Ke Au Hou, Volume III, Number 8, 28 February 1912 — NA POINO E LOAA ANA IA HAWAII KE PUKA KA PERESIDENA DEMOKALATA! [ARTICLE]

NA POINO E LOAA ANA IA HAWAII KE PUKA KA PERESIDENA DEMOKALATA!

Aele makou e manao ana e puka ana ka Peresidena Demokalaka o keia kau koho e hoea mai ana, no ka mea, aole ia aoao i hoike mai ma ka lakou mau hana e loaa aku ana he mahuahua ana ae o na pomaikai ke lilo aku ia lakou ka hooponopono holookoa ana o ke aupuni. He oiaio i na makahiki elua i kaahope aku la, ua lilo ka hapanui o nalala oka Hale Ahaolelo Lahui ia lakou. Aka, iloko oia mau makahiki, ua hoike maopopo mai lakou i na hana e ike ia aku ai ka emi aiia mai o na pomaitai. Aole nae makou e kikoo aku ana i na mea i ike ole ia aku e ko Hawaii nei poe, a manao iho oia na kurau e ikemaka mai ai na poe koho o Hawaii i na poino ke puka ka aoao Demokalaka, aka, e kii aku ana makou a ma na mea hiki e ikeia e kakou nei. Ka mua; e loaa uuku loa mai ana na haawina dala ia Hawaii nei. Ua kamaaina kakou ke ake nei o Amerika e hooliloia o Hawaii nei i kahua hoahu lanahu ame ka loaa ana he wahi e kapili ai i na wahi poino o kona mau aumoku kaua. Aole paha e manaoia he mea keia e hoopomaikai ana ia kakou na Hawaii, aka, ke nele ka hiki ana ia Amerika e paa i keia mau Mokupuni, e lilo aku ana; o keia wahi iho la kahi e lilo mua ana i kona mau enemi ke komo aku keia aupuni iloko o kekahi kaua. Oka aoao wale no e hiki ai e loaa mahuahua mai na haawina no keia mau Mokupuni, oka aoao Repu-

Imiika no ia, Ileah& na hooialo ana a kakcm e manao aku ai he oiaio keia? Ma ka lawelawe kalaiaina ana a ka aoao Demokalaka, ke ikeia aku nei i olahonua no ka makemake oia aoao e houuku mai i na aumokukaua; ka lua, aole o lakou inanao nui no na pomaikai o ke alawai o Panama, a pela wale aku. Ua loaa mai nei he mau lono, aole e loaa ana ia Hawaii he haawina no ka hale hoikeike ma Kaleponi ae nei no ka hoikeike honua oka makahiki 1915, ka makahiki e manaoia nei e pau ana ke alawai i ka hanaia. Ma keia kue ana o na Demokalaka i ka loaa ana o keia haawinaj ua hiki loa ia kakou ke ike aku i ka nele e loaa mai ana ia kakou ke loaa ka ulia laki i na Demokalaka a puka aku ma ka apua ka lakou Peresidena. 0 kekahi lono hou i loheia mai nei, oia no ka hooikaika ana o Kinney e kohoia i Kiaaina malihini no Hawaii neL Iloko o na kue ana ana i ka Olelo Hooholo Hui a Pairchild, no ka paa ana o ke aupuni i na aina kanu ko o kakou nei me ka okioki ole ia i mau aina hookuonoono home, a e hoolimalima ia aku ia mau aina i na hui mahiko no na makahiki loihi, ua lohe ia aku ko Kinney leo e koi ana e hoololi ia ke -Kanawai Kuniu o Hawairnei, a e kohoia na Kiaaina o Hawaii mai * auna mai o na malihini. Heaha ka manao o keia mea? Ke ko io Ka manao o keia Demokalaka e lilo aku ana na (ihana apau loa o Hawaii nei i na malihini, a ma keia mau hana a Kinney, ke ike aku nei makou, oia no ka ka mea e ohi ia nei na makai o Honolulu nei mai ha malihini mai, oiai oka Makai Nui Demokalaka, he haumana pill paa loa ia na Kinney. 1 ka lilo ana aku o ke kulana Kiaaina ike kanaka malihini, o koiala lawe mai no ia i mau malihini koiala mau pooaupuni,a pela no hoi ia poe e lawe mai ai i mau malihini aku malalo o lakou, a oka hopena, e nele loa aku ana kakou. Aole keia he mau manao e ao aku ana i ka lahui ma ke ano e hoinoino aku ana ia aoao, aka, he mau manao kalai imua o keia ame keia

mea- man* koho, © kua ©halo makou mAUaoad apau, a e koho me ke kaakaa pono o kou mau maka, o liana io ia mai ka ino, a papapau kakou be a-a ko kauhale. Aale o makou manao e puka ana he Peresidena Demokalaka i keia kau koho paloka, aka, ua makemake makou e ike maka mai na poe koho i ka aoao pololei aka lahui e hilinai mai ai i mau holomua ana o ko kakou Aina aloha nei. Aole io no kakou ka lahui e komo aku ana iloko o ke koho Peresiclena ana, aka, ua kii aku nei makou a la we mai ia ninau i mea e hoomaikeike aku ai i kekahi o na poino e loaa mai ana ia kakou ke puka ia aoao. E noho kakou me ka makaala i na wa apau, no ka mea aole na hai e hana mai ko kakou poino, na kakou no; a aole no hoi na hai e haawi mai ko kakou mau pomaikai, na kakou no.