Ke Au Hou, Volume III, Number 1, 10 January 1912 — He Moolelo Walohia No Evalina Minela KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA-KA MANA O KE ALOHA [ARTICLE]

He Moolelo Walohia No Evalina Minela

KA UI NOHEA I ALANA IA MAWAENA O NA ALOHA ELUA—KE ALOHA O KA IPO AME KE ALOHA O KA MAKUA-KA MANA O KE ALOHA

MOKUNA VI Na Nuhou o Parīsa—Ka Home Pohai a na Manu Nunu . > "E ke keiki maikai, ua kakali au o kou hiki mai i ka hotele nei i ka hora 7, elike me ka mea a Evalina i hoike aku ai ia oe maloko o ka hale humu lole o Mademosele Blanche. 0 ka hora 7 keia ame 1 minute, nolaila, aole au e kali hou nou. Na ke Akua e hoopakele 1 kou uhane." EYALINA. "Manao anei oe," wahi a Rikeke i ninau aku ai ia Batona, "ke hoike ae nei na huaolelo 0 keia palapala, ma ke ano he mea kino kaawale keia wahine i ikeia e oe me ka aahu Karamela, mai ka wahine virigine leo paa mai hoi? Ma ko'u hoomaopopo ina olelo o keia palapala, o Evalina i ikeia ai e oe ma ka hale humu lole o Mademosele Blanche, oia no ka mea nana i kakau i keia palapala, a oia no ka wahine virigine o ke aloha, au i lohe ai mai ia Kauna de Birene mai, he wahine leo paa ia. Manao au o keia maoli ka mea oiaio, aka,'' — I kela wa i kaha maha mai ai o Batona ia Likeke, ma ka pane ana mai: "Alaila, aia maluna ou ko'u ahewa loa no kou hoolalau ana ia'u, a hiki ole ai ia'u ke hele 1 ka Hotele Dubona, ma ka wa a'u i punihei ai i kau mau olelo, ina ua paa ia'u kela wahine Karamela, a nolaila, e Monsiu Piere, ke nana aku nei au maluna ou me na niaka liiki ole ia'u ke liilinai aku ia oe.'' Me ke kuoo paue aku la ua wahi Likeke nei:

"E noonoo kaua me ke akahele. Ina no e hiki oe i ka hotele Dubona, e manao anei oe e hiki ana ia oe ke hopu a paa kela lede elike me kau e noonoo nei? E hai au ia oe, ina ua hiki i kela wahine ke hoopuhili ia oe ma ka la inehinei maloko o ka hale humu lole o Madeinoaele Blanche, alaila, e manao ana anei oe e lanakila ana oe maluna o ke akamai o kela wahine ke halawai pu oe me ia ma ka»Hotele Dubona? E hai aku au ia oe, ©ke alahele a'u e lawelawe nei i keia wa, oia ka hakilo pono ana i ka hale o Keoki Leone, oia ke alahele mua loa e pono ai ke imi i kahi e loaa ai keia virigine." "He oiaio kau e olelo mai nei e kuu hoa. , Aole no i maopopo ia'u i keia wa, ina no au 1 hoea io i ka hotele Dubona i ka po nei, a huipu me kela virigine, e paa ana paha oia ia'u, aole paha, oiai e hiki ana no paha iaia ke hana mai i na haua e hookae loa ia ai o ko'u noonoo ame ko'u hoomaopopo ana, elike me ko'u hanaia ana maloko o ka hale lole o Mademosele Blanehe. O kekahi nohoi, ina no paha e halawai ana au me keia wahine, aole no ia he mea e hiki ai ia'u ke hoopaa aku i kona kino, 'oiai, aole i loaa mai ia'u kekahi kauoha oia ano. O ka hana hiki ia'u ke hana, oia no ko'u hoike mua ana aku ia Kauna de Birene no ka loaa ana o kana wahine ia'u, a nana ponoi no auanei e kii mai i kana wahine. "A mamua o ka hiki ana ia'u ame Kanna de Birene ke hoea mai i ka hotele ma ka wa pono e loaa ai ia i kana kane, e hala e ana kela i kahi e, nolaila, ua lilo no ko'u ike a halawai

