Ke Au Hou, Volume III, Number 8, 28 February 1912 — Ka La o Wasinetona! [ARTICLE]

Ka La o Wasinetona!

O na mahalo kiekie palena ole, oia ka mea nui hookahi ika waha oka lehulehu ona poe makaikai ike Alakai Nui Mr. A. F. Wall ame na lala x> ke Komite Hoeueu, a pela hoi i na poe apau i kokua ae i na hana hoohiwahiwa oka La Hookahakaha o Keoki Wakinekona, ka Na'i Aupuni o Amerika a o Ka Makua o Kona Aina, ka mea i papahiia me na olelo kehakeha i paanaau ma ka umauma o na kanaka Amerika oiaio e akena raau ai— Oia ka mua ma ke kaua—ka mua ma ka maluhia — a oka mua iloko oka puuwai o kona lahui. He nani a he hiluhilu na hoouluwehi ana o na ano like ole aka maka e hoonuu ai a heha i 1 maikai o na mea apau. Ma ka po Poalua (la 20) i hoikeikeia ae ai na lealea hi ? u wai nui ma ke awa o Kou, iloko oTLa malamalama o na kukui like ole, mai ke kukni uwila una mokukaua ana kukui pepa onionio o na auwaa lawaia Kepani e ka'i huakai ana, i hana ia me na kii i ? a, na kumulaau pua, ka poepoe honua hikina me ke komohana me ke kii o Keoki Wakinekona maluna pono, ko ka hui Healani moku me na kukui uwila liilii kohu pua, ka waapa heihei oka Matala e hoe ia ana ena poe aahu ulaula me na kukui lewa, ke kaa otomobile o ke Colorado me ka bana ame na haole me na pa-u hula hoopailua e anapuu hele ana. Iloko okawa ana ahi-kao e hihio ana, a e a ana na ahi pauda ulaula iluna oka ilikai i hanaia me na uwea, e loheia ana

Hoi na lco himeni o ka hul "Pinapcm" o rta wahlne ame na kane lole manuwa oka Mohikana i alakal ia e Cuna ke keiki nui kewekewe me kana laau hahau pahu, pela hoi me na leo hoaeae ana ui Kepani, ua ikeia aku la ka Luapele o Kilauea e hoolei ana i na kolamu ahi i ka lewa maluna oka waapa kao, a c ukaliia ana hoi e ka mokukaua Pake me ka hae o ke aupuni repubalika o Kina. He nani maoli na mea apau, aka, ua ahai ae na auwaa Kepani i na makana apau no na hoohiwahiwa, a ua lilo ka makana ekahi i ka Fa Kumu nui ulaula. Ua nui na poe i akoakoa ae, a no ka pau ole o na hauoli "Pinapoa," uahoopaneeia mai ka hoikeike ana no ka lua oka manawa a ka po Poakahi nei ma ka Opera Hou. Ka Hookahakaha ana Pualikoa—Ma ka hora 9 a.m. i akoakoa ae ai na pualikoa o ke Teritore ame ko ke Aupuni Federala, a pela hoi me na keiki Kula Koa o Kamehameha, me kona aumoku kaua Amerika e ku nei. (Aole i ka'i ae ka puali Poola ame ka Uniona i manao wale ia). He ulika pahee maoli ka lepo o na alanui, aka, he mea oleia i na kapuai wawae o na pualikoa e alakaiia ana e na puali puhiohe. Hewa i ka wai ua mea he nui o na koa Ho pukaa o Kahauiki me na pukuniahi, mai Kalaepohaku mai.ka makamua a nee ma ke alanui Kula a iho ma Liliha a hoea i ke alanui Mdi. He laina loihi okoa nohoi o na poe koa hele wawae me na miula la we eke poka mai Leleo aku a hoea i Kapalama. Ko Kahauiki mau koa wale no keia, a koe no ko na puali e ae iloko o na laina hookahakaha. Kohu nalu nohoi e po'i ana ka wawae o na keiki Hawaii ka haki nu'a i ka ohuku, aka, o kamalii koa nae o Kamehameha ka mea mahaloia. Na Hauoli Hooikaika Kino —Ma ka hora 10 a.m. i malamaia ai na lealea kukini me hooikaika kino ma Alekanedero Paka, a eiaiho nahoikeano nui: Lele pa koo laau, eo ia Hikikoki o Punahou, he 10 kap. 5% iniha; o ke kiekie loa o Hawaii nei, he 10 kap. n# iniha. Lele kawa,eo ia M. Friesell oka hui Healani, he 21 kapuai me 5# iniha. Nou poka 16 paona, eo ia Inmano Punahou, he 36 kap. me iniha. Lele pa 220 i-a, eo ia Friesell o Healani, manawa 27 me 4-5 sekona. Lele pa, eo ia Hans Fassoth o Punahou, he 5 kap. iniha. Heihei holo 100 i-a, eo ia Yamashiro o Sana Lui, manawa he 10 2-5 sekona; haule loa o Rice, ua manaoia no ka pehu oka wawae. Pahu holo 50 i-a, eo ia Lai Tin Pake o Makinile, he 5 2-5 sekona, helu 2 ia Yamashiro, ekolu ia Rice. Holo lele pa 120 i-a, eo ia Friessel o Healani, manawa he 17 1-5 sekona. Pahu holo 1 mile, eo ia

