Ke Aloha Aina, Volume XXI, Number 56, 3 November 1916 — I OLE KA POLOLI! [ARTICLE]

I OLE KA POLOLI!

E na mana koho mai Hawaii a hoea loa aku i Niihau, a o ka oi loa aku i na limahana o ka aina a me kanaka mahiai: HE MEA PONO NO OUKOU E KOMO I KA AOAO DEMOKALAKA MA KEIA KAU KOHO E HIKI MAI ANA MA KEIA POALUA AE, oia wale no ka aoao e loaa ai ka maha i na limahana o ka aina nei, aole he aoao hou aku. Ua ike oukou a kamaaina i ka hana a na Repubalika mai kinohi mai, he aoao ia e nana mau ana i ka pono o kanaka waiwai o ka aina, a oia no ka @ i kukulu ia ai oia aoao, no ko @ pono wale no i ka manawa mua ame ka manawa hope a mau loa aku, no laila, e koho i ka aoao Demokalaka mai ka Elele i Wakinekona ahiki aku i ka moho hope loa. I kou hana ana pela, ua hoike aku oe i kou ano kanaka makua, aole hoi i mea paani wale ia. Koho! KOHO PONO I NA MOHO O KA AOAO DEMOKALAKA.