Ke Au Hou, Volume II, Number 10, 8 March 1911 — KUU MAU MAKUA UA HALA. [ARTICLE]

KUU MAU MAKUA UA HALA.

Mr. Lunahooponopono o Ke Au Hou, Aloha oe:— E oluolu oe e hookomo iho i keia mau lalani manao e kau ae la maluna ma kekahi walii kaawale o kau wahaolelo, i loho mai ai na hoaloha ame ka ohana ma kela pe'a ame keia pe'a o ka aina. Ma ke kakahiaka o ka la 24 o ka mahina i hala aku la i kipa aku ai ka anela o ka make ma Kewalo, Honolulu, a lawe aku la i ke kino puanuanu o ku'u makuahine Mrs.M. Alohikea, a haalele ilio la ia makou na keiki ame ka ohana e auamo aku i ka ukana luuluu he waimaka. He makuahine aloha ia makou na keiki, a he makuahine hoomanawanui i na inea ame ka hune o keia ola honua ana. Ke haawl aku nei au i ko'u mahalo piha i ka ahahui Poola o na Kane ame na wahine i ka hoo lewa ana aku i ke kino lehu o ku'u makuahine me ka hanohano ame ka eehia, a nalo aku la ma ka pa ilina ma Kawaiahao i ka la 26. Ma ia la no i nalo aku ai ku'u makuahine

aloha, ua hoohikilele ia a'e ko'u noonoo i ku'u makuakane aloha Mr. W. E. Alohikea i hala aku ma ia alahele hookahi, a ko iho la ka olelo a ka Buke nui penei: "E hele mai ana ke keiki a ke kanaka me he aihue ala i ka po." Ua loaa aku keia make mainoino i ku'u mau makua, mamuli o ka ike a na kauka, ua loaa laua ika ma'i Kolela. Aole au i ike ike kino lehu o ku'u makuakane. Ua hala aku la o Mr. ame Mrs. Alohikea i ke ala hoi ole mai. Ua hala aku la ka makua, a mehameha ka hale e kipa mai ai ka ohana i neia aina malihini. Me na keiki o ka papa pa'i ko'u welina nui S. K. Kuale Peleula, Honolulu, Mar. 1, 1911. Ma ka Poaha nei i kau aku ai o lunakanawai Limer he hoopai o $107 maluna o Mrs. Miyao, he wahine Kepani, no ke khai waiona laikini ole i na koa o Leilehua, a me ka hoomalu pu ia no 13 mahina. Kela, guru no. Maitai.