Ke Au Hou, Volume II, Number 16, 19 April 1911 — POHA HOU KA MA'I LUKU KORELA [ARTICLE]

POHA HOU KA MA'I LUKU KORELA

Ua lilo ka puka liou ana o ka ma'i korela ma ka pule i hala mawaena o na Hawaii i mea hoopioloke i ka lehulehu, oia ka make ana o Kaapana ma alanui Puowaina me Moiwahine, i ka Poalua i hala, i oleloia e ka Papa Ola no k» ai ana i ka poi i loaa mai ke kalo mai o Manea, a nolaila, ua hookapuia na Pake hana poi. I kakahiaka Poaono nei, ua make iho la o Kalimahana no Kewalo, ame D. Kahoano maKakaako i ka poi no o Manoa, aka, ua olelo ae ka ohana no Kalihi ka poi, oiai, ua hookapu mua ia na Pake. No keia kuhikuhi mau ia oke kōrela no ke taro, ua nui ke kue o na kauka a haa lele ke Kauka Munisipala, a pela aku paha auanei ko ka Papa Ola ke loleloleia mai e na Solona. E pono paha ika Papa Ola ka hooponopono o ka poi, i ole e nuha a kuee. E manaoio anei kakou, ina e hoomo'aia ke kalo i ka niahu no kekahi mau hora, aole anei e make ka iloilo ma'i korela? •