Ke Au Hou, Volume II, Number 16, 19 April 1911 — OLA KINI O KAILUA I KA I'A NUI HE "PALAOA PAE." [ARTICLE]

OLA KINI O KAILUA I KA I'A NUI HE "PALAOA PAE."

I kahi la kalae o keia mau pule aku la, ua pae mai Ia he kohola kino nui puipui ma Kailua nei ma ka lae o Alaala ma ka huli makani, me he la i kipa mai no ka honi ana i ke onaona lau "lipoa o Oneawa, a loaa aku la i na poe lawaia ua ili i ka hapapa. Ua pau aku na kane, na wahine ame na keiki no ke ka'ipuu ana i na poke io momona, a iloko no o ke kai ua pau ika lole a maemae, o kekahi mau poke i'o kelekele ua laweia e hanaii na Kepani me na Pake, ua loaa he 20 dala ma ke kuai ana ia lakou. Oke koena iho ona poke i'o ua hiu ia i ke kupa me ka palai, a he ono hoi kau me ka miki poi. Ina pela hou mai ua i'a nui hou, ai ono loa ko Kailua mau kini, pohekeheke maikai kikala. Hemo. Me ke aloha nui i ke Kapena ame naalii kipakipa o Ke Au Hou, ke kaomi malie nei ka peni hulu koloa a ke keiki o Kapaa i ka uhiwai,—Mahalo nui loa. Kiu Hanu Mba Hou. Waipii-o-Oneawa, Kailua, Oahu, Apr. 14, 1911. Ua hookapu ae ka Papa Ola i ka poi, na hua ai ame na lau mea ai o Manoa, aole e lawe ia mai no ke kuai ana, a ua kapu pu nohoi ka lawaia ana ma na kai ame ka auau ana ina kahawai. E hoolohe i keia e na Hawaii. a haliu aku na m*k* {Kon» aloh*.