Ke Aloha Aina, Volume X, Number 44, 29 October 1904 — He Inoa No Iaukea. [ARTICLE]

He Inoa No Iaukea.

He inoa nou e Iaukea Ka Elele hiwahiwa a ka lahui Nau i hoohui na Ailana Hookahi puuwai o ka lokahi Lilo ai i mea ole na enemi Lehelehe eueu hana lokoino Ua piha hauoli na Paemoku I ka leo nahenahe o ke Konela E imi pauaho ole ana hoi I ka pono kaulike o ka aina Nau i hehiku i ka Home Rula Me Repubalika hoopunipuni Hu ana ka makani haalele wale Me ka hua kamahao i ka uma uma O oe ka hoku o ka Akau Ka onohi kaimana i Wakinekona Ike ia mai ai Hawaii nei Paredaiso o ka Pakipika Na Mana Kahikolu kou kokua Na Lani Kiekie kou alakai E ola Hawaii a mau loa A kau i ke ao malamalama Hea aku makou o mai oe Iaukea ka Elele ola Hawaii. Hakuia e D. P. Keawehaku. Honolulu. Demokalaka ua lanakila Ma ka la ewalu o Novemaba Ua puka pau loa na moho Mai Hawaii a Kauai Iaukea ka Elele i kohoia Ua puka me ka lanakila Ma na Kau a Kau Iaukea ka Elele ola Hawaii Ua kakoo mai o Amerika Kokua mai o Enelani Mahalo mai o Farani Hauoli nui o Iapana I ka Elele a ka Lahui Iaukea no he inoa Demokalaka hiu a wela Lanakila kamahao ko Hawaii. Hakuia e I. P. H. Kanakaliilii