Ke Au Hou, Volume II, Number 17, 26 April 1911 — KO KAKOU AHAOLELO [ARTICLE]

KO KAKOU AHAOLELO

Ua pau keia Ahaolelo me ka lakou mau hana hoouluhua ik a lehulehu, o kekahi fk> na mea pili i ka hookapu poi a ka Papa Ola, a o kekahi no na hoonui lilo .ame ke ku a-kii o Honolulu nei i kai o Pakaka e hoohakaka ai. Ua olelo ae kekahi poe e lilo ana keia i mea hoomake lio i keia kau ae, e aho ke koho ana ia Pakaka i Lunamakaainana, i ke kii o Kamehameha i Senatoa. No makou iho, ke haawi nei makou i na mahalo nui i ka Lunahoomalu Holstein no kona makaala i ka pono o ka lehulehu ame ka hanohano o ka poe nana oia i koho, ma ke kaupale ana i na hana epa a hoohilahila mai ka Ahaolelo aku.