Ke Au Hou, Volume II, Number 17, 26 April 1911 — KA MOKUKAUA LUU-KAI O AMERIKA [ARTICLE]

KA MOKUKAUA LUU-KAI O AMERIKA

Wasinesona, Apr. 7—Ma ka la 9 o Feberuari i hala i hoolanaia ai ke "Sila," ka mokukaua luukai 0 Ameiika i hanaia e ka Hui Kapili Moku Topido o Lake. He 161 kapuai kfcnaloa, he 535 tona kaumaha, a he 16 nota holo i ka hora, e lawe ana he 6 mau waa topido ame 20 kanaka. He maū huila nome kona malalo pono ae o ka papa-kikala me kekahi kano hao kila manoanoa e umii ana i ka iwi-kaele, a oia ka mea nana e hoemi ka moku a hoea ika papaku hohonu o ka moana, ma o ka hoohana ana ala ana mikini aila-ea (gasoline). O ka ea iloko o ka moku, uā lawa ia no 48 hora a na kanaka e hanu ai me ka noho ana ilalo o ka ilikai, a pela nohoi me na lako ai. Iloko ona wa kaua, na h.iki iaia ke luu ilalo a olepe ae i na kikala pepeekue o na moku nunui me ka anai topido ana ma kahi o ka huila e niniu ai a puehu liilii iloko o ka lewa. E hoau ia ane. keia moku Sila ume ma keia mua koke iho e Kapena Lake ame Lutanela Whiling, ma ka luu ana i ke kowa o Nu loka a hoea i ke awa ehuehu kai o Brigfeport, a luu aholoa hou ae ma ia mau lihikai oka Atelanika. Luu a ea, luu a ea, puka i Waikoloa. Ua hookapu loa ia ka ike ana o ka lehulehu i na mea paahana i hanaia ai o keia moku. Ea, ke oni nei o Ameiika, pehea oe e lapana? Ua hooka'ulua ia ka Moolelo ohohia nuiia o Ka-Miki a keia oili hou ana aku. Pekina, Kina, he mau haneri ka nui o na Pake i paa i ka hopuia no ka. ohumu e hookahuli i ke "aupuni a e kipi ika Kmepeia Opio. He nui na luna aupuni i mihi no ko lakou komo pu ma ka hoolala ana i nei mau hana kipi.