Ke Au Hou, Volume I, Number 11, 13 July 1910 — Huhewa ke Aloha o Hoole Waiona Lehelehe! [ARTICLE]

Huhewa ke Aloha o Hoole Waiona Lehelehe!

Ma na hana a hoole waiona i na la i haia ae, ua ikeia ko lakou hookumu ana i ka lakou mau hana maloko o ka Luakini o Kawaiahao. He luakini keia i kukuluia e na kanaka Hawaii ame na Alii, i na la i hala wale aku'la. Me ke kaumaha i kukuluia ai, me ka luhi, ame ka hoomanawanui. Ma ka palapala haawi a Kamehamelia 111 ame Kekauluohi i ka aina e ku'la keia Luakini, ua oleloia, ua haawiia no na hoahanau oia Ekalesia, a, aole kuleana o kekahi poe e aku, ma ka hooponopono ana. Maikai keia mau bana a kela mau Alii i hala wale aku la, a he hoomaikai aku ko keia au. E ike mai nae kakou e na makamaka heluhelu o ke poo o keia Ekalesia, he hoole waiona, a eia kekahi 0 kona mau hoahanau ke kakoo nui nei ia Wule, ka mea i makemake e pani i ka puka o mua, a e hoohamama no nae i ka puka o hope, aka, i ka wa i loaa ai he hana no ke pena hou ana i ka pa hao o keia Luakini, aole loa i kiiia aku kekahi o kona mau lioahanau ilihune, aka, kiiia aku la na haole Luakini, a o na wahi pahu poi hoi a na hoahanau, waiho pala ai oleia iho la. Ma keia mau hana kakou e ike mai ai e ka Lahui i ka epaepa maoli no o keia mau hana a na poe hoole waiona e noho poo ana maluna o kekahi kulana liiki ke hoike mai i ko lakou aloha ia oe e ke kanaka Hawaii. Malia paha he nele io no hoi ia Lukini, aole makou e hoole aku ana ia mea, aka, e hoomanao iho, ia oe e hoole waiona e olelo mau mai ana i kou aloha i ka Lahui Hawaii, e pono oe e hana mai i na hana aloha io i ka Lahui 1 hooliloia i malihini maluna o kona aina hanau. Ua koi mai na hui mahiko i limahana nolakou, a i ka manawa i laweia mai ai na Lukini no ia hana, aole i hana aku la ilaila, aka, kii mai la i kahi hana hiki i ke kanaka Hawaii. Na ke kanaka Hawaii ke kala e lulu mau nei no ka malama ana 1 ka pa o ko lakou Luakini, aka, ia oe nae e hoole waiona haawiia aku la ka hana ia Lukini, a noho ihe la oe e kanaka Hawaii i ka hoka. O ka leo kanikau aloha nae ka kakou e lohe mau nei i keia mau la, mea ae no i ke aloha i ke kanaka Hawaii, mea iho no i ke aloha» o ka ka waha keia. Ma ka hana nae e ike io ia aku ai ke aloha, he nele ko laila, a kipa aku la i na haole

Lukioi. E hoole waiona aloha hoopunipoiii e! Mai leo nui hou i kou aloha i ke-kanaka Hawaii, ma kou lehelehe wale no ke aloha, ma kau hana he kumakaia oiaio. Kupanaha o na kupanaha, a epaepa no hoi o naepaepa. Me keia mau hana hookamani no nae, e hoike mai ana i na la apau, ke puni aku nei no kekalii poe kanaka Hawaii, ke knwiliwili pu mai nei no i keia mau.la, ke kunou aku kunou niai nei no. Ke loheia aku nei no na leo kokua, o oiowalu like ana mai ia poe mai. Me ka heluhelu iho no ka i ka Puke Nui,o ka ike ole iho la no ia i keia mau olelo: "Ma ka haiia a ke kanaka e ikeia aku ai kona ano." Ma keia mau olelo e ike ana kakou, o ke ano o ka hana ka kakou e nana, aole o ka olelo. E na hoahanau o Kawaiahao, no ka ona o oukou ke kumu i loaa ole ai ka hana pena pa ia oukou? Na waiona paha ia nele ou la? Ke olelo mau mai nei o hoole waiona no ka ona o ke kana* ka Hawaii ke kumu loaa ole o ka hana, a manao a'e la hoi au, oia ka paha ke kumu i hawaiia ai o ka hana ia Lukini, a hoonele ia oe? JOHN. H. WISE. ; ♦♦♦ ' \Vasinetona lune 29: He poloai kai loaa ae ike aupuni mai Bluefields ae e ake ana e hoopau ia ke kaua ma waena o na koa o Pereaidena Madix o Niearagua ame ko Kenelala Estrado. Kanasaa īune 29: Ua uwalo aku nei o Kauka Hyde i pauma ai i ka laau make ia Thoms Swape 7 he ona miliona oia e hookuu mai iaia mai na hoomalu ana a ke aupuni, ua hoole ia mai. Kikako lune 29: Ua like ole ka noonoo o na Kiure mahope iho 6 ko lakou hoolohe ana i na olelo ike o kela hihia kipe ia Senetoa Lorimear,he 8 ma ka aoao ahewa, a o ke koena iho ma ka aoie. Wasinetona lune 27: He $1,027,133,446, ka nui a ka keia ahaolelo iho la i hookaawaie ai a ua like hoi ia me $15,207,909 dala ka oi aku mamua oka kela Ahaolelo aku nei no na hooliio. Korea lune 27: Ma na kahoaka e ike ia aku nei me he ala, e lilo aku ana o Korea i Panalaau no lapana, oiai no nae ke paa ia nei no o Korea e lapana, aka, ma ka noonoo o ko lapana aha kuhina e lajre nei ia keehina. Ke hoopu mai la hoi o Butia.