Ke Au Hou, Volume III, Number 6, 14 February 1912 — HOOHOLOIA E HOOUNAIA NA ELELE NO TAFT. [ARTICLE]

HOOHOLOIA E HOOUNAIA NA ELELE NO TAFT.

v Ma kekahi halawai i malamaia e na Komite o ka Manahooko o ka aoao Repubalika i kela man la aku nei, ua hooholo lokahi ia e hoouna aku o Hawaii i kona mau Elele eono ika Aha Elele wae moho peresidena ma Kikako e wae ia Taft i moho na ka aoao Repubalika no ke kau koho e hiki mai ana i Novemaba ae nei. Ma Keia hana a ke Komite Manahooko ua ike ia aku aia io no he mea ano nui, a he hana pololei io no ka hoouna ana aku i na Elele e koho ia Taft, no ka mea, ke makemake hou mau nei ke poo o ke aupuni e loaa hou iaia ia noho. Ua hapai ia mai no he mau manao e hoouna aku no i keia mau Elele me ka maopopo ole o ka mea e wae ia aku ai, aka, ina kakou e noonoo iho ana me ke akahele, e ike ana nokakou aole ia he keehina naauao, no ka mea, eia no o Peresidena Taft ke noho nei ma ke ano oia ke poo 0 ka ohana, a ina kakou e nana maka aku ana iaia he mea ia e hoike aku ana,aole kakou i makemake iaia. He oiaio no he nui na uluaoa iloko o ka aina i keia mau la no na moJio Peresidena o keia kau ae, aka, ua hiki loa i napoe kilo ke ike aku, aole manawa a kekahi Peresidena e paa ana i ka noho, i nele ka loaa oke kau elua iaia ke makemake oia. E hoomanao pu iho no hoi kakou, aole i pau ko Taft manawa a hiki aku i Malaki o keia makahiki ae, a ia Hawaii e hoouna aku ai i kona mau Elele no ke kue iaia, e loaa mai ana no he mau mea e eha ai iloko o na malama i koe aku o kona kau, mahope iho o ka ikeia ana o keia mau hana aloha ole a Hawaii i ke poo o ka ohana. Ke apono aku nei makou i keia hana a ke Komite Manakoho o ka aoao Repubalika, a ke koi aku nei makon mai hana aku kakou i kekahi mea e eha ai o Taft a poina ia Hawaii nei. E hele aku i ka manawa wae moho no ka Ahaolelo Teritore o na Repubalika, a koho i na Elele e hooia mai ana ke puka lakou e koho ana lakou 1 na Elele eoao e hele i o e wae ia Taft i moho Peresidena.