Ke Aloha Aina, Volume IX, Number 42, 17 October 1903 — CHARLES W. BOOTH. KALE KEOPU. PUUKU O KE KALANA O OAHU AOAO KUOKOA HOME RULA. [ARTICLE+ILLUSTRATION]

CHARLES W. BOOTH.

KALE KEOPU.

PUUKU O KE KALANA O OAHU A KA AOAO KUOKOA HOME RULA.

Koho ia C. P. Iaukea i Luna Ohi Auhau no ke Kalana i ole e hoopiipii mau ia ana wahi auhau o kakou i na makahiki a pau Koho ia Kale Keopu i Puuku no kakou. Eia mahope o kona kua kekahi poe waiwai e kakoo nei; a he hookahi Banako dala o keia kulanakauhale e ku makaukau ana no ka hoolako aku iaia i ka wa e makemakeia ai i dala no ke Kalana.

Ekolu moho holopuni a ka aoaoa lahui no ka Papa Luna Kiai o ke Kalana. Abelehama, Kimo Boe, ame Palakiko Hawe. Na oukou e ka Mokupuni holookoa o Oahu nei e koho ana i lakou. He elua moho Luna Kiai o ka apana elima. S. K. Mahoe a me J. M. Kealoha. He elua moho no ka apana eha. David Nokale a me Akepoka.

No ia nei keia wahi hooheno. Aia i Pauoa ka liko lehua Ka iini pau ole a ka makemake.

Koho ia R. W. Wilikoki ka Ilamuku a ka aoao lahui Home Rula. I loaa o na Hope Ilamuku hou me na makai e noho aku ai i loko o na keena o ka Halewai. Koho ia Kale Wilikoki i Luna Hooia ua maa no i na hana oia ano. A pela hoi ka Loio E. Caypless he haole naauao ike Kanawai no hoi, he punahele na na alakai o ka aoao Home Rula. E koho i ka Loio opio D. Kalauokalani J. i Kakauolelo no ke Kalana. He opio Hawaii i loaa na hoonaauao maikai ia ana i kupono no ia oihana.

E na poe kupono i ke koho balota. E koho i na paa balota lahui a ka Home Rula. E koho ia Chris Willis i Ana Aina, e opio Hawaii ua makaukau ma ia hana, he mea i lawelawe ma ia oihana no kekahi mau makahiki loihi. Koho ia J. U. Smith (Kamika l@@i) i Loio Kalana no oukou e ka poe o Hilo, Puna ame Hamakua. Thomas E. Cooke ke Ana Aina o ke Kalana Hikina o Hawaii @ na Repubalike i kakoo ia e na Home Rula. Aohe kanalua no kona kohoia. He keonimana ua lawa ka makaukau no ia hana.