pu ana me ia i niea waiwai ole. Nolaila, ke manaō nei au, ua maikai no kau oleloao i haawi mai ai ia'u i ka po nei, a ke kala piha aku nei au ia oe e Piere, a ma keia hope aku nae, mai hoao hou oe e akeakea mai ia'u ma kekahi hana a'u e lawelawe ana. Ke lana nei ko'u manao o loaa ana ia'u i keia ahiahi, he mau hoike hauoli ana no ka hopena o ka'u hakilo ana maanei nei. "Hai mai nei o Laplaee ia'u, aole o Keoki Leone oka hale. Mai ke ahiahi mai nei kona nalowale ana mai ka hale aku nei. Hai mai nei nohoi o Laplaee ma ka hoike a kekahi kauwa o loko o ka hale, ua kau o Keoki maluna o kekahi kaa e kauoia ana e kekahi mau paa lio ikaika, a o ke alahele a ua kaa nei i holo aku ai, me he mea la, no ka hotele Dubona no ia. O ka manawa, me he mea la 15 minute a kani ana ka hora 7. Ea, aole anei keia o ke kaa a kaua i ike ai ika po nei e holo ae ana ma ke alanui o kahi hotele a kaua e noho ana?" "Manao au, ua pololei kau koho ana mai la. Ua lele ae no ko'u hauli no ua kaa la a kaua i ike ai, aka, aole nae au i hoomaopopo loa i ua manao la i opuopu ae ai iloko o'u ma ia wa.'' I kela wa ku ae la o Batona iluna a haawi aku la i kona aloha ia Likeke, oiai hoi oia i olelo aku ai ia Likeke: "Ke paulele loa nei au maluna ou, a ina makemake oe i dala hou nau, alaila, ua hiki no ia'u ke haawi aku ia oe i 200 hapaha farani hou. Adieu moncher ami, (aloha oe e kuu hoaloha oiaio.") Ma ka wa i hala aku ai o Batona, ua hele awiwi loa aku la o Likeke i ka hale o Keoki Leone ma. "Eia mai he palapala na Monsiu Keoki Leone. E haawi koke aku iaia ma kona wa e hoi mai ai,' 5 wahi a Likeke i pane aku ai imua o ke kanaka malama hale. I lawa no a paa aku ka palapala i ua kanaka lawelawe la, o ko ua wahi Likeko nei huli ae la no ia a hele aku la ma ke alahele ana i manao ai e loaa hou iaia ke kuene o ka hale o Kauua de Birene.

Hoomau aku la ia i ka hele ana a hoea i ka hale inu rama i kapaia ma ka inoa Cafe Delta, me kona manao ole hoi o koaa wahi ia e halawai pu aku ai me ke kanaka ana e huli ana, aka, i kona hoea ana aku nae ma ia hale, aia hoi ike aku la ia ia Laplaee e hele ana i ka hale hotele Ghausse Cli<rnaoourt. o "A-ha," wahi a Likeke i hooho pihoihoi a-e ai iloko iho ona, "e kuhi ana paha oe e nalowale loa aku ana oe mai a'u aku.'' Nana aku la no keia ika hele a ua wahi kanaka nei mamua, oiai nohoi keia i kuoe malie ai mahope aku nei. Ma kahi oko ua kuene nei komo ana aku iloko o ka hale Chausse Clig-na-court, ua kaha loa aku la kana hele ana a komo aku la i kekahi wahi hale inu rama e hele ia ai e ka poe "unu pehi iole,'' oia hoi, e ka poe haahaa loa, a oia nohoi ka poe powa o loko o ke kulanakauhale o Parisa. Ma keia wahi hale i komo aku ai ua kuene nei, a hele aku la no hoi keia mahope. Ma kahi hoi t) ko ia nei komo ana'ku iloko o ua hale la, ua ku iho la no keia mawaho, a nana aku la keia iloko o ka puka aniani. Ike aku la keia ma ka puka aniani i keia mau huaolelo," "Absinthe—Vermouth." Ike aku la ia i ka hele ana aku o ke kanaka ana i uhai-loloa aku ai, i kona heie ana'ku a haawi pakahi aku la i kona lima aloha i kekahi pt>e kanaka e noho ana ma kekahi pakaukau. Mahope iho o keia lulu lima ana naawaena o lakou, ua hele aku la lakou apau a noho iho la ma kekahi wahi pakaukau uuku-ma kekahi aoao o ka rumi. Nana aku la ua wahi Ilikeke nei ina helehelena o ua poe kanaka nei, a hoomaopopo aku la ia he poe puuwai eleele lakou apau. Ua noke iho la ke kuene o ka hale o Kauna de Birene i ke kamailio me ua poe kanaka la no aneane hapaha hora okoa, a mahope iho, ike aku la keia i ka nanao ana iho o ka lima o ua kuene la iloko o ka pakeke o kona lole wawae, a unuhi ae la he mau apana dala gula, a haawi aku la i na kanaka e noho pu ana me ia. "Ua holo ae la ka aelike mawaena o kela poe ame kela kuene," wahi a Kikeke i kamailio ae ai iaia iho, me ka hoomau ana aku nohoi.

