Ke Au Hou, Volume III, Number 2, 17 January 1912 — Moolelo o ka Ekalesia o Iehova Iloko o ke Kino-II Kor. 3:2-3. Ke Aniani Kilohi o ka Uhane KA HANA ANA O KE AKUA I KE AOULI AME KA WAI OLUNA [ARTICLE]

Moolelo o ka Ekalesia o Iehova Iloko o ke Kino-II Kor. 3:2-3.

Ke Aniani Kilohi o ka Uhane

KA HANA ANA O KE AKUA I KE AOULI AME KA WAI OLUNA

Olelo A'o 5. Na Mea Ulu He olohelohe ka honua, ua lako no nae i ka wai nooa e hoopuluia ai. A i aku la ke Akua, E hoopuka ka lepo i na laau liilii uliuli me ko lakou anoaoo, kela mea keia mea elike me kona anoiho, me ka lako i na mea e pono ai a e laha hou ai. Ia wa no, lawe ka aina i kona aahu uliuli, na waena i na mea ai, na mauna i na ululaau 0 keano uliuli me he omaomao ala, he mea oluolu ia i ka nana aku. He mea naniloa na pua me ko lakou lehulehu ana, pela me ko lakou koloka ano e ame ke ala onaona. E mae ana no ia, aka, e loaa ana no mahope na hua a ka waha ame ka puu e ike ai i ka ono. Aia nohoi maloko ko lakou mau anoano no ka laau e ulu hou aku ai ; a i ka waihoia ana o ua anoano ala iloko o ka lepo, o kona ume aku la no ia i kekahi mea me ke pohihihi, i na kulu mua o ka wai ame na lepo kupono iaia, a lilo no i mea i'o i hoopalupaluia, a no ka nui loa ua hamama ae la a ikeia ihola o loko ona, he mau mea ulu hou aia iioko ke make ka anoano mua. Nolaila, e ola ana ka mea ulu hou me ka ai ikaika ana e ume ana, a kokolo aku la ka mole ilalo a pii ke kumu iluna me kona mau kahiko apau, ka lau, lala a pela aku. Nolaila, kii oia i ka wai ame ka lepo momona; a ina he alai pohaku mamua, alaila, e kaapuni ana oia i kahi e loaa ai kona ola, e omo ana oia i ka mea momona kupono iaia, a oia momona hoi lilo ia i wai ponoi no kona kino iho, a o ia wai hoi lilo i aa wai liilii iloko o ka ili, kumu, lala, lau, hua, pua, anoano, a me ia e laha hou ai a nui na hanauna. A ua pono ia, no ka mea, e lilo ana ia i mau mea ola no na holoholona he lehulehu. Ina e emi mai na mea ulu, make ka holoholona i ka pololi, a ina hoi e like ka lehulehu o na holoholona ma ka hoolaha ana, e pau e ana na mea ulu a lawa ole ko lakou heluna nui i hiki ole ke helu ia. Nolaila, ke komo nui nei na mea ulu ma ka lepo i mea e pono ai no ka ulu ana. Aka, noluna mai kekahi ola ona, kona maikai ame konaikaika, Ina no ma ka lepo maikai ia a e ninini ia ana ka wai maluna ona, a aole nae e pili me ia ke ea, aole

no'oia e ola ana, e naake ana elike me ke kanaka i nele ike ea hanu. Ina no he wahi ea iki, aole nae i pa ia e ke ea hou, e ola iki ana no oia a mahope mlmino wale iho no a make. Pela no ke ahi, pio no ina aole e hookomoia ke ea ma kona wahi; pela no ke kanaka, aia a loaa ke ea hou alaila hiki ke ola. He hanu ko na mea ulu, ina e malalo i na mea e pono ai, hookahe no ma na lau ia momona ana i omo ai ama na wahi e ae. Ma kona mau lau, ume no oia i kekahi mea ma ke ea, e- komo ana ia mea ola ma na lala apau a ma ,ka ili mai ke kumu aka mole. Nolaila, he hoholo ka wai laau ma na mea ulu elike rae ke koko iloko o ke kanaka ,aoka ea he mea ia e pono ai laua. He huluhulu ka lau ma ka aoao e huli ana ika honua i hiki ke omo i ka momona oke ea, a he hinuhinu nemonemo ma ka aoao o luna i kupono no ka lawe ana i ka mehana o ka la. Me ke ea ame ka wai, ola no ka meaulu; aole nae me ka maikai i ku iaia, no ka mea, aohe ona pua, aohe hua, ke nele oia ika malamalama. Ina aole ona malamalama, lilo oia i laukea, ono ole, ala ole, hua ole no. he mea ulu iloko 0 na hale, huli ikaika kona mau lala, na lau ame na pua, ma ka puka kahi e puka ana ka malamalama. Ua ikeia ia mea kupanaha ako ke Akua hooponoponō ana, aka, oke kumu nae oia mau mea apau i hanaia ai, aole' h'.ki i ka naauao o ke kanaka. ke huli aku. Nolaila, aia ma na mea ulu kona ikaika hoola me he mea noonoo ala, e huii ana i ka pouli ka mole ame na aa, a e huli ana hoi ke kumu ame na lala i ka malamalama, e wae ana i na mea e pono ai kona ola ana, oia hoi ke kumu o ke ea, o ka lepo ame ka wai i kapiliia ai nona, he iho laau, ili, aa-wai, lau ame ka pua; aia nohoi ilaila ka anoano i paa i ka wahi nani ame ka pulupulu kupono 1 kona ano opiopio, a mawaho ae kahi oolea o ka wahi, i pakele ko loko i ka makani, i na mu iniseka ame na mea poino e ae. Aoo ka anoano, alaila, kulou ka mea ulu i kona welau ilalo, hamama na wahi apau, a helelei ka anoano ilalo i mea e l.ih.i hou ai. I kekahi manawa lako no ka ano&no i ka huluhulu, i hiki i ka makani ke lawe a hoolaha ma kahi e, a ke kupu nei na mea ulu kela ame keia ma kona iho. He kanawai paa loa ia no na mea ulu apau i kanuia ma ka lepo hookahi, aole nae elike ke ano o na laau apau, a noka mea,aole e hiki i ka puu nui ke hoohua i ka fiku ame ka waina, he mau laau hua ia no na wahi lepo papu, a pela nohoi ko na ae-kahakai mau mea ulu aole e hiki ke ulu ma na aina pali. He lehulehu na mea