Ke Aloha Aina Oiaio, Volume I, Number 3, 3 December 1896 — "KUPONO E HOPUIA." [ARTICLE]

"KUPONO E HOPUIA."

Ua laweia mai ia makou na olelo maluna ae no kekahi lalaui olelo ka i puka aku ma ka mua loa o ko kakou alakai wiwo ole. O poe nana keia olelo na ka poe luna o ka Ahahui Aloha Aina ole wale. Ua heluhelu hou makou, a aohe o makou ike iki e kue aku ana i ke Aupuni Repubalika ma ke ano oolea ka olelo paipai kaua paha, a hoalaala i na manao e kipi aku. Ma ka nupepa Star o ke nei. na Kaulia ponoi ia olelo e ano koi aku ana i ke Aupuni e hopuia makou, me ka olelo iho e hoola hou ana makou i ke Aupuni Moi a nolaila hopuia. E nana pono mai e ka lehulehu i keia. Eia wale no ka makou olelo ma ua helu la, "E kakoo ana hoi i Aupuni Moi o ka

lalani alii kiekie o Hawaii nei ka Moi, a o Hawaii nei no iia Hawaii Oiwi." O ka mea kahaha loa keia o ka puiwa ana o kahi kanaka i kaena i ke aloha alii nana e paipai nei e hopu mai ke Aupuni ia makou. Ina io o ia nei ma kahi o ke Aupuni aohe Ahahui Aloha Aina e ku, oiai, he kue ia i ke Anpuni Repubalika a me kona kahua. No ia mea e pono e kapaia keia Peresidena o ka ahahui ole wale ma ke aloha aina, o "Muhee hololua." Ina e noonoo pono ia ka makou olelo, alaila, ua loaa no ka mauao e kakoo ma ka olelo oia ke ano aupuni kupono no Hawaii nei e lokahi like ai kakou; aole hoi o ka olelo ino wale aku no i ka poe e noho nei ma ka mana mamuli o ka hemahema me ka hawawa o ka poe e hookele ana i ke Aupuni Moi mamua. A ina paha i olelo makou e kukuluia ke Aupuni Moi, ina paha ua ahona iki. O ka mea maopopo ia makou, ke uwa aku nei o Kaulia ma e hopu mai ke aupuni ia makou, aka, ua akaaka ke aupuni i ka uwe ana o ka poe hoohe wale e like me keia ke ano. Pehea ka lakou e hawanawana hoopunipuni nei ma ke kua me na olelo hookamani, a "mea a mea hoi ka Moi," pela lakou e ao hewa nei i kalehulehu. Aloha wale ka lahui i ke kauia e na kaula hankae a hookamani.