Ke Aloha Aina, Volume XXXIV, Number 18, 9 May 1919 — HE HOALOHALOHA NO KA MAKOU LEI ALOHA, MARY KIEKIE HALEMANO. [ARTICLE]

HE HOALOHALOHA NO KA MAKOU LEI ALOHA, MARY KIEKIE HALEMANO.

Mr. Lunahooponopono o Ke Aloha Aina. Aloa oe: E oluolu mai kou ahonui i keia wahi puolo waimaka o ke aloha; o ka makou kaikamahine Mary Kiekie Halemano ua hele loa. A nau hoi ia e uwila aku ma na aekai aloha ou e Hawaii moku o Keawe, i ike mai ai ka nui ohana e noho mai la mai ka la pukaana i haehae a ka weloana o ka la i ka mole olu o Lehua. Auwe luuluu wale e, ua eha i ka [on]a lima ole a ke aloha. Ua wehe mai la i ka pili aloha ana me kona mau kupuna, a niau hookahi aku la ma kona alahele me ka minamina pau ole. Aloha ka la wela o ke kaona kahi au e holoholo ai, aloha no hoi ke one opiopio, o makua a me ke one kani o Kaneana. Ua pau ko oukou ike hou ana ia-[transcription box ends]ia, o Koiahi Home e ua [x]au kona hehihehi hou ana i kou mau papahele aloha. Aloha ia Home huli pono lani au i [transcription box ends] hana hope ai a moe aku la oe i ka moe [transcription box ends] hooilo. Aloha wale, ua hanau ia mai oia mai ka puhaka mai o Caroline Naiwi a me Harry Halemano; he mau kaikamahine mahoe laua, a eia no kona kaikuaana (Caroline) ke ola nei a o Mary kai hala aku ma ke ala hoi ole mai. Ua hanau ia oia ma Puunui i ka M. H. 1913, ma ka la 4 0 Novemaba, a make ma Makua, Aperila 8, 1919. Nolaila, ua waiho iho oia i kaukana luuluu me na kupuna ame na makua, a me ka ohana apau. Ke hoomaikai ae nei au i ka Makua lani, no ka mea, nana no i haawi mai a nana no i lawe aku. E hoomaikai ia oia ma na lani kiekie loa, he malu ma ka honua he aloha i kanaka. Ke noi pu nei au i mana lani nana no e lawe aku i na kaumaha apau mai a makou aku, a ko ae la ka olelo a ka Buke nui; e hoi ka lepo i ka lepo, a o ka uhane, e hoi i ka mea nana i hana. Me ka Lunahooponopono ko makou hoomaikai nui a me na keiki o niu hua kepau ko makou welina hope. O makou iho no me ka luuluu, Mr. J. K. Halemano, Mrs. Kawai Halemano, Mr. Harry Halemano, Mrs. Caroline Halemano, Mr. Peter Andrews Makua, Aperila 24, 1919.