"O ka mea pilikia walo no, aole au i ike heaha la ke ano o ka lakou aelike i hooholo mai neil" Ia wa lalau iho la ia i kana walii buke pakeke, a kakau iho la i ka helu o ka hale ame ka inoa o ke alanui. A ma kona wa hoi e hoo iho ana i kana penikala ame kana huke pakeke iloko o kona pakeke, puka mai la o Laplaoe mailoko mai o kalii halo inu rama, a kahea ae la i kekahi kaa. Ma kona wa i kau mai ai iluna o ua kaa la pane mai la ia: "Ilue de Ponthieu" (Alanui o Ponetiu.) I nei wa, hoi aku la ua wahi Kikeke nei no kona home. Ma ka wa i haalele aku ai o Batona ia Rikeke, ua hele pololei loa aku la ia i ka hale o Kauna de Birene, a malaila ia i hoike aku ai i na mea apau imua o ua Eauna nei no ka mea e pili ana i kana wahine, oiahoi, o Kauna-wahine de Birene. Ua hoike aku la oia iaia i kona halawai pu ana me ia maloko o ka hale humu lole o Mader mosela Blanche, kona kuhihewa ana i ua wahine la, he wahiae okoa loa ia mai ka wahine virigine leo-paa a ke Kauna i hai aku ai iaia, kona aneane hoi e halawai hou me ia maloko o ka hotele Dubona, aka, mamuli o kekahi ulia, ua hiki ole oia ilai'a; a o ka hope loa, oia kona hoolimalima ana i kekahi wahi kanaka nona ka inoa o Piere i makaikiu kokua pu iaia ma ka huli ana i ke Kauna-wahine de Birene. I kela wa i pane mai a ike Kauna Birene iaia: "Manao au e hooki oe i kau huli ana, a ua manao au na'u ponoi no e hana aku ia mea. Nolaila, i ka loaa ana o kela wahi kanaka au i hoolimalima ai, e hoopau aku oe iaia i kona hana ana mai nou." Ma keia mau huaolelo, haalele aku la o Laplaee i ua Kauna nei, me ke ano pioloke loa o kona noonoo no kona hoopauia ana mai, aka, he mea makehewa nae iaia ka hoopil;otf}Qi wale ana iho no me ia manao, Ma ia ahiahi iho, ua halawai pu iho la o Rikeke ame Batona, a ike iho la ua wahi Rikeke nei me ka h&uoli nui, ua hoopauia oia mai ka noho lawelawp ana malalo o 13otona, «like

me ka laua i aelike ai raa ka la mamua iho. "Nolaila," wahi a Kikeke i pane mai ai imua o Batona, "ua hookuuia au mai ka nōho lawelawe ana malalo ou; a hehea la na dala au i hoopaa mai ai ma ka la i nehinei; e hoihoi hou aku paha au ia oe ia mau dala?" "Aole—aole," wahi a Batona i pane mai ai me ka hauoli. "E lawe oe ia mau dala nau me ka noonoo hou ole niai ia'u. E hele oe, e kuu hoaloha, me ka manao maikai mai a'u aku.'' A haalele iho lao Hikeke ika makaikiu Batona a hoi aku la no kona hale. Ma kela ahiahi nohoi i huipu ai o Laplaee me ke Kauna Birene, a hoike aku la i kana mau inea apau i hanaai me ka olelo ana aku, iloko o eha la mai ia la aku e hookoia ai kona (ko Kauna Birene) makemake maluna o kona enemi. I kekahi la ae, ua huli hoi mai la o Keoki mai ka home ululaau mai o Ewalina, a hookuene pono loa ae la no hoi ma ka home o kona mau makua. I keia la i huipu ai o Kauna Birene me kekahi o kona mau hoaloha koikoi loa a waiwai loa nohoi o loko o Parisa, oia o Kauna Mafia. A ma keia hui kamailie ana a laua, ua ae mai keia Kauna e lawe i na aie apau o ua Kauna Birene nei iloko o hookahi mahina mai ia la aku. Nolaila, ua malaelae ae la na noonoo kupilikii o ua Kauna de Birene nei i keia wa, a ua hoouna aku la oia he palapala i ka Banako Orange d'Or (Alani Gula) oia hoi ka inoa o ka Banako o Keoki ma, a iloko oia palapala e hoike aku ana ia, iloko o hookahi mahina mai ia la aku e hookaa aku no ia i kona huina aie apau- elikē me ka mea i koiia mai iaia. Nolaila, e kuu makamaka heluhelu, ke ike nei kaua ma keia mahele o ka kaua moolelo walohia, ua hoopau aku o Kaunade Birene i ka noho lawelawe makaikiu ana mai o Batona malalo o kana mau kauoha, a pela hoi i pau ai Ko Rikeke noho ana malalo o Batona—ua hoi mai hoi o Keoki mai ka home kuaaina mai o Ewalina, a eia oia ke noho hou nei ma Parisa—ua lohe hoi ke Kauna mai a Batona aku, ua ikeia o Ewalina, ke Kauna-wahine de Birene maloko o Parisa—ua loaa ka mea nana e hookaa i kona mau aie apau iloko o hoonahi mahina mai ia la aku— ua loaa na kanaka na lakou o hooko i kona make. mako iloko o 1* mai k& 1* i hul pu rI oift kannkupe.