Ke Au Hou, Volume II, Number 7, 15 February 1911 — Ka Huakai Pa-u [ARTICLE]

Ka Huakai Pa-u

E Mahele ia ana ka huakai, o ka pauku hi'u i Kamaki Kuea, a o ke poo i ka Pa-alii, a ka'i ma Moi a Nuuanu a pii a huli ma Beritania a hoea i Punahou, a no ke kahua Alekanedero malaila e hookahakaha ai. Eianakulana: Bana oka U. S. Marina, Bataliona o na koa Marina, Puali Pukaa, Pualikoa Hawaii, Na Haumana Koa o Kamehameha, Bana o Sana Lui, na Kamalii Kula, Bana Pukiki, na Ui Holo Lio-pa-u, na otomobile, na baikikala, na Moiwahine o na mokupuni e alakaiia ana eke Kama'lii Opio David Kalakaua Kawananakoa; no Kauai, —- i —,koloka me ka pa-u waiohia; Oahu, Miss Libby Peek, uhi eleele me ka pa-u melemele; Maui, Miss Becky Copp, uhi eleele nie_pa-u hauliuli; Molokai, Miss Kalama Meyer, uhi omaomao me ka pa-u omaomao ahiehie; Hawaii, Miss Aliee Hattie, uhi melemele me ka pa-u ula pua lehua; Kula Punahou, Hui Ulaula, ame ka huakai o na kaa hoohiwahiwa.