W. H. Mclnccke o MaKlnilc, no jifjiekona. Nou hamare, co ia Coney o Punahou he u& kapaai. Heihai holo i mile, eo ia Rice oMaKinile r [23 4-5} a he nui na heihei like ole, aole nae i lilo i mea ano nui. Ka Huakai Otomobile me na Moiwahinb— Ma ka hora 2 oka auina la i hoomaka ai ka nee ana oka huakai hoohiwahiwa. Ua paapu na ala* nui i na aole hiki i na kaa uwila ke holo. O ke kaa kikane i hana nuu ia me na kahili hulu me na poe me na laau palau, na puloulou ame ka Moi Kamehameha IV me ke Kama'liiwahine Kamamalu, oia ka mea oi loa oka mahaloia ame ka ui e alakai ana mamua oka huakai. He nani like ole ko na otomobile me na pua pepa vaioleta, lilia wai, pua aloalo maku'e, kaili puuwai, na pua hau melemele o lapana, a pela aku. Oke kaa Ailiki poo ulaula o Makanani ka mea hu loa o ka aka; a o ke kaa olepe nohoi me na iwi papaua nunui, a he elua raau i'o pupu wahine haole o loko e o-nu ana; a o ke kaa pi-pi alanui me ka haole opu nui laua o John Matina kahi peke kue waiona. Ua nui kona pa-kiia e na haole i O kekahi kaa akaaka loa, oia ke k£a o na Pake kaua o Kina ame ka mokukaua me na pukuniahi poka welu, Ua ki ia kekahi pu aku aku la ma kau-ha o kekahi wahine haole, a ua nui ka puiwa o kela wahine i kela ano poka palupalu. Pela nohoi me ka Bea e palu ana i ka ihu o ke kahu, a o ke kao hoi e palu ana ika omole bia; ahe nui wale aku o na mea u'i. Ma ka nee ana 0 ka huakai ma na alanui, ua nui ka mahaloia o na Moiwahine holo lio o Maui a me Molokai, a o Kauai hoi ma ka nani oka aahu, aka, ika hoea ana ike kahua hookahakaha, ua kaili aku ka Moiwahine o Hawaii i na puuwai o kalehulehu, e laa ka hiehie o ke kulana ame ka paa oka noho ana ika lio, ka maikai oka holo ana, ka mikioi oka paa ana ike kaulawaha, ka memele oka aahu ame ka luhiehu ohu oka lei lehua, ua like no a like me ka manu liwi kiko pua lehua o Laa. A aloha wale ae la no na keiki o Hawaii i noho a kupa a kamaaina ika leo oka liwipolena—Mahalo nui ia Miss Weight. Ma ka hora 5 p.m. i malamaia ai ke kaua nou pua ana kaa otomobile, ao na poka lipine loloa ka oi oka nani, he hiki ke hoohei i na ai me na papale a wili i na lauoho loloa a paa loa. He oloio hoi kau o na poka pua. Ma ke ahiahi hora 7 ka huakai kukui nui ana Kepani i hele a kauluwela na alanui. Lilo ika laau Cherry ka makana 1, makana 2 ike towela Pagoda a ka nupepa Nippu Jiji, 3 i ka Meaono o ka La o Wakinekona, 4 i ka Apana Ipu Ai-waha.