Ke Au Hou, Volume III, Number 7, 21 February 1912 — Moolelo o ka Ekalesia o Iehova Iloko o ke Kino-II Kor. 3:2-3 Ke Aniani Kilohi o ka Uhane [ARTICLE]

Moolelo o ka Ekalesia o Iehova Iloko o ke Kino-II Kor. 3:2-3

Ke Aniani Kilohi o ka Uhane

OLELO A'O 8. Ke Kanaka ame Kona Uhane. Ma ka uhane elike ai ke kanaka me ke Akua. 0 ka uhane oia ka ke Akua i ha iho ai maluna o kekino.a he kumu ola iano ke kino.kumu noonoo, kumu hoohui lala, kumu e hanu ai, e ulo.ai, e oni ai, e ike ai ika eha. I ole ka uhane, helelei ke kino, pau kona ano kino. Oka uhane ke kumu ike iloko o k« kanaka e hiki ai ke koho i ka pono ame ka hewa, aole ona ku i ka make, a ua pili me ia ke aloha ame ka makemake, ame ka hoohalikelike manao, oia kona mea i like ole ai me ka holoholona. Ina e nawaliwali ke kino oke kanaka, a 1 ole, haka-lu elemakule paha, aka, oia mau no ka uhane ma.ke ano hookahi. He noonoo ka uhane i na mea i hala mai ke kumu mai, ame na mea e hiki mai ana, a e kamailio pu ana nohoi me ka poe i make ma ka moeuhane. Ma ka imo hookahi ana 0 ka makemake, ua puni ka honua iaia mai kela welau a keia welau, a puni na aina ame na aupuni me ka nana ikolakou noho ana, pii ika lani, ika la ame na hoku. He noonoo ia i na mea e hiki mai ana, me ka hooia aia ke Akua ke kumu o ua mea apau ke noho nei iloko o ka malamalama, ka mea hiki ole i ke kanaka ke hoomaopopo, aka, ua hiki no nae i ka uhane ke noonoo ike Akua, He mea kuikahi paa ia i loaa ke aloha. Kapaia oia he uhane, no ka mea, aohe ona loa, aohe laula, aohe paa a manoanoa, he poholo wale, aole e hiki ke hoopaia e ka lima, aole hoi oia e make, no ka mea, aohe apana liilii iloko ona e make ai elike me ko ke kino. O ka uhane ka mea e mahuahua ai ka naauao oke kanaka, aole pela ka holoholona. Oke akamai o ka manu i ka hana ana i kona punana, he oia mau no aole e mahuahua ae, a pela no ka biva 1 kona uhau ana i kona mau uwapo ame ko lakou hale. Ua ike no ka popoki ame ke keko apiki i ke kanaka e hana ana i kekahi mau mea pohihihi ole, aole no nae he hoomaopopo i ka hana ana, a aole hiki i na holoholona ke ao mai i ke kanaka. Nolaila, ua maopopo loa no 0 ke kanaka ke alii o ka honua nei malalo o ke Akua. Ua hanaia ke kanaka he kanaka maikai, mai kona kino, ka uhane, kona noonoo ame kona makemake. Ua hoolohe ke kumu ike ika noonoo,

ua hoolohe hoi ka noonoo i ke a'ola mai e manaoio i ke Akua. Ua a'oia oia i ke kanawai, i loaa ai ka ikemaka ana i ke Akua ma Kona ano maoli, ma« muli o ka manaoio ame ka manaolana. Uā komo no o Adamu ame Ewa i ka Ekaleaia ma o ka manaoio i ke a'o a lehova ia laua ma ke kino, oia hoi ka Ekalesia Makamua a mau loa i ko na aina apau. No Adamu, aole oia i okipoepoe ia elike me ka poe ludaio, aole hoi i hoomaoa i na akua kii elike me na pegana, aka, ua ikemaka oia i ka Makua ame ke Keiki ame ka Uhane Hemolele, a o na kanawai i maopopoiaia, oia nokakana mau mamo apau e noho nei i loaa ka manaoio ia mea he Akua. O ka Manaoio ka mea mua o na hana apau. I kou hana ana i kekahi mea, aia ka manaoio i kou naau e hiki ana ia oe ke hana. Oia ka papa kui* kahi i loaa iloko o ka papa i'o o ka naau o ka mea uhane i aloha i ke Akua. Ua makaukau ka aina a maikai no ka lawe ana i ke kanaka i alii maluna o na mea apau ake Akua i hana ai maluna o ka ua koho ke Akua ia Edena i wahi e noho oluolu ai ke kanaka, a aia ma ka hikina ka mahinaai maikai ke nanaia akn me na huaai ono, a aia iwaenakonu ka laau o ke ola ame ka laau e hoonaauao ai i ke kanaka i ka pono ame ka hewa. O ka hua i ai ia e Adamu ma me ke kue i ka ke Akua oleloa'o, he hua maoli no, e hiki ai no nae i ka poe naauao e kukulu i elua mahele manao me ka huli pono ana i namea oiaio o ke kanawai: I—O1 —O ke kanawai o ke Akua e waiho nei i ka wahine ma o ke ao ana a ke diabolo e ai i ka hua, oia ka ike ana o ka wahine i ka ono o ua hua ala a a'o aku ia Adamu e ai. 2—He laau ulu maoli no. Penei na mea i manao ia e ka poe naauao: Aia no ua mahinaai ala o Edena ma Aremenia i Asia, ma kahi kokoke i ke kumu wai o Euperate, Cigere, Kiroame Araxe, no ka mea, ua hiki ke hoomaopopo ma ke ano o ka olelo no ka ohi gula ana ame na mea e ae i hoikeia ma ka Palapala Hemolele. Ua hui na kumu wai oia mau muliwai ma na kuahiwi o Aramenia, a ua kulike hoi me na olelo kahiko he aina momona. Ua hoonoho ke Akua ia Adamu iloko o Edena e mahi ai. Oia ke kauoha kanawaimua no ka hana o ke kino, i hoomahuahuaia ai kona noonoo me ka hoohua ana i ka manaoio, me ka malama ana i ke kihapai ame na holoholona, a e makaala hoi i ka mea hoowalewale mai e kue i ke Akua. Ua maopopo no keia ma o ko ke Akua hooweliweli ana iaia penei, "I kou la e ai ai oe, he oiaio

