Ke Alakai o Hawaii, Volume I, Number 8, 21 June 1928 — HOIKE KA PUUKU HAPAI I KE ANO O KA HOLO ANA O NA DALA AUHAU [ARTICLE]

HOIKE KA PUUKU HAPAI I KE ANO O KA HOLO ANA O NA DALA AUHAU

Malalo iho ka hoike a ka Puuku Hapai i ke ano o ka holo ana o na dala a kakou e uku nei no ka auhau. Iloko o ke kalana o Honolulu, o ke kanaka he home kona ana i uku ai i ka auhau he $11.75 maluna o ka waiwaiio o $2500, e holo ana ia mau dala penei: $4.15 i ke aupuni kalana, $5.27 no ka oihana hoonaauai, 51.44 no ka aie o ke aupuni, $.25 no na uku hoomau, a he $.63 no ke aupuni teritore. Pela no hoi me na dala a pau e uku ia ana e na poe uku auhau a pau. (Ne KE ALAKAI); He mau makahiki i kaa hope ae nei, aole o kakou aie aupuni nolaila, aole ka huahelu maluna ao $1.44 i kau ia iho maluna o ko kakou au auhau, a e pii mau ae ana keia i kela ame keia makahiki a hiki i ka wa e ao kanaka ae ai ko kakou mau lala o ka ahaolelo, a hoopau i ka hoopii aie ana a hoomaka e hoemi aie. Ia mau makahiki no, aole mau uku hoomau lehulehu e like mai nei me ko keia mau makahiki. Ke pakele la no kakou ia 25 keneta. He emi mai no hoi na hoolilo o ka oihana hoonaauao, a emi pu hoi me ka auhau. He oi no paha ko kakou poe kau kanawai a ka poe ike i ka hoopinana auhau No kakou no nae ka hewa i ke koho ia lakou.