Ke Aloha Aina, Volume XII, Number 52, 28 December 1907 — HE LEO KONO. [ARTICLE]

HE LEO KONO.

Ke hea nei i ke kanaka e komo maloko, e hanai ai a hewa e ka waha, eia no ka uku la o ke olu o ka Lahui ame ka Aina E kuu Ipukukui pio ole "Ke Aloha Aina: Welina kaua;— E oloolu ia mai i wahi rumi kaa wale o kou kino lahilahi a nau hoi ia e uwila ae. E o'u mau hoa ma'i i kupono i ke koho balota e noho ana mai ka wai hoeha ili o Waikolu a hiki aku i ke one wali o Puahi, i hooheno ia mai e na keiki heenalu kakala o Iliopii Aloha Karisimaka no kakou, Ke kono ia aku nei ka poe i koe aole i hoopaa i ko lakou mau inoa ma ka Buke a ke Kakauolelo o Kalapu Demokalaka o ka aina o ka ehaeha e naue ae i ke keena o hana o ke Kakauolelo J. T Unea, ma Kalaupapa. A i ole e kauoha ae i ke Kakauolelo, a i ole i ka Peresidena e hele aku imua o ko oukou hanohano he mau kauwa laua na oukou. Mai ku a kali, ke hoike mai nei na kahoaka lani ame na pae opua e puka ena ka Peresidena Demokalaka- i keia Kau, a o ka aoao Demo kalaka ka aoao e ola ai ka lahui a ola ka aina. A nele na hooiloiloi ana a na kolea kau ahua. Aole e i hala na makahiki he kanalima pau loa keia laui i ka make. Nolaila, o ka aoao Demokalaka ana ka aoao kalaiaina nana e opa i keia Papa pepehi Lahui apili pu no keia kau ae a hiki mai. A ke noi nei ka mea kakau i na makamaka mai Hawaii moku o Ke awe a Niihau i ka moleolu o Lehua Ina he aloha ko oukou ia makou o ka aoao Demokalaka wale no ka aoao naoa makou ka lahui e wehe ae mai keia pahu kupapau kau ola ae. A ike hou aku ka hoi i ke ao aina. Imua a iluna ae Me ka mahalo. S.K. Maialoha Peresidena Kalapu Demokalala Kalawao, Molokai, Dec 20, 1907.