Waiwai. O ka waiwai io o na waiwai a pau o ke Keikialii Albert Kunuiakea he $10,950, oia hoi he pa hale ma Kapalama, he mau aina ma Manoa, Kamoiliili a me Waikiki, no lakoa ka waiwai io he $8,500, me na waiwai lewa i hiki aku i ka $2,450 waiwai io. Ma ka hoike a ka mea noi aole he pili koko ana i ike ai o ka mea make e ola nei, nolaila, ma o ka nele ana i na pilikoko ua ili maluna ona na waiwai a pau o ka mea make ma ke ano he wahine kanemake.