Ke Aloha Aina, Volume XII, Number 11, 16 March 1907 — Na Le'ale'a Heihei ma Waikiki. [ARTICLE]

Na Le'ale'a Heihei ma Waikiki.

I ka hora 2 o keia auina la Poaono e malamaia ai na lealea heihei waa a me waapa ma Waikiki. Mawaho pono ae o na Hotele Seaside a me Moana e ulele ia ai keia mau hana le'ale'a, ke manaoia nei e piha ana ke kaha one mamua iho o keia mau hotele i na poe makaikai. O ka heihei mua he heihei moku kiakahi, 2 heihei au, 3 heihei waa no na wahine opio 4 heihei waapa pe'a. 5 heihei waa eono hoe 6 heihei waa elua hoe. 7 heihei waa hou eono hoe. 8 heihei waa hou no elua hoe. 9 heihei waa eha hoe. 10 heihei waa hoe pukahi. 11 heihei waa papa. 12 heihei waapa Canada elua hoe. 13 heihei waa pe'a. 14 heihei pe'a waa papa. O ka panina o na hana oia la, oia ka pu-ka nalu o na waa a me ka heenalu ana.