Ke Au Hou, Volume II, Number 25, 21 June 1911 — Na Hoakaka Wehewehe Moeuhane I KAKAUIA E KE KILOKILO PETENAGILA [ARTICLE]

Na Hoakaka Wehewehe Moeuhane I KAKAUIA E KE KILOKILO PETENAGILA

OHENANA O ka moeuhane e nana ana oe maloko oka ohenana ma kahi mamao, he hoailona laki ia no ka hoomahuahu» ana aku i kona mau pomaikai. Ina he kanaka mahiai, e holopono ana kana mau mea kanu, ina he kanaka ma ka oihana, e pii ana kana mau hana, ina he kanaka ilihune, e mahuahua ana kana mau keiki, a pelā aku. ULU O ka moeuhane ana ua ike aku oe i kekahi kumulaau i ka ulu ana a nui koke no, he hoailona ia e hana aku ana oe i kekahi hana me ka pupuahulu a mihi oe mahope aku oia manawa. Ina o kekahi o kou ohana kai ulu ae me ka hikiwawe, he hoailona ia no kekahi ulia e loaa ana i kekahi o iakou. lIAU O ka moeuhane e hele ana oe maluna o ka hau, pakika a palaha, he hoailona poino ia ame ka pakalaki. He moe ino loa keia no ka hoalohaloha ana. PALAPALA AINA O ka moeuhane e nana ana oe maluna o ka palapala aina, he hoailona ia no ka hiki mai o kekahi o kou mau hoaloha mai kahi loihi mai. Ina he wahine ka mea nana ka moe, he hoailona e hoi koke mai ana kana kane me ka maopopo mua ole iaia. M ARE O ka moeuhane ana iloko oe o kekahi anaina mare, he hoailona ia no kou hele i ka hoolewa o kekahi mea. Ina ooe ponoi kai mare ia, he hoailona ia no kekahi pilikia e loaa ana ia oe. IPU lIAOLE O ka moeuhane ana ua ike aku oe i ka ipu haole, he hoailona ia no ka laki ame ka hauoli. O ka nui o na anoano eleele iloko o ka ipu, pela ka nui o ka laki pomaikai e loaa ana ia oe. KEKO O ka moeuhane ana ua ike aku oe i keia ano holoholona, he hoailona laki ole ia, a i ole, e hui aku ana oe me kekahi hupo nui. 10 LE O ka moeuhane ana ua ike aku oe i keia ano holoholona, he hoailana ia no ka loaa ia oe o ka aihue ame ka powa e hookokoke mai ana i kou hale.

HOE . O ka moeuhane e holo ana oe maluna oka waapa a nalowale kau mau hoe, he hoailona laki ole ia me ka pilikia e loaa aku ana i kou ohana. Ina i kekahi wahine ka loaa ana o keia moe, he hoailona ia no ka make o kana ipo. OKA Oka moeuhane ana ua ike aku oe i keia hua ai aka lio, he hoailona ia aole i loihi loa aku na la no kau huakai hele ma kekahi wahi. MOANA O ka moeuhane ana aia oe iwaenakonu moana maluna o kekahi moku, he hoailona ia nokou haalele i kau hana mua no kekahi hana hou aku. Ina he wahine ka mea nana ka mde, he hoailona ia no ka loaa iaia he ipo hou. |ULULAAU O ka moeuhane ana aia oe iloko o kekahi ululaau e ulu ia ana e na hua-ai o na ano apau, a ua ai paha oe, he hoailbna ia no kou komo ana iloko o kekahi hana hou, he hooipoipo paha a he hana malu eae paha. Ina he mimino ka hua a popopo, he hoailona laki ole no kou komo ana aku iloko o ka hana me ka poe haahaa loa. He moe ino loa keia no na kaikamahine opio. ' PENA O ka moeuhane e pena ana oe i kou hale, he hoailona ia no ka ma'i iloko o ka ohana, aka, no ka hana, he laki me ka pomaikai ma kau mau lawelawe ana. Ina he mau pena kii ana no kekahi mau wahi kaulana, he hoailona ia no ke pakalaki. ELEMAKULE O ka moeuhane ana ua ike aku oe i kekahi kanaka elemakule, he hoailona ia no ka ulia laki ma ka hana, a no ke kanaka kiekie hoi, he kulana hou kona e pii aku ai. PA-AUPUNI O ka moeuhane ana o ke kanaka mahiai e lawe ia ana kana mau bipi i ka Pa-Aupuni, he hoailona ia no ka mahuahua aku o kana mau holoholona. ALANI O ka moeuhane ana ua ike aku oe i k* me* mele maikai mai o ka alani, he hoailona ia no ka laki ame ka pomaikai. Ina he wahine iloko oka hooipoipo, e mare aku ana oia i kana kane a e loaa ka pomaikai iaia.