Ke Au Hou, Volume II, Number 20, 17 May 1911 — He Akua Hemolele [ARTICLE]

He Akua Hemolele

O na mamala-olelo maluna. ae oia no ka lalani mua o ka Himeni 8 o ka Buke Himeni Haipule Hawaii o ko kakou mau Ekalesia a i paanaau hoi i na haipule i na makahiki i kaahope aku la. ' 0 ka moolelo oiaio o ka hakuia ana o keia himeni penei noia: Haalele ihola kekahi moku i ke awa o Kou nei e holo ana no Europa me kekahi mau ohua iluna ona, a iwaena oia poe o Elika [Ellis] kekahi he kumu misionari i lawe mai i ka lamaku o ke ola i Hawaii nei, a e hoi ana i ka aina hanau no ka nawaliwali o kona ola kino. 1 ka mokuahi i waena moana mai Hawaii aku nei, ua loaa ihola lakou i ka malie a ka makani ole, a e waihoana ka moana me ka malino maikai. Oiai ka moku e lana la'i ana i ka ilikai, ua pii ae la na ohua iluna e hoonanea'i a e hoomaha ana kekahi poe i ko lakou poluea o ka holo ana a oiai no lakou e lualai ana, ua ikeia akula kekahi moku poino ua hulika waha ilalo, a he mau olulo aukai ke okukuu anailuna o ka iwikaele. Ua hoouna kokeia na waapa e holo aku i kahi o ka moku poino a lawe mai i na poe olulo. I ka waapa i hoi mai ai, me na olulo a hookuuia iluna o ka moku ua lulumi akula na ohua e lululima a e lohe hoi i ke kumu o ko lakou poino ana. Iwaena o ka poe olulo he haole wale no ka nui a hokahi kanaka ano e, a nolaila, ua kamailio na ohua o ka moku me na olelo haole no > ke kumu o ko lakou poino ana a o kekahi ohua o lakou, ua noho mumule wale iho no oia; a no kona hoa kamailio ole, ua ninauia maila oia, no ke aupūni hea la oia? Hoike mai la oia no Hawii au. Ia wa ua kii koke ia aku la o Elika ma ke keena hope o ka moku e hele mai e hoolauna pu meia, a hoike pu ia aku la nohoi ia!%, he kanaka no ka Paeaina o Hawaii kekahi olulo, nolaila ua pii koke maila o Elika a hele maila e laun» pu laua. I kona hui ana me ke kanaka Hawaii, ua haawi akuia oia i ka huaolelo, aloha ma ka olelo a pela i panai wai ai ka olulo, pane

Bou aku la o Elika i na lalani mua o kela Himeni 8— '' He A kua -Hemolele, ■ Ke Akua no kakou. A pane mai la ke kanaka Hawaii: Maikai wale, hewa ole, Pono loa, Ola mau," Pela ihola i hakuia'i ka pauku mua o keia himeni iwaena mo'ana a o na pauku aku i koe na Elika i haku aku. O keia aela ka moolelo o ka hakuia ana o keia himoni. Ē kala mai no ka loaa ole o ka inoa o keia kanaka i ka mea kakau.