Ke Aloha Aina, Volume XVII, Number 3, 18 January 1913 — O KEKAHI MANO PAHA IA A KAAHUPAHAU. [ARTICLE]

O KEKAHI MANO PAHA IA A KAAHUPAHAU.

Ua hei ae i kekahi pualikoa alualu mano, ma ke awalau o Puuloa ma ka auwina La ka Pule aku la i hala aku nei, ka la 12 o Ianuari, he mano nui a loihi o 16 kapuai ka loa, he elua kanaka nana e apo me elua kapuai hou puni ka kona opu, hiki loa ka ke kanaka ke moe oluolu iloko o kona ekeeke me ka huli ana mao a maanei. I ka wa a ka mano e hukihuki ana me ka waapa aila-ea o na Hoahanau Iana, o ka wa ia i hakukoi ae ai na nalu kai o ka Pala Hapa a Lilo i mau alenunui, kahulihuli ino no iho la ka waapa aila-ea kapalili ae la ka leo uwe makau o na wahine haole oluna o ka waapa ailaea; oia no ka wa a Kahanamoku i oili aku ai e uhaki i ka hi'u o ka mano. Mau minute pokole ia a laua i nonoke mai ai, alali mai ana ka waha o ka mano i ka haku pu o ke kano e pili ana me ke palaulau o ka wawae, malie iho la ka aleale, a hoi lanakila mai la o Kahanamoku. Aole keia he pualikoa maoli, aka, he poe lawaia no ka hui Ku Nalu, a koe nae hoi ko lakou lawe mai ua I'a la i ka makeke, i noke aku na menehune Kepani i ka hoonuunuu a hemo ka hoi - (D@g@red.)