Ke Au Hou, Volume II, Number 8, 22 February 1911 — KA PONO KOHO BALOTA O NA WAHINE O HAWAII NEI [ARTICLE]

KA PONO KOHO BALOTA O NA WAHINE O HAWAII NEI

Ua hoopuka ae o Senatoa Kanuka imua o kekahi mea kakau o ka nupepa namu Hoko ma ka la 13. nei, E haawi ana oia i kona kakoo ina he bila kanawai kekahi e waiho ia mai ana iloko o keia Kau Ahaolelo, e haawi ana ika mana koho balota ina wahine. He bila kanawai keia i paheneheneia i na kau Ahaolelo i hala ae nei, aka, no ke aha i haawi ole ia aku ai keia pono i na wahine, oiai, ua hoomaopopo ia, he oi loa aku ka manao nui o na wahine i ko lakou mau pono pili paa mamua o kekahi poe kane. Nolaila ke kakoo nei au i ka haawi ia o ka mana koho balota ina wahine. He manaoio ko'u ma ka ae ia o na wahine e koho balota, e ike ia ana kekahi mau kulana maemae oka lawelawe ia ana o na hana kalaiaina.