Ke Aloha Aina Oiaio, Volume I, Number 3, 3 December 1896 — KA AHAHUI ALOHA OIAIO. [ARTICLE]

KA AHAHUI ALOHA OIAIO.

Ua nui na olelo hooiloilo a ka poe hookae hapahaole i ko kakou Ahahui e na Hawaii Aloha Aina Oiaio mai Hawaii a Niihau, e oleio ano ana o nalinali ana ma ke kua me na alelo awa a me na maka keleawe o ka hookamani. Hookahi wale no mea a makou e olelo ae o keia Ahahui Pookela ma ke Aloha, ua ohiia kona mau Luna Nui mai na Hawaii naauao a Aloha Aina Oiaio o ka aina, me ka nana ole ae ma ka ili, oiai, he Ahahui ano Karietiano ko makou, aole he poe hoomanamana me na manao moowini e hookae ana me ke ano ole a lilo he mea akaaka ia. O keia Ahahui no ke Aloha Oiaio i ka aina kona kahua, a i poe naauao io kona mau Pailaka. he poe makea hoi i kona Kuokoa. E malama iho no ika oukou Hui, mai noho a lili wale mai. "E nihi ka hele ana ika uka o Puna." E Onipaa ke Aloha i ka Aina.