Ke Aloha Aina, Volume XXIII, Number 27, 5 July 1918 — Kela Ame Kela [ARTICLE]

Kela Ame Kela

E haalele koke iho ana ke keiki alii Kuhio no ke Kapikala o Wakinekona ma keia mua koke iho, Ua manaola, aole ola e hoi mai ana no na hana kalaiaina mahope nei, e waiho ia ana na hana i ko kona poe kakoo. Mai poino i ka hoouna mai i ke ola o ka pepa nei no keia hapa hope o keia makahiki, e like me ko Kalaupapa, Molokai, ka eleu i ka hoouna mai i ke ola o ka lakou pepa.. He mau la pipii keia o na mea apau nolaila, ina e hoouna aku ana makou i ka e hila e hiki aku ana ma kahi o na kaukani wa-hi kalana ame poleka ma ka ekolu keneka, e hiki ana na hoolilo i ke $6.00. He oi aku ka emi na oukou e hoouna mai. Aloha Aina. Eia kakou ke hookokoke Ioa aku nei i na la hooikaika balota. Ua maopopo ae nei na moho no ka elele i ka ahaolelo lahui, koe aku na senetoa ame na lunamakaainana. Eia aku paha ke nee mai la o ka oili koe o na poo ʻiwaho Nui na ano lahui like ole ma ka Papu Limaikaika i keia mau la, iloko o ka oihana koa: Hawaii, Pukiki, Pake, Kepani, Pokoliko, Pilipino, ame na ano lahui apau ma Hawaii nei. He mau miliona poe e pau ana i ka ohi ia e hele i ke kaua, a i ole e hele i ka hana ma Amelika. O keia na poe hele holoholo wale iho no ma na alanui me ka hana ole. E komo pu ana ma keia mau rula ana na poe a pau; nolaila, he mea pono e huli i hana mamua o ka hoohuli ia ana aku e na luna aupuni.

O George K. Dwight ka mea mua i komo aku i ka lole kaki o ka oihana koa o na poe i ohi ia iho nei no ka oihana koa, oia hoi keia poe i hoopaa i ko lakou inaa Iulai o kela makahiki aku nei.