Ke Au Hou, Volume III, Number 2, 17 January 1912 — KO KE AO MAU NUHOU LIKE OLE [ARTICLE]

KO KE AO MAU NUHOU LIKE OLE

Tabriz, Peresia, lan 9. He 16 poe Peresia i liia maanei a make no ke ala kue ana i na koa Rukini. Norfolk, Va, lan 9. He 800 poe hana ona wahi kapili moku i hoole i ka hoopaa ana i ko lakou mau inoa ma na pepa hoike manawa, aua pau nui ika haalele i ka hana. Waßinetona D, C., lan 6. E noho anaka halawai a ke Komite Lahui Demokalaka i keia Poakahi maanei. He elua elele mai kela ame keia Teritore mai. Ile ma'i Numonia ko lunahoomalu Ohamp Clark o ka Hale. Manila, lan 9. Eia ke liuliu nei ka pualikaua pukaa Helu 15 no ka hoouna ia ana aku i Kina e kiai ai i ko Amerika mau pono. O ka nui o na pahu kamano Sound Pugeta no 1911 i hoopuka ia e ka hui kamano Amerika, he 1,625,000, a o na loaa he $8,i25,000. He 2,103 ka heluna nui o na pualikoa o na aina e no ka maiama ana i ka maluhia ma Pekina, no lakou ka heluna, Amerika 320, Auseturia 86, Belegiuma 21, Pelekane 338, Palani 301, Geremania 121, Italia 177, lapana 292, Netalana 48 a o Kukini 399. Mancheater, Enelani, Dec 27. He 160,000 poe Uniona hana oloko o na hale mahu i olohani ae a haalele ika hana. He kulana inoino ke ike ia nei maanei. O ke kumu o ka olohani, oia no ka uku hapa ia ana o ka uku hana. Ua hoike ae o Kakauolelo Oihana Kaua Meyer no ka hoolilo an« ia elima mokukaua papa ekahi o Amerika ma ke kaua o Sepania ma ke kuai kudala, oia o Inidiana, lowa, Masekuseta, Columbia a me Inianapoli. He $10,000,000 ka huina i manaoia, aka 0 na.hoolilo no nei poe moku he $22,191,820.80, a e lawe ana he 4 pu 13 iniha ana-waena pakahi, he ewalu iniha" pukuniahi raifela, eono inilia pu ano hou, he ekolu pu ki alapine, a he elua 30-caliba raifela. He 25 alii nie elima haneri kanaono kanaka o ka moku hookahi. Aole no ka apulu kahiko a mai- . kai ole keia kuai ia ana, aka, no ke kupono ole o ko lakou mau kulana i ko keia wa e nee nei. Lawrence, Mass., lan 15. He 12 poe i hoeha ia 1 keia la ina kekahi liaunaele i hoalaia e na poe Uniona. He 7 mau pualikoa wawae ame ka puali pukaa i kauoha ia no ka hoomalu ana i na olohani me na kauoha oolea.

Nu loka, lan 9. He 2000 poe holoi lole o keia wahi i haalele ika lakou mau hana y a lawe pu no i na pahu kopa. • Wasinetona D. C., lan 25. 0 ka Bila Hale 11, 628, e haawi ana ia John T. McCrosson ame kona mau hoa hope i ka pono wai o Kau, Hawaii, ua hooholo ia eka Hale i keia la. He wai keia i manao ia e loaa ana ka 1,000,000 galani wai ika la hookahi no ka hoopulu ana ia 15,000 eka aina mahiai. He 100 mile ka loa o ka auwai e lawe ai i keia wai maka huli hema, a o na hoolilo i manaoia, he $3,250,000. Aole ke aupuni e $uhau i ka Hui i na makahiki mua he umi, oiai, he 60 makahiki ka manawa. Waeinetona D. C., lan 14. Ua hoolilo ia o Ka. uka Robert Blue i keia la i poo nui no ka oihana ola ma kahi o Generala Wyman i make. Kapalakiko, lan 14. He mau tausani oka poe 0 ka Ekalesia Monster i ka'i aema na alanui 1 keia la me ka uluwehi. Ua alakai ia ka huakai e Gipsy Smith, kekahi o na hai euanelio kaulana loa. Piladelepia, lan 14. He 5 wahine ame ke kanaka kalaiwa i pau i ka make i keia la, mamuli o ka hookuiia ana e kekahi kaa ahi o ka hui Pēneselavania a nahaha ke kaa e kokoke ana i Germantown, oiai lakou e hele ana i ka pule. Wasinetona, lan 15. ' Ua laulaha ae i keia ka* kahiaka ka lohe ua hooia aku o Peresidena Taft i ka Elele Kalanianaole no ke kau-a ia ana o ka hookohu Kiaaina o Hawaii no ka manawa, no ka hoouna ia ana mai o kekahi Komieina Kuikawa i Hawaii nei e imi pono ai i na kumu hoopii a ka Elele kue ia Kiaaina Firia. Pekina, Kina, lan 16. Pakele ke ola o Yuen Shih Kai ke Kuhina Nui o ke aupuni Imiperiela no ke kuikahi maluhia i ka la inehinei, ma ka hoolei ia ana o kekahi mea hoopahu, oiai oia maluna o ke kaa ma ke alanui oke kulanakauhale. Ua puiwa ka lio me ka nahaha pu o ke kaa, a he elua mau koa ukali i make. Ua pakele ke Kuhina me ka poino ole, a o ka limakoko, ua paa i ka hopuia. Pekina, Kina, lan 15. Oka hoike mai ka apana mai o Shenshi, he 10,000 ka nui o na Pake Manakiu i make, a he nui na k&uhale ame na taona i hoo- • •, , neoueoia.