Ke Aloha Aina, Volume XXIII, Number 27, 5 July 1918 — LELE MA KA PUKA ANIANI NO KA MAKA'U O PAA I KA HOPU IA E KA MAKAI NO KA PILIWAIWAI. [ARTICLE]

LELE MA KA PUKA ANIANI NO KA MAKA'U O PAA I KA HOPU IA E KA MAKAI NO KA PILIWAIWAI.

Ma ka Poaha o kela pule aku nei, mahope iki iho ke paʻi ia ana o ka pepa nei, i hele aku ai na makai kiu o ka oihana makai no ke kihi o ke alanui Moi me Beretania no ka hopuhopu ana i ka poe piliwaiwai. I ka hiki ana aku o na makai no kahi o ka piliwaiwai ma kekahi hale maluna, a i ka ike ana mai o na poe piliwaiwai i ko lakou akua, ua hoomaka aku la kekahi mau Pilipino e lele ma ka puka aniani no laua na inoa o J. Torres ame C. Ripito. O ka inoa. hope o keia mau Pilepino, ua Iele pu aku oia me na dala a lakou e piliwaiwai ana. O kekahi mea apiki loa ma ka lele ana a kekahi o keia mau Pilipino oia no ke kokoke ana e haule 'ahi iluna o kekahi o na kanaka nana o ka Papa Ola, e hele ana ma ia wahi no ka nana ana ia mau wahi e like me ko lakou maa mau, ua hoopuiwa loa keia kanaka hana o ka Papa Ola. O ka hopena o ka lele ana o keia mau Pilepino, oia no ka laweia ana aku no ka haukapila i o na poe ulia ma ke keena makai no ke pohopoho a pahonohono ana] maiʻi ko laua mau palapu i kau aku maluna o laua mamuli o ko Iaua lele ana ma ka puka aninai no ka maka'u mai i na makai o noho i kauhale makamaka ole. O ka nui aka o na poe pihiwaiwai, ua pau! lakou i ka hei i ka upena a ka oihana makai a noho ana i kauhale, pela pu no me na Pilipino i lele aku ma ka puka aniani, me ka eha pu hoi ko laua. Makemake he Kepani kuke no ke KuIa o Mills e hele i ke kaua; ua komo aku oia i ka oihana koa. I ka ninau ia ana aku, ina paha he makemake kona e kuke iloko o ka oihana koa, ua hoole mai oia, me ka olelo ana mai he makemake kona e hakaka. No Iapana mai oia, he 14 makahiki o ka noho ana ma Hawaii nei.