Ke Au Hou, Volume III, Number 5, 7 February 1912 — Na Hunahuna Like Ole [ARTICLE]

Na Hunahuna Like Ole

U'i na kii onioni o ka Arena Kuokoa i ka Po* aono nei i ka malamalama o Mahealani. Auwe nohoi e! Kela mea maikai. Mimino ka ili pepeiao a kau ka-li i ka alu o ka a-i, i ka ua mea he iniki o ke anu o nei mau kakahiaka, He puakea hoi kau o ka mauu ika wai puolo lau laau. Ua hooikaika ka Elele Alii ma kana bila ika Ahaolelo e noi ana i haawina no na muliwai ame na awa-pae, a ke holopono, o ka loaa no ia o ka haawina no ka hana ana i uwapo ame palewai no Nawiliwili, Kauai. O na loaa auhau wai o ka makahiki e hoopiha ia nei iluna o na moku, he $34,732.07, no $2.50 o ke tausani galani, oiai nae he 7 me ka hapa wale no keneta 0 ke tausani galani e ukuia nei e na poe lawe mau,a he 25 wale no hoi keneta ma na awa e ae ona kapakai 0 Amenka. Ua noi ae o Mr. Wakefield i ke Komisina Awa no ka hoemi hou ana i ka auhau wai i na moku komo mai. Iwaho 0 Kukaimoo (Kaimuki) ko Kailuakeiki John Kalaukoa me kana Eva, hooluolu ai i ka pa a ka makani ehukai o Kahala ika Lapule nei. Oko makou lunahoohana kekahi me kana Eva. He mau hora ka luana ana ika manienie o "Nanea Villa," a kipa loa e ike ia Leahi Papu. I ka ike aku, he nani, ua ku fla hale u'i, ulu na pua huihui, a ua hamo biturika ulaula ia na alanui. Nui ka ino 0 keia huakai mai nei a ka mokuahi Zealandia, he ekolu mau nalu nunui i uhi pu ae iluna o ka moku me ka pulumi ia ana o kekahi mau opeope iloko o ke kai, a hekaikamahine opio 0 Miss Rita Cousens no Walla Walla, Wasinetona, 1 holo mai nei no ka noho ana ma Hawaii nei ka mea i pakele mahunehune ma ka anai ia aoa o kona kino i ka paia a mau-i eha ka wawae. Mamuli o ka hoao ana e kii e hoopakele i kekahi wahine haole i aneane e piholo ma kahi auau kai o Moana Hotele i ka auina la Poaono i hala, ua make 0 Frederick Shaf£er, he manuwa no ka mokukaua Colorado, o 26 ona makahiki, a o E. \Vright kekalii i pakele mai piholo. O Mrs. Carlson ka wahine i ike ia ke piho-piholo me ka neaea ana iluna a ilalo, a oiai o laua na mea kokoke loa, ua miki koke aku la laua no ka hoopakele ana; aka, ma. kahi o ka hoopakele, ua poino aku la ke ola. O Duke Kahanamoku ka moho au o Hawaii nei ka mea nana i au a hoopakele i ka wahine piholo niai kalii auau aku, pela ia mai. Mahalo nui ia oe e Duke.