Ke Au Hou, Volume III, Number 5, 7 February 1912 — Na Moho Heihei Au o Hawaii Nei! KA MANAOLANA NUI NO KA LANAKILA O HAWAII!! [ARTICLE]

Na Moho Heihei Au o Hawaii Nei!

KA MANAOLANA NUI NO KA LANAKILA O HAWAII!!

He 2000 a oi poe i akoakoa ae ma ka panina o ka uwapo Bihopa no ka ike ana ia Duke Kahanamoku Opio ko Hawaii nei moho au e holo aku ana no Kikako e hookuku ai me ko laila mau ihu pani, a ilaila e ikeia ai ka mea e puha'u ana o ka hanu mahope. Ua akoakoa ae na alii mokukaua ame na poe au, na poe mālama manawa he 8 ka nui ame na poe kakau nupepa i ke kakahiaka Lapule nei, a ma ka hora 10 ponoi i ikeia aku ai ka oili ana mai o na moho au me ka hiehie iwaena o na pa'ipa'i lima ame na leo mahalo o ka lehulehu. A i ke kani ana o ka leo o ka pu hoailona oia ka wa i oloio mai ai ua kae'ae'a nei me he niuhi ala no ka moana a hiki i ka haule ana o napoe aua pau i kukulu pahu ia mamua, A i ka elua oka manawa i komo ai o Vincent Genoves ka moho au hapalua mile. Ua like'ōia me ka nene ka nawe malie, ka luu oka ihu iloko oke kai; a o ka panina oia ka pahu 50 i-a i au ia e Kahanamoku. Penei na manawa i ikeia: 100 I-A PAHU. Aug. 1911 Feb. 4, '12 Kahanamoku, 55 2-5 57 2-5 Amerika, manawa holo loa 56 o * 60 I-A PAHU. Kahanamoku, 24 1-5 25 Amerika, manawa holo loa 25 4-5 HAPALUA 'MILE. Vincent Genoves, 13:364-5 14:561-2 Amerika, manawa holo loa 11:444-5 O kahi i au ai ko Ameiika poe moho iloko o ka luawai nui, pela i loaa ai kela manawa. Pehea ana la o Kahanamoku ika wai? I keia la e haalele mai ai na moho au no ka hanohano o ka inoa 0 Hawaii, ma ka wa e loaa mai ai ke kauoha telegapa mai o mai- Imua a Lanakila e Hawaii Imiloal «-fNo kekahi mau mahina ae nei i hala i noho like ai o William Laika me Frank Kalani me kekahi'mau kaikamahine iloko o ka hale hookahi, a i ka holo ana o ka Laika ipo i Maui, ua mare aku la oia i ka Kalani ipo; aka, mahope iho o ka hoohuiia ana, ua hoi hou mai la ka wahine mua mai Maui mai, a hoi hou aku la no ō Laika me ia me ka haalele ana[iho i ka mea ana i mare ai ia Kalani; nolaila, ua hoopai ia laua, o Laika he 1 mahina, a o Kalani he 1 la hoopaahao ma ka oluolu o ka aha.