Ke Au Hou, Volume II, Number 18, 3 May 1911 — Na Kuhinia o ke Kalana [ARTICLE]

Na Kuhinia o ke Kalana

0 keia ka hope oka makou moolelo Ahaolelo, a ma ke Kanawai ka makou hoonui no ka pomaikai o na pofe heluhelu. Ua kukuluia he mau pou paipu wai hou no na kaa hoauau alanui ma alanui Waialae a hiki i Avenue 12. He maka'u ia ka wai kai ke hoohainu i nei alanui o loaa i ke korela. Mai Hilo mai ka poi a na Pake o Honolulu nei ma ka Mauna Kea o ka Poaono i hala, aole i elua hora oka puehu no ia. Ina hou aku no ma ka Mauna Loa o na Kona. Mamuli o ka make ana o ka wahine a P. L. JoneB kekahi o na poo alakai o ka oihana Kalepa 0 Honolulu nei, ua paniku hapa la ae na kula o Punahou ma ka Poalima nei no ka hoomanao ana ia makuahine. Aloha no. He mau haneri poe o na huina alanui ma ka po Poaono nei i ikemaka i ka hoku lupita Imoimo ma ka huli hikina e hoomaka ana ma ka hora 8 o ke ahiahi, oi nana aku a laau ka a-i, i ka pio iho a owaka hou ae. He ōnohi uwe paha keia? Ua hoopuka ae ka Papa Hoonaauao i ka lakou olelo hooholo no ka pili ole oka hewa i na kumukula nuha o Hilo, a e hoololi ana i mau kumua'o ao kahi mau kula okoa aku. Aka, ua lawe ae ke kiure nui i keia hihia no ka niele ana ma nei mua koke iho. Ma ka huakai a ke Kamaliiwahine Kawananakoa i ka Poni oka Moi Keoki o Enelani ma ka la 22 ae nei o lune, ua hooleia ae ka liolo pu ana o kona wahine haole ukali Mrs. Kate Henry, mamuli o ka ae ole o kana kane. Aole nae i maopopo ko Kate manao hoohihi e ike i ka Poni Moi. 0 ka hoolilo o ke Senate no 60 la hana, he $20,9/0.25) ko ka Hale, he $35,0X8.16j koena dala 1 koe no ke Teritore me Federala, lie $13,020.75. Hoike o na lilo pa'i hila o ka Hale $1,308.50; Senate $2,044.00. Oka hapanui o keia mau hoolilo pa'i no na hoololi kanawai, ua like ia me ka pa-lua ana i ka lilo o ka bila hookahi, mai ke a'i ana, unuhi aaa, a pola aku,

Eiā o K. Yamamoto ke hoau nei i kona hale wili raiki nui mo na mikini ano hou, aia malaila e hoomaemae ia ai na hua raiki Tengu nuaui o lapana e kanuianei maanei. 0 ka la 19 ae nei ka wa i manaoia ai 110 ka holo ana aku o ko Honolulu nei mau olohe kiniPopo peki-peki wawae no ka hoao ana nie na keiki olali o ke awawa olao. Nawai ana la ka eha? naue e ike ia Eeoki Iwaiwa ma ka Ban- » zai Saloon ma alanui Hotele, poo mauka o alanui Kekaulike, malaila e loaa ai na waiona helu ekahi ame na waina maikai. He mau pa mea ai pumehana ko na awakea apau. Ua waiho ae ka loio Amerika he palapala hopu no Keaka Robata no ka mare pa-lua, a ua hookuuia ma ka bona.o $1,500. Ua mare oia ia Mary Jane i lulai 15,1910, anfe ke oki ole, ua mare hou ia Fery La Caste i lanuari 14,1911. Ua manao ka papa lunakiai e paniku i kahi malaina lio rae na kaa aupuni o ka Apana Elima a i Kakaako wale no. E hoopau pu ia ana mau luna alanui, oia o Kahai me loane. No Alapai, aole i maopopo i keia wa. Ua hoomaha ka hana o ke kao eli awa o Kou nei a ka 25 ae nei o lulai, no ke kokua ana i kela kao nui inu wai e hoonuu mai nei i ka lepo o Puuloa. E pupuahulu ana keia i hohonu koke ke awa o na alamihi aumoana o Aiuenka e hoolulu ai. Ma ke aumoe Poaono i hala mawaena o ka hora 1 a hora 3 i komo aihue ia ai ka halekuai o Sachs ma alanui Papu me Beritania a palamimo aku la ia $21. Ua manaoia, he keiki ua kamaaina ka mea nana neia kolohe, ma o ke komo ana ma kekahi puka uuku o ke aniani i wawahi ia. Aole i loaa ke kolohe. He Pukiki elemakule maka poa'ea'e kai hoopioloke ae i kona ohana ma Puowaina i ka Poalima i hal;i, oia ō Atoni Vicente. No kekahi mau makahiki loihi aole oia i puka iki mawaho o k;i pa, a i nei oili ana ua auwana naaupo loa oia a hoea i Koko, a loaa aku e ana ilaila ■* ane&ne elua la me ka ai ole,