Ke Au Hou, Volume III, Number 5, 7 February 1912 — "PUKA MAI NO NA MEA INO MAILOKO MAI O KE KANAKA INO, NO KA MEA, UA PIHA INA MEA INO." [ARTICLE]

"PUKA MAI NO NA MEA INO MAILOKO MAI O KE KANAKA INO, NO KA MEA, UA PIHA INA MEA INO."

Ma ka nupepa Hoku namu, o ke ahiahi Poakolu aku nei makou i ike iho ai.he mau olelo hailiili i na kanaka Hawaii, a i ke ahiahi Poaha mai hoi, he pane mai kekahi poe haole kuonoonoo o ke Taona nei, i male he mau wahine Hawaii, a i noho loihi no hoi a i hanau ,ma Hawaii nei, e kue aku ana i na manao hailiili o ia nupepa. Aole keia o ka mua, a aole no hoi o ka pau ana o na hana a keia nupepa; e hoino loa ana i na kanaka Hawaii, a ua akaaka iho ko makou naau ika ike ana iho i keia pane. Ua maikai ka pane, aka, o ka ninau, heaha ka waiwai e loaa mai ana ma ia pane? L a kamaaina kako», ina ua makemake ia e pepehi i kekahi mea a make, o ke kii aku no a huki ae ma ke kumu; aole e make ma ka hoomaneoneo aku i ka pepeiao, ao!e loa. Pela no keia mau hana hailiili. He mau malama wale no i hala ae nei ua piha na nupepa a Kakina i na mea hoino i na kanaka 13 awaii, a i kekahi kakahiaka ua hookomo mai o Kakina he manao e kue ana i na olelo a ka Luuahooponopono o kana nupepa, aka, i kekahi la ae no hoopuka hou mai no ua Lunahooponopono nei he manao e olelo aku ana ia Kakina, aole oe i ike i kau mea e olelo mai nei. A mai ia manawa mai, aole he pane hou a Kakina, oiai no nae, ke puka mau mai nei no na hoino ua nupepa nei ana. Oka ninau, ua loaa anei he waiwai ma ia pane a Kakina? Ke kau mai no ka Ole, a ke hooia mai nei no ua nupepa nei, he ole io no. No keia mau kuinu, ua akaaka ilio ko makou naau, no ka mea, aole e pau ka ino aia wale no a moku ke kumu. Ua nalowale anei ke kumu a ike ole ia, ano laila, ke koe? Aole, ke ku kilakila mai nei no o ka makemake ole no paha ke kumu, ina paha i makemake io kii aku a ma ke kumu no e oki ai. K* Eia kakou ke hele aku nei i kalii e halawai pu ai ka Naita Odisa me ka Moi Rikeke ilokoo-ka ehuehu no ka palekana o ke kaikamahine ludaio.