no, e make oe." Ina e kupaa ke kanaka raa ke kauoha, ina na ikemaka mahope mal i ke Akua, Aka, ua loaa iaia ka ike pohihihi i ke Akua, a pela a hoea mai ia kakou nei ma oka manaoio ala. Ua hoike no ke Akua iaia i ka ukupanai oia ka ikemaka iaia; a ua hooweliweli aku hoi i ka make ke uha'i i ke kauoha. Elua ano o ka make; o ke kaawale o ka uhane mai ke kino aku kekahi make, a o ke kaawale 0 ka uhane mai ke aloha aku o ke Akua kekahi make, a no keia make ka olelo ana o ke Akua, "I kou la e ai ai, oiaio no, e make oe." I ka wa e hiamoe ana o Adamu i unuhi ai ke Akua i wahine mailoko mai ona ma o kekahi iwi aoao 'la ona, Oke Akua no ko laua mea nana i mare, a he mare hanohano loa keia, oiai, o ke Akua no ka mea nana i hana, a Oia no ko laua mea nana i mare. Oke Akua no ka hoike ame ke kahuna nana i hoomaikai i ko laua noho pu ana a hiki iko laua make ana, Na ke Akua no ke ka* nawai mare mua, penei: "No keia, e haalele ai ka wahine i kona makuakane ame kona makuahine, a e pili aku oia i kana kane, a e lilo laua i hookahi io." Oka ke Akua ia i hoopili ai ia Adamu ma, nolaila, aole he mare papalua ana, aole hoi he oki-mare a hiki i ka make ana. I hooiaio e maopopo ai, penei: Hookahi no o lesu Ekaleai'a, a elike me Karisto ke poo o ka Ekalesia, pela no ke kane ke poo oka wahine. Hookahi no kane a ka wahine hookahi i kinohi ka ke Akua hooponopono ana. O ka mare lehulehu, he mea ia e poino ai na wahiue, ma o ka like ole o ke ea o na kane malnna oka wahine hookahi; a oiai o oe ka mea nana i hoopoino kela wahine i kinohi, a ika wa nae e noho ana keia wahine me oe, o ka lalau iho la ia i mea okoa hou aku, a pela aku ana. He mea oiaio, e nui ana na ea like ole e paio ana i ke kino, a puka mai na ma'i like ole i ke kane, a i ole 1 ka wahine paha. Nolaila, o ke kanawai o ke Akua e ku nei, e paa ke kanaka i ka mea hookahi, i hoonui a hoomahuahua i ko ka honua ma ka noho pono ana o ke kane i kana wahine, a pela hoi ka wahine i ka» na kane. Pela no e pono ai keia noho uhane ana a e ulu nui ai ka lahui ma ka hoopono. Hoomaikai mai la ke Akua i ka hiku o ka la, a hoano iho la. Oka hiku o ka la, he la ia i ha'i ole ia o kone kakahiaka ame kona ahiahi: he aka ia no ka hoomaha mau oke Akua. He la hoano ia Nona. Ua paa ke ao nei ika Luakini i kahi e hoomaikai ai laia, a ke hoano nei no lakou i keia la malaila, a peia ke ao holookoa e hoomana ai ai laia me ka hoano ana i Kona inoa aloha ma ka lani.

OLELO A'O 9 Ka Haule ana o Adamu me Ewa ī xa Hswa Ua ike o loane i ke kaua nui ma ka lani, o Mikaele me kona poe anela ma kahi aoao, ao ke Deragona ame kona poe anela ma kekahi aoao. Ua kipakuia lakou mai ka lani mai a i ka honua (Hoik. mok. 12). A mahope ike aku la o loane i ke 'Lii o na 'Lii, ka Haku o na Haku, oia ka mea i oleloia ka Logou a ke Akua ka mea e Akua hope ana, a e lanakila ana maluna o ke Deragona ame na kaula wahahee, a e kiola ana ia lakou iloko o ke ahi o kona inaina. O ka moolelo oia kaua nui ana, oia no ka po«t i inu i ke koko 0 kona moekolohe ana (Hoikeana 17:5), a e komo aluka ana iloko 0 ka imu ahi 0 ka inaina o ke Keikihipa, nolalla, ua kaua aku ke'Lii 0 na 'Lii me ke diabolo me na kaula wahahee ame na mea ino apau oka honua. A lanakila ae la ka mea iaia ke kumu ame ka welau, a oo ka meai Oia ka Logou a ke Akua, a o ke 'lii o na'lii ehanā pu ana me kona mana. Ma ia kaua ana, e hdo* makaukau mau ana ke Akua i iaau lapaau no ke ola uhane. (E hoomauia aha ana.)