Ke Aloha Aina, Volume XXII, Number 26, 29 June 1917 — HOOPAI IA NA POE PILIWAIWAI. [ARTICLE]

HOOPAI IA NA POE PILIWAIWAI.

Ma kela mau la aku nei i hopu ia a'e e ka oihana makai he kanaha kumamalua poe no ka piliwaiwai makai o ka uapo, a o y ka hapanui o lakou kela poe kamalii luuluu dala ma ka uapo i ka manawa e komo mai ai ua mokuahi Kaleponi a pela hoi me ka manawa e holo ai. I ka manawa i hoolohe ia ai ka hihia imua o lunakanawai Apana Harry Irwin, ua hoopai ia mai e hoi no ka Hokele nui o_ke Kalapa aiae ka uku ana he $25.00 pakahi. He kanono maoli ka hoopai a ka Lunakauawai Apana hou o Honolulu nei, a o ka oi loa aku i na kamalii e pili waiwai mai nei ma ka uapo, i kamaaina ma ka inoa kapakapa "Na iole o ka uapo." E na makamaka amo na haaloha, he mea pono no e hoomamao mai kela niau hana mai, no ka mea, he kanono maoli ka hoopai a ka lunakanawai ke hoopai mai, nolaila, o ka lohe ke ola, a o ke kuli ka make.