Ke Au Hou, Volume III, Number 7, 21 February 1912 — Ko ke Ao mau Minelala [ARTICLE]

Ko ke Ao mau Minelala

Riverside, Feb 19 —I ke kakahiaka o nehinei i loaa aku ai o George Dole, hoahanau o Sanford B. Dole, ka Peresidena mua o ka Repubalika o Hawaii, ua make iloko oka rumi auau. He ma'i kona ma ka puuwai. Wasinetona, D. C., Feb. i7-r-Ua waiho o Peresidena Sun Yet Sen i kona kulana, a ua kohoia o Yuan Shih-Kai e na mana rtui o Kina i Peresidena. Wasinetona, Feb. 18 —Ua oi aku mamua o ke tausani hoa o na ahahui Pake Amerika i hoea aku ia Peresidena Taft, me ke komite aina e o ka hale ame ke Senate no ka ike a kakoo ana i ka Repubalika o Kina. Feb. 18 —I keia la i oki ae ai o Peresidena Yuan Shih-Kai i kona lauoho a pokole, a i ka ike ana o ka lehulehu, ua nui ko lakou mahalo me na leo hooho hauoli. Sanahai, Feb. 18 —Me he la e koho hou ia ana o Kauka Sun Yet Sen i Peresidena no ka Repubalika o Kina, oiai ua olelo ae o Peresidena Yuan Shih-Kai no ke koho hou ana ia Sun Yet ma kona wahi. No ke onawaliwali o kona olakino ke kumu ona i manao ai e waiho kona kulana Pereeidena.