Ke Au Hou, Volume I, Number 13, 27 July 1910 — Ke Kaili Mana Koho o ka Lahui Hawaii! E NA PUA O HAWAII, E MAKAALA I KOU PONO! MAI PUNI I NA HANA AHELE A HOOLE WAIONA MA!!! [ARTICLE]

Ke Kaili Mana Koho o ka Lahui Hawaii! E NA PUA O HAWAII, E MAKAALA I KOU PONO! MAI PUNI I NA HANA AHELE A HOOLE WAIONA MA!!!

E na mana koho mai Na La Hiki a ka La Kau 0 ke Teritore o Hawaii, e nana mai me ka hoonaauao nui ana ia kakou apau maluna o keia Ninau Waiona. Eia o D. Kalauokalani, Bila Waita, J. H. Mahuka, C. K. Kealoha, Simeon Nawaa, J. K. Nakookoo ame ka nuio na Hawaii i ku aela ma ka aoao Hoole Waiona. Ke olelo nei, aole he anoano Aupuni Komisina iloko o keia Ninau Waiona; a ke a'o mai nei ia kakou i ka lehulehu e kakoo nui aku ia lakou ame na Alakai Hoole Waiona, o ka aoao a lakou e ku nei. Ua hoike mau aku o Ke Au Hou imua o oukou 1 kana mau alakai ana i mea no kakou apau e ike ai, a ua ha'i mau aku no hoi i ka hopena awaawa e loaa ana ia kakou ke puni aku kakou i keia mau alakai naaupo ana a Hoole Waiona ma, a ke hooia mau aku nei, e hoea mai ana ke kulana Aupuni Komisir- ke ko keia mau kumu alakai hana a Hoole \\ sona ma e hana nei. Nolai; . e Ilawaii a ke Aloha Nui i hoopunāna mau ai e hoomanao mau i keia a hiki i kou koho ana i kau balota ma ka la 26 o keia mahina,a e koho elike me keia: AOLE [ X ] i mea hoike aku i ko keia Ao, aole o Hawaii Lahui e hiki ke alakai hewa houia e Hoole Waiona Alakai ma, no ke kukulu ana i Aupuni Komisina. E Ilawaii Lahui. Eia na olelo maopopo loa a ka Elele Lahui J. K. Kalanianaole i olelo ai imua o ke Komite o na Teritore ame Poto Riko o ka Ahaolelo Lahui, a he mau olelo hoi e hoike aku āna ia Amerika, ia John G. Wule, ia L. A. Kakina ame na Hoole Waiona piliwalea ia Hawaii Lahui, ua makemakeia ka hoonoho ana i Aupuni Komisina ma Hawaii nei, ma o ka laweia ana ae ō kou mana kōho balota e Hawaii Lahui, a oia mau olelo a ka Elele i olelo ai, eia no ia. "O ka Lawk ana o ka Ahaolelo Lahui e Noonoo Maluna o Keia Ninau Waiona me ka Waiho ole aku na na Mana .Koho o Hawaii e Koho Maluna o Keia Ninau, he Hoao Maoli ana no ia e Lawe ae i ka Mana Koho o na Poe Koho o Hawaii Teritore." Nolaila, auhea mai kakou e na mana koho 0 Hawaii Teritore. O keia ae la na Olelo a ka Elele Alii a kakou i olelp ai imua o kela Komite o ka Ahaolelo Lahui ma ka wa a John G. Wule e hooikaika nui aku

ana e holo kana hana imua o ka Ahaolelo Lahui; a me he la na keia mau olelo a ka Elele ame kona hoi ole ana mai nei e kakoo ia Wule ma ma keia ninau, i hooulu ae i na olelo i oleloia maloko o ka Avalakaika (o keia ka nupepa a L. A. Kakina) o ka Poaono nei, lulai 16, e olelo ana, he oi aku ka pono e kohoia o Mota Kamika (Peresidena o ka Papa Ola) i Elele Repubalika no keia kau. E D. Kalauokalani ma e» eia ka ka Elelemau olelo la no na mea e pili ana i keia Ninau Hoole Waiona, a oukou hoi e hoomakapo nui nei i.ka Lahui mamuli o ka oukou mau a'o ana. E Bila Waita ma e, eia na olelo a ka Elele e pili ana no keia Ninau Hoole Waiona a oukou e hoole naaupo nei, aole he lawe mana koho o keia hana a oukou e a'o hewa mau nei i ka Lahui. E J. H. Mahuka ma*e, aole anei o ka laweia ana aku nei o keia ninau i Amerika me ko Wule hooikaika ana ma Amerika e hana mai, he lawe ana ia iko kakou mana koho mai ia kakou aku ma o keia ninau la? E C. K. Kealoha ma e, aole anei o ka onouia ana aku nei na Amerika e hana mai.no Hawaii nei ma keia ninau, oia ka anoano mua loa o ka lawe mana koho balota a anoano mua loa o ke kulana Aupuni Komisina no Hawaii? E Simeon Nawaa ma e, o ka ka Elele Kalanianaole i olelo ai imua o ke Komite, elike ae la me keia maluna ae, a o ka oukou hoole lalau « alakai hewa i ka Lahui o ka wai kai lalau no Kfti poino o Hawaii Lahui? EJ. K. Nakookoo ma.e, o ka ka Elele Kata> nianaole i hana mai la maluna o elua wale no ninau oia o "hookapu hana" ame "hookapu kuai" ao ka oukou ma ka paku'i a hookomo pu aoa mai ia "Aole hookomo mai" me ka hoohiki pu ana ma ka inoa oke Akua me ko oukou ike no» aoie mea oia ano i hanaia mai nei e ka Ahaolelo Lahui, o ka wai ka hoohiki hookapuhi lahui? E na kuhikuhi-puuone a Parao ke'lii kakauha o Aigupita, e hana i ka pono no kakou Hawaii kakaikahi e koe nei o keia mau la. E Hawaii Lahui. E ka hoonulao ana i keia mau olelo a he kaili mana koho keia mau Wule ma, a e hoike i kou aloha ia oe Hawaii LahuUWl ke koho ana NO t AOLE, [X] ma ka ?a 26 e hiki mai ana. O keia ka pono ame ke ola apau.