Ke Au Hou, Volume II, Number 13, 29 March 1911 — Na Hunahuna Like Ole [ARTICLE]

Na Hunahuna Like Ole

Ma ka Mauna Kea o ka Poaono i ku mai ai o Senetoa David Baker o na Kona me kana aliiwahine ame ka laua kamalei uuku. Ua hoohauoli loa ia na Solona oka Hale me na uwa leo ma ka Poaono neino ke eo anaiaHon. Kakela ka inoa moho paani popo upena. He nui ka ike o keia Solona i ka hana walea malie i ka popo. Ma ka Poaono nei i pauaho mai ai o Mary Hipa i keia ola ana ma Kalihikai, i ke 72 o kona mau makahiki. Oia ka luaui makuahine o ko makou hoaloha David Kupihea ame Lulu Kupihea kona kaikuahine. Pale ka ike ana ia makuahine—aloha no. Ua hoikeike ae he Nipona ma Asahi Keaka i ka po Poaono, Mar. 25 nei, ma ka moe ana a kau iho he pou iluna o ke kani-ai, he 4 Kepani ma na poo e kaomi ai ilalo. Aka nae, aole i palahe ka a-i oka Nipona, oka pou kai ha'i pu. Ua oleloia ina aole i ha'i ka pou, ua hiki no i kela Nipona ke oni a hemo, me ka wili ia o ka a-i a palahalaha kohu papa-hole.

Ke kuai ia nei na palapa,la aina o Honoluu nei no ka $2, ma kahi o Arleigh e loaa ai. I keia Poaono ae ka la mua o Aperila Full. Pay in full your bi)l. Ma ka Lauline i kau aku ai o Lunakanawai Dole me ka wahine no Amenka a hala loa no Europa, no 6 mahina e hele hoomaha ai. Ua loaa mai nei he leta ianei mai a Kaai mai, e kauoha mai ana ia Ester Kapuaahiwalani e holo aku no Auseteralia ma ka mokuahi mua e loaa ana. Ua holo i ka heluhelu ekolu ka Bila Senate e. haawi ana i na lunakiai ka mana e wehe i na hale hoikeike kii onioni i ke Sabati. He $700 kumukuai o ka aina ame ka hale tna alanui Kawaiahao, ahe mau laau hua ai ono ko luna. Ua makemakeia i kaikamahine o 17 a 20 makahiki e Mrs. J. D-. Dole, ma alanui Wyllie, i mea malama keiki. Uku maikai. Eia hou nei hoomana hoeepa moe papahele ma alanui Alakea e malama nei i na halawai i keia mau ahiahi. He 4 wahine aposetolo ame 3 kane, a he 3 mau kaikamahine diakona kiai puka.