Ke Au Hou, Volume I, Number 27, 2 November 1910 — O ka Hoopae Limahana ka Manaolana o Hawaii Lahui! [ARTICLE]

O ka Hoopae Limahana ka Manaolana o Hawaii Lahui!

Ma ka nana ana iho i ka nui o na poe koho paloka o keia Teritori ame ka puunaue ana i na lahui like ole o 'loko oia heluna, e ike ana kakou ke pii mahuahua ae nei na Pukiki, na Haole, na Pake ame na Kepani, oiai nae he uuku wale no ka pii ana o na kanaka Hawaii. Ma ka nana ana aku hoi i ka heluna o na keiki Kepani e pii mai nei ma na kula, ua hiki ke ikeia aku iloko o na makahiki helu wale no i koe, e lilo ana ka mana koho paloka o keiamau Paeaina iloko oka lima o larpafta. Aole keia he ninau hoopaapaa na kakou, ua ike pono ia keia kulana kupilikii oka aina, a o ka hana a ka poe naauao, aole o ka hoao ana e a'o mai i na mea hoopunipuni, aka, o ke a'o mai i na mea e ikeia aku ai aia io he alanui e pau ai keia pilikia. Aole ka lahui Hawaii he lahui naaupo, aole loa, he lahui naauao keia, a e lawe ana no lakou ina a'o uiaikai ana, a e hoolei ana hoi ina mea epaepa. Ia kakou e hoomaopopo iho ai i keia kulana pii o ka heluna o na Kepani, he mea pono na kakou e imi aku i mea e pau ai keia pilikia. I keia manawa, aole komo hou mai o na Kepani, aole nohoi he komo mai o na Pake, aka, oka lakou mau keiki, ua oi ae ka nui mamua o na keiki a na lahui e ae e noho nei ma Hawaii nei. Ke hiki mai ika manawa e oo ai keia mau keiki Asia, e lilo ana ka hooponopono aupuni ana ia lakou, elike no hoi me ka lilo ana ia kakou e na Hawaii i keia mau la, oiai o kakou ka hapanui o ka poe koho paloka. He mea makehewa ko kakou hoole ana i keia mea, e lilo io aku ana no ka hooponopono aupuni i na Asia. Ma ko kakou aoao, e ninau iho kakou, e waiho anei kakou i keia mana e lilo aku ia hai a i ole e huli paha kakou i alanui e loaa hou mai ai o ke kokua a kainau aku ko kakou noho mana ana maluna o ka aina o ko kakou maii kupuna? Ma ka aoao kalaiaina a

na Demkalaka, ke koi mai nei lakou e wailio malie kakou. Ma ke alakai ana hoi a na Lepupalika ke koi mai nei lakou e oni a e hoomau i ka hoopae ana mai i na kanaka i like ka noonoo me na Amelika, i mau ai ka noho mana ana o ka poe Amelika maluna o Hawaii nei. He ninau ano nui keia, ma ka nana ana i ko kakou mana koho ame ka mana hooponopono aupuni. Ua kamaaina kakou aole loa o Amelika e ae ana e lilo ka hooponopono aupuni ana i na Kepani, ke hoea mai ka manawa e kokoke aku ai e lilo, e komo rafci ana o Amelika a lawe ae i ka mana hooponopono aupuni mai na Kepani ae, a i ka lawe ana o Amelika i keia mana, aole o na Kepani wale no ke nele ana, aka, o kakou na Hawaii kekahi e nele pu ana. He ninau hoopaapaa ole keia. Ina o ka haawina io keia e loaa mai ana ia kakou na Hawaii, alaila, heaha ka kakou e hana a.i? Ke koi mai nei na Demokalaka e ku malie kakou. Ke koi mai nei na Lepupalika, e hoopae mai i inau limahana ili keokeo i like ai me ko Amelika poe. 0 keia na hana a keia mau aoao kalaiaina e a'o mai nei. Ma ke koi a na Demokalaka e ku malie kakou, ua hiki ia kakou e ike aku, aole ke arlanui e puka aku ai mai keia pilikia e poi pu mai nei. I ka manawa o kekahi kanaka e nalowale ai, aole o ke ku i kahi hookahi ka mea e hemo aku ai mai na pilikia, aka, o ka hnli ame ka oni ana a e loaa ana no ka palekana. Eia o Amelika ke nana mai nei ia Hawaii nei, a aole loa oia e ae ana e lilo ka hooponopono aupuni ana ia lapana. Ma ka aoao hoi o na Lepupalika, ke koi mai nei lakou e kiiia aku i mau limahana o Eulopa, he lahui pii o ka uku hana, he lahui hoi i ku like me ka makemake o Amelika, i mea e hoopuipuiia ae ai o na poe i like me lakou, i loaa na koa o ka la hooili kaua, i loaa na

poe koho palaka e mau ai ka hooponopono aupuni iloko o ka lima o na kanaka Amelika. keia mau mea e ike mai ana no kakou e ka lahui, eia io ke alanui e pau ai ko kakou r»au pilikia, ke alanui hoi e mau ai keia mana iloko o ko kakou mau lima. Mai manao kakou e ka Lahui o kakou wale no ka kakou e noonoo, aole pela, aka, e noonoo aku kakou no ka pono o na kanaka Amelika, a ia kakou e hana ai pela e lilo ana kakou i poē Amelika oiaio, a o ka ]oaa ana no ia o ke alanui e pale ia aku ai ke komo ana mai o Amelika e kaili . - " *- aku i ka mana hooponopono aupuni Teritori ana. Ina o keia iho la ke kulana o keia ninau, alaila, e ku nana ana anei kakou eka lahui Hawaii, a i ole e lele aku paha me na nianao maikai a kakoo i ka aoao e waiho mai ana i ke a'o ana ia kakou i mea e pau ae ai o keia pilikia? Ke ku aku nei kou mea kakau a hooia aku o ke alanui e kuhikuhi ia mai nei e na Lepupalika, ke alanui e pau ai keia kupilikii o ka lahui. E hoomanao ena kanaka Hawaii aole o kakou mana e hoopau ae ai iko Amerika makemake e hoopiha ia keia mau Paeaina me na kanaka e lilo aku ana i maU kupa Anielika maikai no keia mua aku. Ke ku nana mai nei o Amelika, me ka makaala e ike aole e lilo aku ka mana hooponopono aupuni ana iloko oka lima o kekahi lahui e aku. Aole keia he mea hunaia, aka, he mea e ike maka ia aku ana. Me keia mau kahoaka o ka manawa e ike makaia aku nei e- kakou, e ninau iho kakou heaha ka kakou hana kupono e hana ai. Ma ko makou aoao ke koi aku nei makou i ka lahui e haawi i ke kakoo ana i ka aoao nana e hoopau ae i keia pilikia, a i ka aoao hoi nana e kuhikuhi mai nei ike alanui e mau ai oka hooponopono iloko o ka lima o ke kanaka Hawaii. Ma ka nana aku oka aoao Lepupalika wale no ka aoao e loaa io ai he kakoo ia ana o ka manaolana o keia lahui. Oka hana ana Detnokalaka, ke a'o mai nei lakou i ka mea e make aku ai ko kakou mau manaolana. E ka lahui Hawaii, imua a kau i ka pua aneane. E pupuu hookahi, e ku ka poohiwi, ka umauma, o ko kakou pae no ka hoi ia ma kela kapa o na poino e hekau mai nei maluna o kakou.